Apocalipsi 14:14 - Tachi Ak'õre Pedea

¹⁴ Mãɨya nak'ari mɨa ɨt'aa pajãnea ak'ɨside jɨ̃ara t'ot'oa bɨt'a unusima. Mɨa chi Ẽpẽra Warra jĩra bɨ chi jɨ̃ara ɨ̃rɨ suak'abari bɨt'a unusima. Chi porode chi jũra jɨ̃parí nee oodat'a jɨ̃ basima. Ichi juade nek'o chi p'eedea bɨt'a uru basima.

Apocalipsi 14:14 Referans Kwoze

Apocalipsi 1:13

Mãɨ siete ĩpira p'anɨ esa, mɨa chi Ẽpẽra Warra jĩra bɨt'a unusima. Anamari waa tachi jĩrumá jɨ̃ basima. Ichi p'echude nee ooda pará basima.

Hebreo 2:9

Maamina Jesú k'orea k'awa p'anɨma. Tachi Ak'õrepa ichit'u nãɨ ĩjũane k'aepe bɨsima chi ɨt'aripa peedaɨrã k'aepẽra. Tachi Ak'õrepa ichi sõpiadepa mãɨya oosima Jesú jõmãɨrã k'orea piumẽrá. Minachia mĩak'ari piuda pẽra Tachi Ak'õrepa ichi pia bɨsima mãɨnepa chi atepe bɨsima.

Luca 21:27

Mãɨneepuru ununaipɨ mɨ, chi Ẽpẽra Warra jɨ̃arane jua chaareadepa cherut'a, mãɨnepa k'ĩrawãrea achiterrea bɨt'a.

Mateo 17:5

Pedro mãɨya pedeamaa bɨde jɨ̃ara ɨnaa bɨpa ãchi ãarea t'ausima. Jɨ̃ara mãɨya cheside nãɨ pedea jĩk'ua ũrisidama: «Nãɨt'a mɨ Warrapɨ. Mɨa ichi minachia k'ɨ̃ria bɨma. Mɨ ichi k'orea arapá bɨma. Ichia jara bɨ ũrit'ɨ».

Apocalipsi 6:2

Mãɨ mãmá ak'ɨside, mũra t'ot'oa bɨt'a unusima. Chi mãɨ mũra ɨ̃rɨ suak'abari bɨpa sia jĩra bɨt'a uru basima. Abaɨpa ichiá poro jũra jɨ̃parí teasima. Ara mãɨne waapẽarã jõma p'uek'ari, mãicha waapẽarã jõma p'ueyá wãsima.

Apocalipsi 1:7

Ak'ɨt'ɨ. Cristo jɨ̃arane cheipɨ. Mãɨne jõmãɨrãpa ununaipɨ. Chi ichi sudada pida ununaipɨ. Ichi unuutade jõma nãɨ ĩjũanepema jẽanaipɨ. Piarã mãɨya baipɨ.

Apocalipsi 20:11

Mãɨya nak'ari mɨa chi suak'a beeparí waibɨa t'ot'oa bɨt'a unusima. Ichiaba chi mãɨne suak'abari bɨt'a unusima. Ichi k'ĩrari nãɨ ĩjũa ãarea mãɨnepa pajã sida wẽpasima. Abaɨ pida waa ununaé pasima.

Apocalipsi 19:12

Ichi tau t'ɨpɨ jĩra urua basima. Poro jũra jɨ̃parí minachia jɨ̃ basima. Ichi porode t'ɨ̃ bɨ uru basima maamina abaɨ pida mãɨ t'ɨ̃ k'awaé pasima; ichiapuru mãɨ k'awa basima.

Apocalipsi 11:17

Nãɨya jarasidama: «Tai Chipari, chi Ne Ãarea P'ue Bɨ Tachi Ak'õre, pɨ idi bɨma, mãɨnepa naena basima. Pɨ jua chaarea waibɨa bɨ unupi bɨ pẽra mãɨnepa jõmãɨrã Chipari beeda pẽra taipa pia bɨade a p'anɨma.

Apocalipsi 10:1

Mãɨya nak'ari k'ãmok'araa jĩra mɨa Tachi Ak'õrepa ɨt'aripa peeda chi atepe bɨt'a pajãnepa edá cherut'a unusima. Ichi neet'á jɨ̃ara jĩra basima. Ichi poro ɨ̃rɨ iuma jũra basima. Ichi k'ĩra ɨmata jĩra urua basima. Ichi jĩru t'ɨpɨ urua nɨbɨ jĩra basima.

Marco 4:29

Maapae chi net'a tau waraak'ari, ẽpẽrapa nek'odepa t'ɨat'uk'ari jɨrɨp'epodoparima chi ewari pada pẽra.

Mateo 13:30

Pia bɨma tausia waripidai aba chauutadea. Mãɨ ewaride mɨ mimiapataɨrã́ jaraipɨ jerep'edamẽrá: naa ne uu mietá jɨrɨp'edak'ari k'ãajɨ̃t'ɨ paadai k'orea. Maamina trigo mɨ ne yaaparí tede yaat'ɨ”».