3 Juan 1:8 - Tachi Ak'õre Pedea

⁸ Mãɨ k'orea tachia mãɨ ũpẽarã k'aripadai p'anɨma. Mãɨya ãchi ome ará mimia p'anɨma Tachi Ak'õre piarã pedea k'awapidai k'orea.

3 Juan 1:8 Referans Kwoze

3 Juan 1:10

Mãɨ k'orea jãmá wãrune mɨa jõmãɨrã́ k'awapiipɨ ichia piawẽa oo bɨt'a. Ichia seadepa tai k'orea k'achia pedeaparima. Mãɨ awara chi ũpẽarã jarateapataɨrã jãmá wãutá ichia pia pedeak'ama mãɨnepa ũpẽarãpa ãchi tede mãɨrã k'ãipidayá ooutade itu k'ãipik'ama. Mãɨrã́ pia pedeasidara mãɨ ũpẽarã ãyá jeret'aaparima.

P'ilemón 1:24

Marcopa, Aristarcopa, Demapa mãɨnepa Luca pida pɨá pia bapade a p'anɨma. Ãchia mɨ ome Tachi Ak'õrepa oo bɨt'a oo p'anɨma.

P'ilemón 1:2

Mãɨnepa bɨruma jõma ũpẽarã pɨ tede ará nɨbeepataɨrã pae, tachi ũpẽawẽra Ap'ia pae mãɨnepa tachi ũpẽa Arquipo pae. Arquipopa tai ome Tachi Ak'õrepa oo bɨt'a choa mimiaparima papaká bɨ jĩra.

Colosense 4:11

Mãɨnepa ũpẽa Jesú, Justo apataɨpa pia bapade a jara peeruma mãrá. Ũpẽarã judiorãnepema mãɨ ũpea p'anɨpa nãma mɨ k'aripa jaratea p'anɨma Tachi Ak'õrepa ichidirã ichi juade ua bɨ k'orea. Mãɨ ũpẽarã k'orea mɨ sõpia baparima.

P'ilipense 4:3

Ichiaba pɨ, chi mɨ ome Tachi Ak'õrepa oo bɨt'a ooparí, mɨa pɨá idiruma mãɨ ũpẽawẽrarã k'aripamẽrá. Ãchi, Clemente ome mãɨnepa waapẽarã sida mɨ ome minachia mimiasidama, chi pedea pia Cristo k'orea k'awapidai k'orea. Jõma ãchi t'ɨ̃ Tachi Ak'õrepa ichi ewaricha chok'ae p'ananai k'art'ade bɨ bɨma.

2 Corintio 8:23

Abaɨpa Tito k'orea ne idisidara jarat'ɨ ichi mɨ ome p'ɨrrɨaparit'a mãɨnepa mɨ ome mãra t'ãena Tachi Ak'õrepa oo bɨt'a ooparit'a. Abaɨpa waapẽarã ume p'anɨ k'orea ne idisidara jarat'ɨ chi ũpẽarãpa peedaadat'a mãɨnepa ãchi k'orea ẽpẽrarãpa Cristo k'orea pia pedeapatat'a.

2 Corintio 6:1

Taipa Tachi Ak'õre ome ichia oo bɨt'a oo p'anɨẽra, mãrá chichupuria idiutama Tachi Ak'õrepa ichi sõpiadepa k'aripa bɨt'a itu bɨpidaemaapa.

Luca 11:7

Mãɨne chi eda bɨpa nãɨya p'anooipɨ: “K'õp'ãero, mɨ itu bɨse. Mɨ tede eda wãpataɨ jõat'ɨ nɨbɨma. Mɨ warrarã mɨ ome nãma k'ɨdade p'anɨma. Mãɨpuru mɨ p'irabarii p'uewẽma, pɨá ne teayá”.

Mateo 10:40

»Chi mãrá pia chesidade a bɨpa, mɨá pia chesiade a bɨma. Chi mɨá pia chesiade a bɨpa chi mɨ Peedá pia pedea bɨma.

Mateo 10:14

Abaɨpa mãrá pia chesiade aepɨra, mãɨyawẽpɨra mãra pedea ũri k'ɨ̃riaepɨra, mãmãɨpa wãt'ɨ. Ãchi tiidaɨpa mãɨyawẽpɨra p'uurudepa wãutade yooro jora mãra jĩrunepema jãrap'et'at'ɨ.

3 Juan 1:7

Ãchi Jesucristo k'orea jarateade wãsidaɨde, chi Tachi Ak'õrene ĩjãanak'apɨɨrã́ ne ididaé pasima k'aripadamẽrá.

3 Juan 1:9

Mɨa k'art'a jõma ũpẽarã jãmapema pae naena bɨsima. Maamina Diotrep'epa tai pedea ĩjãawẽa bɨma. Ichi ũpẽarã t'ãena chi atepe ba k'ɨ̃ria bɨma.