Apocalipsi 16:18 - Tachi Ak'õre Pedea

¹⁸ Ara mãɨne pa ɨbɨa wiwirá nɨbeesima, ɨbɨa ɨrrɨa wã nɨbeesima, pa ɨbɨa bae nɨbeesima, mãɨnepa iurumia ɨbɨa wãsima. Nãɨya Tachi Ak'õrepa ẽpẽra oo basiedapema ewariaba pida mãɨya iurumia ɨbɨa wãk'a pasima.

Apocalipsi 16:18 Referans Kwoze

Apocalipsi 4:5

Ara mãɨya bɨde mãmãɨpa chi tachi Ak'õre suak'a beeparí auk'ará bɨ estarik'aɨpa pa wiwiraasima, mãɨ pa ɨɨrɨa nɨbeesima, mãɨnepa ɨbɨa minachia jĩk'ua bae nɨbeesima. Mãɨ chi suak'a beeparí naa laap'ara k'ak'o siete urua nɨbasima. Mãɨ Tachi Ak'õre naa chi siete p'anɨ jaorerã mãɨ laap'ararãpɨ.

Apocalipsi 11:19

Maapae Tachi Ak'õre te minachia bɨ pajãne bɨ ewasima. Mãma chi Tachi Ak'õrepa oopida baulte mɨa unusima. Mãɨne pa wiwirá nɨbeesima, pa bae nɨbeesima, mãɨnepa minachia jĩk'ua bae nɨbeesima. Nãɨ ĩjũa ore nɨbeesima mãɨnepa hielo k'oe jĩra bae nɨbeesima.

Apocalipsi 11:13

Ara mãɨne iurumia ɨbɨa chesima. Mãɨpa Jerusalén p'uurude te minachia k'orap'et'ak'oasima. Ẽpẽerã siete mil piusidama. Ara mãɨne chi chok'ae beadapa chi pajãnepema Tachi Ak'õrea chi wap'eapa ichi pia bɨade a jarasidama.

Apocalipsi 8:5

Mãɨpuru chi Tachi Ak'õrepa ɨt'aripa peeda chi p'arat'u jitak'ari, ok'ĩtau chi incienso k'era paapataɨde jɨrɨp'ek'ari maapae chi p'arat'u ipirupisima. Chi ok'ĩtau ĩjũane bat'ak'oasima. Mãɨpa pa ɨbɨa baesima, pa minachia ɨrɨterrea wã nɨbeesima, pa wiwirá bae nɨbeesima mãɨnepa nãɨ ĩjũa ore nɨbeesima.

Apocalipsi 6:12

Mãɨya nak'ari chi Oveja Chak'epa mãicha chi k'art'ade k'ara bada aba oet'aside mãɨne iurumia minachia ɨbɨa chesima. Chi ɨmata p'ãriosima, ẽpẽerã piuutade neet'á p'aimá tachia jɨ̃pata jĩra. Mãɨnepa chi jedek'o p'urea oa jĩra k'obeesima.

Mateo 24:21

Mãɨ ewaride ẽpẽrarã minachia chupuria mĩanaipɨ. Tachi Ak'õrepa nãɨ ĩjũa oosiedapema ẽpẽrarã mãɨ jĩra atepe mĩapik'a pasima, ichiaba mãɨya bak'ari waa ara mãɨ jĩra mĩanaiwẽma.