Apocalipsi 13:5 - Tachi Ak'õre Pedea

⁵ Tachi Ak'õrepa chi ãnimará ichit'u chi atepe bɨade itu jarapisima mãɨnepa Tachi Ak'õret'a mietá bɨade apisima. Mãɨnepa jedek'o k'ak'o 42 chi nãɨ ĩjũanepema ãarea p'uepisima.

Apocalipsi 13:5 Referans Kwoze

Apocalipsi 12:6

Maapae wẽra ĩjũa pania newẽa bɨmá mĩruwãsima. Mãma Tachi Ak'õrepa ãarea oo uru basima, 1.260 ewari ichi ak'ɨ uru p'ananamẽrá.

Apocalipsi 12:14

Maamina jepa piawẽa oopiemaapa Tachi Ak'õrepa wẽrá ĩk'arra ume teasima ĩjũa pania newẽa bɨmá wãamari wãmẽrá. Mãma Tachi Ak'õrepa ichi ãyo ũpeak'ari ya estarik'a chi jedepema ak'ɨ uru bai k'orea ãarea oo uru basima.

2 Tesalonicense 2:4

Mãɨ ẽpẽra k'achia bɨpa Tachi Ak'õre k'ɨ̃riawẽa baipɨ. Ichiaba jõmãɨrãpa nãɨ ĩjũanepema tachi ak'õreane apataɨ k'ɨ̃riawẽa baipɨ. Ichia ãarea mãɨ k'aepẽra chi atepe minachia k'awa bɨade aipɨ. Mãɨpuru Tachi Ak'õre te minachia bɨde suak'abari beek'ari ichit'a Tachi Ak'õreane aipɨ.

Apocalipsi 13:7

Mãɨnepa Tachi Ak'õrepa jãɨ ãnimará ichidirã paara k'ĩruupik'ari chi animarãnea itu p'uepisima. Ẽpẽerã awaraɨcha, p'uurucha, pedeacha mãɨnepa ĩjũacha, mãɨrã ichi jua chaareade bɨsima.

Apocalipsi 11:7

Maamina Tachi Ak'õre k'orea jõma pedeadak'ari mãɨ ãnimara mietá chi uria minachia bɨdepa chedapa ãchi k'ĩruupik'oipɨ. Ãchi p'uek'ari k'enaipɨ.

2 Tesalonicense 2:3

Mi ãpia pida abaɨa itu seapirãt'ɨ. Tachi Chiparipa ɨtɨai ewari pai naena chok'araɨrãpa Tachi Ak'õre itu bɨdaipɨ. Mãɨne chi ẽpẽra k'achia bɨt'a unupiipɨ. Mãɨ ẽpẽra Tachi Ak'õrepa t'ɨpɨ uruadea jira peeipɨ.

2 Tesalonicense 2:8

Maapaepuru chi ẽpẽra k'achia bɨpa unupiipɨ. Maamina Tachi Chipari Jesú k'ĩrawãrea achiterrea cherude ara pedearupa mãɨ ẽpẽra peaipɨ.