Apocalipsi 11:3 - Tachi Ak'õre Pedea

³ Mãɨ ewaride mɨa ẽpẽra ume tea peeipɨ mãɨrãpa mɨ k'orea pia pedeadamẽrá. Ãchia neet'á sõp'ua p'anɨne jɨ̃pataɨ jɨ̃nak'ari maapae Tachi Ak'õre k'orea pedeadaipɨ 1.260 ewari bɨpari».

Apocalipsi 11:3 Referans Kwoze

Apocalipsi 12:6

Maapae wẽra ĩjũa pania newẽa bɨmá mĩruwãsima. Mãma Tachi Ak'õrepa ãarea oo uru basima, 1.260 ewari ichi ak'ɨ uru p'ananamẽrá.

Apocalipsi 11:2

Maamina chi Tachi Ak'õre te minachia bɨ ik'á tejã eda bɨt'a chaarãse, mãɨ mɨa chi mɨne ĩjãanak'apɨɨrã́ teada pẽra. Ãchia chi Tachi Ak'õre p'uuru Jerusalén p'uedaipɨ jedek'o k'ak'o 42 bɨpari.

Apocalipsi 13:5

Tachi Ak'õrepa chi ãnimará ichit'u chi atepe bɨade itu jarapisima mãɨnepa Tachi Ak'õret'a mietá bɨade apisima. Mãɨnepa jedek'o k'ak'o 42 chi nãɨ ĩjũanepema ãarea p'uepisima.

Hecho 13:31

Mãɨya nak'ari Jesupa chi ichi ome Galileadepa Jerusalenea wãnaanarã́ ara ichi bari k'ak'o minachia unupisima. Idiapae mãɨ ẽpẽerãpa ichi k'orea ãarea israel ĩjũanepemarã́ pedea p'anɨma.

Hecho 1:8

Maamina Tachi Ak'õre Jaore mãra ome beede cherude, mãrapa ichi jua chaarea jitadaipɨ. Mãɨpa mãrapa Jerusalene, ãarea Judea mãɨnepa Samaria tuade mãɨnepa tua t'ɨmɨa bede mɨ k'orea pedeadaipɨ.

Luca 24:48

Ara machi taupa mɨ mãɨyana jõma unusidama.

2 Corintio 13:1

Tachi Ak'õre pedeade nãɨya jara bɨma: «Nepɨracha ak'ɨutade ẽpẽra ume wa ũpea arí p'ananai p'anɨma. Mãɨne ichi nepɨra k'orea mãɨ ume wa ũpea p'anɨrãpa abarik'a jaradaipɨra, k'awadaipɨ piarã mãɨya basit'a». Nãɨpa bari k'ak'o ũpea mɨ mãramá wãru pẽra ɨtɨaipɨ Tachi Ak'õre pedeade jara bɨ jĩra.

Hecho 2:32

»Davipa jarada jĩra Tachi Ak'õrepa Jesú piu bada chok'ae p'irabaripisima. Taipa ãarea mãɨ unusidama.

Juan 15:27

Mãra pida mɨ k'orea pedeadaipɨ, mãra naenapema mɨ ome p'anɨ pẽra.

Mateo 18:16

Maamina pɨ pedea ĩjãawẽpɨra, ẽpẽra aba wa ume ichimá ateewãse. Mãɨrãpa pɨa jara bɨ ãarea piarãane adaipɨ.

Apocalipsi 19:10

Ara mãɨne mɨ chi Tachi Ak'õrepa ɨt'aripa peeda jĩru k'ait'a sĩraporode bedabari k'obeesima ichiá pia pedeai k'orea. Maamina ichia mɨá jarasima: «Jãɨya oorãse, mãɨpari Tachi Ak'õreapuru pia pedease. Mɨ Tachi Ak'õre pae pari mimiaparipɨ, pɨ jĩra mãɨnepa chi Jesupa jarateada ĩjãa berã jĩra». Jesupa jarateada Tachi Ak'õre Jaorepa chi ichi pari pedeapataɨrã́ pedeapiparima.

Apocalipsi 1:5

Mãɨnepa k'ɨ̃ria bɨma Jesucristo pida mãɨya oo bait'a. Ichia Tachi Ak'õre k'orea piarã jaraparima. Piu bada naa chok'ae p'irabarisima, ãarea nãɨ ĩjũanepema chi poro jũra jɨ̃parí jɨ̃ p'anɨrã k'aepẽra chi atepe bai k'orea. Mãɨpa tachi k'ɨ̃ria bɨma mãɨnepa ichi oadepa nemietaadepema k'aripasima.

Hecho 3:15

Mãɨya mãrapa chi tachi Chok'ae Bapiparí peasidama. Maamina Tachi Ak'õrepa ichi piu bada chok'ae p'irabaripisima. Mãɨ chok'ae p'irabaridat'a taipa unusidama.

Apocalipsi 20:4

Maapae mɨa chi suak'a beeparí auk'ará p'anɨ chok'ará unusima. Chi mãɨ ɨ̃rɨ suak'abari berã Cristo ome Tachi Ak'õrepa bɨsima chi minachia k'awa p'anɨrãt'a, mãɨrãpa ẽpẽerã nepɨra ak'ɨdai k'orea. Mãɨnepa mɨa ẽpẽerã poro t'ɨat'udada jaore unusima. Mãɨya poro t'ɨat'usidama Jesupa jarateada ĩjãa p'anɨ k'orea mãɨnepa Tachi Ak'õre pedea jaratea p'anɨ k'orea. Ãchia chi ãnimara mietá bɨt'a mãɨnepa chi ichi jĩra bɨ juapa oodada sãdo k'ɨ̃rianaé pasima. Ichi tauchaada ãchi tau bɨɨrɨde mãɨnepa juade pida itu bɨpidaé pasima. Ãchi chok'ae p'irabaridak'ari mil ãyo Cristo ome poro jũra jɨ̃parí jɨ̃ p'anɨrã jĩra p'aneesidama.

Ep'esio 4:11

Ichiapuru chi eda waapẽarã bɨsima ichia peedaɨrã p'ananamẽrá, waapẽarã bɨsima Tachi Ak'õre pari pedeapataɨrã p'ananamẽrá, waapẽarã bɨsima chi pedea pia Cristo k'orea jaratea nipadamẽrá, mãɨnepa waapẽarã bɨsima ũpẽarã ak'ɨpataɨrã mãɨnepa jarateapataɨrã p'ananamẽrá.

1 Corintio 12:28

Tachi Ak'õrepa ũpẽarã t'ãena chi Jesucristopa peedarã naa bɨsima. Mãɨ ɨ̃ari chi ichi pari pedeapataɨrã bɨsima. Mãɨ ɨ̃ari ichi pedea jarateapataɨrã bɨsima. Mãɨ ɨ̃ari ãchidiidepemarã chi bee bɨsima ẽpẽerãpa ne p'ue oodak'apɨ́ p'ue oodamẽrá, ãchidiidepemarã chi bee bɨsima k'ɨdade berã p'ue jɨpa beepidamẽrá, ãchidiidepemarã chi bee bɨsima ũpẽarã k'aripadamẽrá, ãchidiidepemarã chi bee bɨsima chi ũpẽarã t'ãena k'ãre oodai p'anɨt'a k'awadamẽrá, mãɨnepa ãchidiidepemarã chi bee bɨsima wawaria tachia ũrinak'apɨ́ pedeade pedeadamẽrá.

Juan 3:27

Mãɨpuru Juanpa jarasima: —Abaɨ pida ne p'ue uru baiwẽma, chi mãɨ Tachi Ak'õrepa ichiá teaiwẽpɨra.

Mateo 11:21

Nãɨya jarasima: —¡Corazín p'uurudepemarã mãɨnepa Betsaidadepemarã chupuri p'anɨma, Tachi Ak'õrepa ɨtɨai pẽra! Mɨa ẽpẽrarãpa ne p'ue oodak'apɨ́ mãra t'ãena Tirode mãɨnepa Sidone oodapara, mãɨ p'uurudepemarãpa isapea nemietá oopataɨ itu bɨdak'ari Tachi Ak'õrene ĩjãanai pasima. Mãɨ k'orea neet'á sõp'ua p'anɨne jɨ̃pataɨ jɨ̃nai pasima, mãɨnepa et'abarra jora ɨt'aa p'odai pasima ãchi poro ɨ̃rɨ.

Luca 10:13

»¡Corazín p'uurudepemarã mãɨnepa Betsaidadepemarã chupuri p'anɨma Tachi Ak'õrepa ɨtɨai pẽra! Mɨa ẽpẽrarãpa ne p'ue oodak'apɨ́ mãra t'ãena ooda Tirode mãɨnepa Sidone oodapara, mãɨ p'uurudepemarãpa isapea ãchi nemietá oopataɨ itu bɨdak'ari Tachi Ak'õrene ĩjãanai pasima. Mãɨ k'orea et'abarra jora ãchi poro ɨ̃rɨ p'odai pasima mãɨnepa neet'á sõp'ua p'anɨne jɨ̃pataɨ jɨ̃nai pasima.

Apocalipsi 11:6

Mãɨ chi ẽpẽra ume p'anɨ Tachi Ak'õre pae pedeamaa p'anɨne chi pajã p'ue serradai p'anɨma, k'oe chepidaemaapa. Mãɨnepa pania oa p'ue papidai p'anɨma mãɨnepa ne minachia wawaria p'ue oodai p'anɨma nãɨ ĩjũa k'enanai k'orea ãchia k'ɨ̃ria p'anɨ jĩra.