2 Timoteo 2:7 - Tachi Ak'õre Pedea

⁷ Mɨa jara bɨ k'orea minachia k'ɨ̃risiase. Tachi Chipari Jesupa pɨá jõma mãɨ k'awapiipɨ.

2 Timoteo 2:7 Referans Kwoze

Santiago 1:5

Mãranepemapa k'ɨ̃risia newẽa bɨpɨra, Tachi Ak'õrea ɨt'aa chiidii bɨma. Mãɨne Tachi Ak'õrepa teaipɨ. Ichiá ɨt'aa chiidisidara ɨtɨawẽa jõmãɨrã́ sõpia, wãak'awẽa teaparima.

1 Juan 5:20

Tachia k'awa p'anɨma Tachi Ak'õre Warra chesit'a mãɨnepa k'ɨ̃risia k'awa bɨ tachiá teasit'a Tachi Ak'õre piarã k'awadamẽrá. Ichi Warra Jesucristo ome p'anɨ pẽra tachi piarã Tachi Ak'õre ome p'anɨma. Ichi piarã Tachi Ak'õrepɨ. Ichia ẽpẽrarã́ ichi ome ewaricha chok'ae p'anapiparima.

Luca 24:45

Maapae Jesupa ãchiá k'ɨ̃risia teasima Tachi Ak'õre pedea k'awadamẽrá.

Juan 14:26

Maamina mɨ Ak'õrepa mɨ t'ɨ̃nepa ichi Jaore peeipɨ mãra K'aripaparí bamẽrá. Tachi Ak'õre Jaorepa ne ãarea mãrá jarateaipɨ. Ichia mãrá ãarea mɨa jarada k'ɨ̃risiapiipɨ.

Santiago 3:17

Maamina chi Tachi Ak'õrepa tea bɨ k'ɨ̃risia uru bepa ne ãareaɨne jĩp'a oopatama, jõmãɨrã ome ne k'ɨ̃risiawẽa p'ananamẽrá jɨrɨpatama, jõmãɨrã ome pia p'anapatama, waapẽarãpa jara bɨ ũrinai k'orea p'anapatama, chĩara k'ĩra chupuriapatama mãɨnepa nejõma pia oopatama. Abaɨ waapẽarã k'aepẽra pia atepe k'ɨ̃rianak'ama. Ichia jara bɨ jĩra ara mãɨya ooparima.

1 Timoteo 4:15

Jõma mãɨ k'ĩra jĩp'a oo base jõmãɨrãpa k'awadamẽrá pɨa ewaricha pia oopodorut'a.

Colosense 1:9

Mãɨya ũrisidaedapema taipa mãra k'orea ewaricha Tachi Ak'õrea ɨt'aa chiidi p'anɨma ichia oopi k'ɨ̃ria bɨ mãrá jõma k'awapimẽrá. Ichiaba ɨt'aa idi p'anɨma ichia mãrá pia k'ɨ̃risiapimẽrá mãɨnepa ichi Jaoredepa pia k'ɨ̃risiapimẽrá.

Juan 16:13

Maamina Tachi Ak'õre Jaorepa piarã pedea k'awapipari pẽra ichi cherude mãrá jarateaipɨ chi piarã pedea Tachi Ak'õrenepa che bɨt'a jõma k'awadamẽrá. Ichi ara ichi k'ɨ̃risiadepa pedeawẽma, mãɨpari ãarea mɨnepa ũri bɨt'a jaraipɨ. Ichia mãrá k'awapiipɨ mãɨ sãait'a.

Luca 21:15

Mɨapuru mãrá k'ɨ̃risia teaipɨ pia pedeadamẽrá. Mãɨpuru mãrapa jarautat'a mãra unuemaa p'anɨpa mi ãpia pida p'ue k'achia pedeadaiwẽma.

Hebreo 13:7

Chi mãra minachia k'awa p'anɨrã k'orea k'ɨ̃risiat'ɨ. Ãchia Tachi Ak'õre pedea mãrá jarateasidama. K'ɨ̃risiat'ɨ sãmaasã́ ãchi p'ɨrrɨa p'anana mãɨnepa mãɨ k'orea k'ãasãasit'a. Ãchia Cristode ĩjãa p'anana jĩra mãra pida ara ĩjãa p'anat'ɨ.

Hebreo 12:3

Minachia k'ɨ̃risiat'ɨ ẽpẽra k'achia p'anɨrãpa Jesú piawẽa oosidaɨde sãmaasã́ choasit'a. Mãɨya mãra sẽnawẽma mãɨnepa ĩjãa p'anɨt'a itu bɨdai k'ɨ̃risiadaiwẽma.

Hebreo 7:4

¡Melkisedé k'orea minachia k'ɨ̃risiat'ɨ! Ichi piarã chi atepe basima. Tachi chõarãenapema chi atepe bɨ Abrahanpa k'ĩruu bak'ari chi ẽemarinanepema ichiá teasima. Diez joisiarucha aba teasima.

Hebreo 3:1

Ũpẽarã, mãra ẽpẽerã Tachi Ak'õrenepemarã pẽra mãɨnepa ichia mãra t'ɨ̃na pẽra, Jesucristo k'orea minachia jĩrak'aua k'ɨ̃risiat'ɨ. Tachia piarã ĩjãa p'anɨane apatama Ichi Tachi Ak'õrepa peedapɨ mãɨnepa P'aare minachia k'awa bɨpɨ.

P'ilipense 4:8

Mãɨ awara ũpẽarã, jõma piarãnepema, nejõma tachia pia bɨt'a unupataɨdepema, jõma jĩp'a bɨdepema, jõma nemietaawẽa bɨdepema, jõmãɨrãpa k'ɨ̃riapataɨdepema, jõma chi piipará bayade a p'anɨnepema, nejõma piadepema mãɨnepa nejõma tachia pia jarapataɨdepema k'ɨ̃risia p'anat'ɨ.

1 Corintio 12:8

Tachi Ak'õre Jaorepa chi eda tachidiidepemarã́ tea bɨma ichi k'ɨ̃risiadepa p'ue pedeadamẽrá. Ara Tachi Ak'õre Jaore aba bɨpa chi eda tachidiidepemarã́ tea bɨma ichidepa k'awadada p'ue jarateadamẽrá.

Hecho 7:10

Mãɨpuru ãarea chi ichi nepɨrade bɨdepema Tachi Ak'õrepa k'aripasima. Ichiá k'ɨ̃risia teasima, p'araón chi Egitodepema poro jũra jɨ̃parí jɨ̃ bɨpa mãɨ pia unumẽrá. Mãɨpuru chi mãɨ tuadepema poro chaarea bɨ bɨsima, mãɨnepa chi poro jũra jɨ̃parí jɨ̃ bɨ mãɨ tedepema chi poro chaarea bɨ bɨsima.

Santiago 3:15

Mãra k'ɨ̃risiadepa mãɨya k'ɨ̃risia p'anɨpɨra, mãɨ k'ɨ̃risia Tachi Ak'õrenepa chek'ama, mãɨpari nãɨ ĩjũanepa, ẽpẽranepa, mãɨnepa tioredepa cheparima.

Luca 9:44

—Mɨa mãrá jararut'a minachia pia ũrit'ɨ. Mɨ, chi Ẽpẽra Warra abaɨpa jitapik'ari, ẽpẽerã́ teaipɨ.

2 Timoteo 2:6

Chi ne uuparí minachia sẽwẽa mimiapari pẽra, ichia ne uu ĩjũa chaudadepema naa jitai bɨma.

2 Timoteo 2:8

Jesucristode k'ɨ̃risiase. Ichi Davidepa chedapɨ. Ichi piu bada Tachi Ak'õrepa chok'ae p'irabaripisima. Mãɨ pedea pia ichi k'orea mɨa jaratea bɨma.