Apocalipsi 1:10 - Tachi Ak'õre Pedea

¹⁰ Tachi Chipari ewaride mɨ Tachi Ak'õre Jaoredepa basima. Mãɨne mɨ ãpɨte abaɨpa pedea ãnimara k'achu chaaru jĩra ũrisima.

Apocalipsi 1:10 Referans Kwoze

Apocalipsi 21:10

Ara mãɨne Tachi Ak'õre Jaoredepa bɨde ichia mɨ eya minachia ɨt'ɨ bɨmá ateewãsima. Mãma unupisima Tachi Ak'õre p'uuru chiwidi Jerusalén apataɨ Tachi Ak'õre bɨmãɨpa pajãnepa edá cherut'a.

Apocalipsi 17:3

Ara mãɨne Tachi Ak'õre Jaoredepa bɨde Tachi Ak'õrepa ɨt'aripa peedapa mɨ ĩjũa pania newẽa bɨdea ateesima. Mãma mɨa unusima wẽra ãnimara mietá mãɨnepa p'urea bɨ ɨ̃rɨ suak'abari bɨt'a. Chi ãnimara k'ak'uade t'ɨ̃ miak'ãe bɨ basima. Mãɨpa Tachi Ak'õre k'orea k'achia pedea basima. Poro siete mãɨnepa k'achu diez uru basima.

Hecho 20:7

Maapae chi naapema ewari tomione tai mãɨnepa chi waapẽarã Jesude ĩjãapataɨrã ará p'anasidama chi Tachi Chiparidepema k'ɨ̃risiapataɨ nek'opataɨ k'odai k'orea. Mãɨne Pablopa jaratea basima. Norema wãi bɨ pẽra waa teamasi estarik'a pedeasima.

1 Corintio 16:2

Tomiocha mãracha erreara jitautadepema awara bɨdak'ari yaat'ɨ. Mãɨ mɨ cherude mãrapa jɨrɨp'edaiwẽa p'anɨma.

Juan 20:19

Mãɨ ewari tomio k'iuk'ari Jesú ome p'ɨrrɨapataɨrã tiida ará p'anasidama. Waapẽarã judiorã wap'ea p'anɨ pẽra chi eda wãpataɨ jɨ̃a uru p'anasidama. Mãɨne Jesú mãɨya bɨde eda pasima. Ãchi esa bai nɨbeek'ari jarasima: —¡Ne k'ɨ̃risiadawẽa p'anat'ɨ!

Mateo 22:43

Mãɨne Jesupa idisima: —Mãɨya bɨpɨra, Davipa ¿k'ãre k'orea Tachi Ak'õre Jaoredepa ichi mɨ Chipariade asima? Davipa nãɨya jarasima nãɨ bɨdade:

Juan 20:26

Ewari ocho pak'ari Jesú ome p'ɨrrɨapataɨrã mãicha tiida ará p'anɨne, Tomá sida basima. Mãɨya p'anɨne chi eda wãpataɨ minachia jɨ̃a nɨbɨmina, mãɨne Jesú mãɨya bɨde eda pasima. Ãchi esa bai nɨbeek'ari Jesupa jarasima: —¡Ne k'ɨ̃risiadawẽa p'anat'ɨ!

1 Corintio 12:3

Mãɨ k'orea mɨa k'ɨ̃ria bɨma mãrapa nãɨ k'awadait'a: Chi Tachi Ak'õre Jaoredepa pedea bɨpa «Jesú k'achia bɨade» ak'ama. Mãɨnepa chi Tachi Ak'õre Jaoredepa pedeawẽa bɨpa «Jesú jõmãɨrã Chipariade» ak'ama.