Apocalipsi 14:1 - Tachi Ak'õre Pedea

¹ Mãɨya nak'ari mɨa unusima chi Oveja Chak'e chi Sión p'uuru eya ɨ̃rɨ bai nɨbɨt'a. Ichi ome 144 mil p'anasima. Ãchi tau bɨɨrɨde chi Oveja Chak'e t'ɨ̃ mãɨnepa ãchi Ak'õre t'ɨ̃ bɨ uru p'anasima.

Apocalipsi 14:1 Referans Kwoze

Apocalipsi 3:12

Nemietá p'uedaadá mɨa Tachi Ak'õre te jĩru jĩra bɨipɨ. Mãɨya mãɨ tedepema ãyá ewariaba pida wãnaiwẽma. Ãchi tau bɨɨrɨde mɨ Ak'õre t'ɨ̃ bɨipɨ ichidirã k'awapiyá. Ichiaba ãchi tau bɨɨrɨde mɨ Ak'õre p'uuru t'ɨ̃ bɨipɨ mãmanepemarã k'awapiyá. Mãɨ Jerusalén P'uuru chiwidi apataɨ pajãnepa mɨ Ak'õre bɨmãɨpa cheipɨ. Mãɨnepa ãchi tau bɨɨrɨde mɨ t'ɨ̃ chiwidi bɨipɨ mõré k'awapiyá.

Luca 12:8

»Mɨa nãɨ jararuma: abaɨ pida ẽpẽrarã k'ĩrari mɨne ĩjãa bɨade aipɨra, Tachi Ak'õre peedarã pajãnepema k'ĩrari mɨ, chi Ẽpẽra Warrapa ichi mõréane aipɨ.

Romano 9:33

Tachi Ak'õre pedeade mãɨnepema nãɨya bɨ bɨma: «Ũrit'ɨ. Mɨa Sión p'uurude mawara bɨruma. Mãɨ mawaramá ẽpẽrarã t'enabaridak'ari baedaipɨ. Maamina chi ichide ĩjãa bɨpa pari ĩjãa baiwẽma».

Apocalipsi 14:14

Mãɨya nak'ari mɨa ɨt'aa pajãnea ak'ɨside jɨ̃ara t'ot'oa bɨt'a unusima. Mɨa chi Ẽpẽra Warra jĩra bɨ chi jɨ̃ara ɨ̃rɨ suak'abari bɨt'a unusima. Chi porode chi jũra jɨ̃parí nee oodat'a jɨ̃ basima. Ichi juade nek'o chi p'eedea bɨt'a uru basima.

Apocalipsi 15:5

Mãɨya nak'ari mɨa pajãne ak'ɨside chi Tachi Ak'õre tede chi eda p'aru ara ãpia eatɨa jira bɨ ewa nɨbɨt'a unusima.

Apocalipsi 6:8

Mãmá ak'ɨside mũra k'uará bɨt'a unusima. Chi mũra ɨ̃rɨ suak'abari bɨa «Chi Piuda» apatama. Chi ichi ome p'ɨrrɨa bɨa «Chi Piudaadarã P'anapataɨ» apatama. Tachi Ak'õrepa ãchiá chi k'ĩmarinepema abaabá ãarea peapade asima nãɨ ĩjũa ãareaɨne. Mãɨ ẽpẽerã peadayade asima ãchia k'ĩruupik'a p'anɨnepa, jarradepa, k'ɨdade p'anɨnepa ichiaba chi ãnimararã mietá p'anɨrãnepa.

Apocalipsi 4:1

Mãɨya nak'ari mɨa k'ãmok'araa jĩra unusima pajãne eda wãpataɨ ewa nɨbɨt'a. Mãɨne mɨa ãnimara k'achu pedea jĩra naena ũri badapa jarasima: «Nãma ɨt'aa chese. Mɨa pɨá unupiipɨ nãɨ ewari cherude chi mãɨ ne bai bɨt'a».

Apocalipsi 14:3

Mãɨne chi Tachi Ak'õre suak'a beeparí auk'ará bɨ naa, chi ẽpẽra jĩra k'ĩmari chok'ae p'anɨ naa mãɨnepa chi chõarã 24 p'anɨ naa k'ari chiwidit'a k'ari p'anasima. Abaɨ pida mãɨ k'ari p'ue k'awadaé pasima. Chi mãɨ abapuru 144 mil p'anɨrãpa, chi Tachi Ak'õrepa k'aripa badapa mãɨrãpuru k'ari k'awa p'anasima.

Apocalipsi 22:4

Ichi k'ĩra ununaipɨ mãɨnepa ichi t'ɨ̃ ãchi tau bɨɨrɨde bɨ uru p'ananaipɨ.