Apocalipsi 12:5 - Tachi Ak'õre Pedea

⁵ Mãɨne wẽrapa ɨmɨk'ĩra warra t'õsima. (Mãɨ warrapa ichi jua chaareadepa jõma nãɨ ĩjũane berã́ ichi pedea oopiipɨ). Maamina jepa mii naena Tachi Ak'õrepa mãɨ warra ɨt'aa ateesima ichi suak'a beeparí auk'ará bɨde suak'abari bɨmá.

Apocalipsi 12:5 Referans Kwoze

Apocalipsi 19:15

Ichi it'aedepa k'ĩruuparí nek'o p'eedea bɨt'a ochiasima, mãɨnepa tuacha p'uei k'orea. Sõ chupuriadawẽa ãareaɨrã́ jok'ae oopiipɨ. Uva pertɨaru jĩra ãchi ɨtɨaipɨ, ichia Tachi Ak'õre chi Ne Ãarea P'ue Bɨpa k'ĩruu bɨdepa mãɨya ɨtɨai bɨ pẽra.

Apocalipsi 12:2

Mãɨ wẽra biak'oa basima. Mãɨ warra t'õitea bɨẽra mãɨ p'uapa bia basima.

Apocalipsi 11:12

Maapae chi Tachi Ak'õre pae pedeapataɨrãpa pajãne pedea ɨbɨa ũrisidama. Nãɨya jarasima: «Nãma ɨt'aa chet'ɨ». Ara mãɨne chi nek'ĩramaapa ak'ɨ p'anɨne ãchi ɨt'aa pajãnea jɨ̃arane wãsidama.

Mateo 1:25

Maamina ará k'ãinak'a pasima aba mãɨ warra ĩwini t'õrunea. T'õk'ari Josepa ichi t'ɨ̃ bɨsima Jesú.

2 Corintio 12:2

Mɨa Cristode ĩjãaparí ẽpẽra aba k'awa bɨma. Catorce ãyo pa baside Tachi Ak'õrepa mãɨ ũpẽa pajãnea ichi bɨmá ateewãsima. Mɨa atua bɨma Tachi Ak'õrepa ichi k'ak'uat'u ateewã basit'a wa abapuru ichi jaoret'a ateewã basit'a. Tachi Ak'õrepuru mãɨ k'awa bɨma.

Marco 16:19

Mãɨya jarak'ari Tachi Ak'õrepa Tachi Chipari Jesú ɨt'aa pajãnea ateewãsima. Mãma ichi juaraari suak'abari beesima.

Apocalipsi 12:13

Chi jepa ichi nãɨ ĩjũane amaasit'a k'awasi pẽra, chi wẽra ẽp'ẽsima chi warra t'õna pada chi mãɨ nemietá ooyá.