2 Timoteo 1:8 - Tachi Ak'õre Pedea

⁸ Mãɨpuru Tachi Chipari Jesucristo k'orea jarai k'orea p'erarãse. Mɨ Jesucristo k'orea eda serra bɨmina, mɨ k'orea p'erarãse. Mãɨpari chi Jesú k'orea pedea pia jaratearude Tachi Ak'õre jua chaareadepa pɨ sida mĩai k'orea choa base.

2 Timoteo 1:8 Referans Kwoze

Romano 1:16

Mɨ p'erak'ama chi pedea pia Jesú k'orea jarateai k'orea, chi mãɨ pedea ĩjãauta Tachi Ak'õrepa ichi jua chaareadepa jõma k'aripapari pẽra; naa judiorã mãɨnepa judiorãwẽ sida.

Marco 8:38

Abaɨpa nãɨ ĩjũane nemietá oo be t'ãena mɨ mãɨnepa mɨ pedea atua bɨade aipɨra, mɨ, chi Ẽpẽra Warra jua chaarea pará bɨ cherude mãɨ ẽpẽra atua bɨade aipɨ. Mãɨ ewaride mɨ Ak'õre jua chaarea bɨdepa cheipɨ, chi ichia ɨt'aripa peedaɨrã pia berã paara».

2 Timoteo 4:5

Maamina pɨt'u ne ãareaɨne k'ĩra jĩp'a base. Jõma nepɨra bɨde choa base. Pedea pia Cristo k'orea jaratea base. Jõma pɨa Tachi Ak'õre pae ooi bɨ jĩp'a oo base.

Apocalipsi 12:11

Tachi ũpẽarãpa p'uesidama chi Oveja Chak'e oa ãrinanepa mãɨnepa ichia pedeade piarã ĩjãa bɨade a bɨdepa. Ãchi piudai p'anɨne wap'eadaé pasima, maawẽapuru chi Cristo pari piudayá p'anasima.

2 Timoteo 2:9

Mãɨ jaratea bɨ k'orea mɨ minachia mĩa bɨma. Mɨ ẽpẽra k'achia jĩra k'ãnenapa jɨ̃ uru p'anɨma. Maamina Tachi Ak'õre pedea jɨ̃ uru p'anɨwẽma.

2 Timoteo 1:12

Mãɨ k'orea mɨ mãɨya mĩa bɨma. Maamina p'erawẽa bɨma. Mɨa k'awa bɨma k'aide ĩjãa bɨt'a. Mãɨnepa k'awa bɨma mɨa ichi juade ne bɨda ak'ɨmẽrá, mãɨ ichia p'ue ak'ɨi bɨt'a, aba ichia ɨtɨai ewaridea.

Ep'esio 3:1

Mãɨpuru mɨa [mãra k'orea Tachi Ak'õrea ɨt'aa chiidiparima]. Mɨ Pablopɨ. Mãra judiorãwẽa Jesucristo k'orea jaratea bɨ k'orea eda serra bɨma.

P'ilipense 3:10

Mɨa Cristo minachia k'awa k'ɨ̃ria bɨma. Ichi Tachi Ak'õre jua chaareadepa chok'ae p'irabarisima. Mɨ ara mãɨ jua chaareadepa ichi ome p'ɨrrɨa k'ɨ̃ria bɨma. Mãɨpuru ichi minachia mĩana jĩra mɨ mĩa k'ɨ̃ria bɨma, mãɨnepa ichi piuda jĩra piui k'ɨ̃ria bɨma.

Luca 9:26

Abaɨpa mɨ mãɨnepa mɨ pedea atua bɨade aipɨra, mɨ, chi Ẽpẽra Warra jua chaarea bɨdepa cherude, mãɨ ẽpẽra atua bɨade aipɨ. Mãɨ ewaride mɨ Ak'õre jua chaarea bɨdepa mãɨnepa chi ichia ɨt'aripa peedaɨrã jua chaarea bɨdepa cheipɨ.

2 Timoteo 1:16

Maamina mɨa k'ɨ̃ria bɨma Tachi Chiparipa ũpẽa Onesíp'oro tedepemarã k'ĩra chupuria bamẽrá. Ichia mɨ bari k'ak'o minachia k'aripasima. Mɨ k'ãnenapa jɨ̃ bɨmina mɨ k'orea k'ĩra p'eraé pasima.

Ep'esio 4:1

Mɨ Tachi Chipari k'orea eda serra bɨma. Mɨa mãrá chichupuria idiruma jĩp'a nipadamẽrá. Tachi Ak'õrepa mãra t'ɨ̃sima mãɨya nipadamẽrá.

Apocalipsi 1:9

Mɨ mãra ũpẽa Juanpɨ. Tachi Jesucristo ome p'anɨ pẽra mɨ mãra ome Tachi Ak'õre juadepemapɨ, mãra ome minachia mĩa bɨma, mãɨnepa mãra ome ãarea choa bɨma. Tachi Ak'õre pedea jaratea bɨ k'orea mãɨnepa chi Jesú pedea piarãane a bɨ k'orea mɨ chi p'usade ĩjũa ãpia p'ɨrra bɨ Patmodea ateepisidama.

Juda 1:24

Tachi Ak'õrepa mãra p'ue pia ak'ɨipɨ nemietaade baepidaemaapa. Ichi k'ĩrawãrea bɨ k'ĩrari nemietaawẽa p'ue pia bɨipɨ. Mãma minachia arapá p'ananaipɨ.

1 Pedro 1:5

Jesucristode ĩjãa p'anɨ pẽra Tachi Ak'õrepa ichi jua chaareadepa mãra ak'ɨ uru baipɨ aba chi k'aadeapema ewaride k'ariparudea.

2 Timoteo 2:3

Pɨ Jesucristodé papaká bɨ pia pẽra mɨ jĩra mĩai k'orea base.

1 Tesalonicense 3:4

Mãra ome p'anasidaɨde taipa jarapachidama ẽpẽrarãpa tachi nepɨra paraapidai. Mãrapa k'awa p'anɨma piarã mãɨyasit'a.

P'ilipense 1:7

Pia bɨma mɨa jõma mãra k'orea mãɨya k'ɨ̃risia bait'a, mãra minachia k'ɨ̃ria bɨ pẽra. Mɨ eda jɨ̃a nɨbɨde wa chi pedea pia Cristo k'orea piarã k'awapii bɨde, Tachi Ak'õrepa ichi sõpiadepa mãra mãɨnepa mɨ sida k'aripa bɨma ichi pedea jaratea p'ananamẽrá.

Ep'esio 3:13

Mãɨ k'orea mɨa mãrá nãɨya ũraaruma: mɨ mãra k'orea nãma mĩa bɨmina minachia k'ɨ̃risia paraarãt'ɨ. Mãɨya minachia mĩa bɨma mãra Tachi Ak'õre ome pia p'ananamẽrá.

Romano 16:25

Mɨa pedea pia Jesú k'orea jaratea baparima. Ara mãɨ pedeadepa Tachi Ak'õrepa mãra p'ue k'aripaipɨ chaarea p'ananamẽrá. Mãɨ pedea Tachi Ak'õrepa naena k'awapiwẽa basima maamina idiapae k'awapisima. Chi ichi pari pedeapataɨrãpa mãɨ k'art'ade bɨsidama. Tachi Ak'õre piuk'apa mãɨya bɨpisima tuachapemarãpa ũrinak'ari Jesucristode ĩjãanamẽrá. Tachi Ak'õrea pia pedeadai p'anɨma.

1 Juan 4:14

Taipa ichi Warra unusida pẽra mãɨya jara p'anɨma Tachi Pajãnepema Ak'õrepa mãɨ piarã peesit'a nãɨ ĩjũanepemarã k'aripamẽrá.

2 Timoteo 4:17

Maamina Tachi Chipari mɨ ome basima. Ichia mɨ jua chaarea beepisima ichi pedea jaramẽrá. Mãɨya jõma judiorãwẽa ará p'anɨpa ũrisidama. Mãɨne Tachi Chiparipa mɨ imama it'aedepema k'aripasima.

P'ilipense 4:13

Cristodepa jõma p'ue ooipɨ ichia mɨ chaareapii bɨ pẽra.

Romano 9:33

Tachi Ak'õre pedeade mãɨnepema nãɨya bɨ bɨma: «Ũrit'ɨ. Mɨa Sión p'uurude mawara bɨruma. Mãɨ mawaramá ẽpẽrarã t'enabaridak'ari baedaipɨ. Maamina chi ichide ĩjãa bɨpa pari ĩjãa baiwẽma».

Hecho 5:41

Ara mãɨne Jesupa peedaɨrã chi judiorã chõarã ará p'anɨmãɨpa arapá wãsidama. K'awasidama Tachi Ak'õrepa ãchi pia unusit'a, Jesú t'ɨ̃ k'orea mĩasida pẽra.

Apocalipsi 19:10

Ara mãɨne mɨ chi Tachi Ak'õrepa ɨt'aripa peeda jĩru k'ait'a sĩraporode bedabari k'obeesima ichiá pia pedeai k'orea. Maamina ichia mɨá jarasima: «Jãɨya oorãse, mãɨpari Tachi Ak'õreapuru pia pedease. Mɨ Tachi Ak'õre pae pari mimiaparipɨ, pɨ jĩra mãɨnepa chi Jesupa jarateada ĩjãa berã jĩra». Jesupa jarateada Tachi Ak'õre Jaorepa chi ichi pari pedeapataɨrã́ pedeapiparima.

Apocalipsi 1:2

Jõma mɨa ununa piarã jara bɨma. Mɨa jararuma nãɨ pedea Tachi Ak'õrenepa che bɨt'a mãɨnepa Jesucristopa piarãt'a k'awapisit'a.

1 Corintio 1:6

Jõma Tachi Ak'õrepa mãrá teadapa unupi bɨma chi Cristo k'orea pedea taipa jarateadada piarãpɨ.

Juan 19:35

Chi nãɨ k'art'a bɨdapa piarã mãɨ unusima. Ichia jara bɨt'a piarãpɨ. Ichia k'awa bɨma piarã pedea jara bɨt'a mãra pida sõnepa ĩjãanamẽrá.

Colosense 1:24

Naapae mɨa mãra k'aripai k'orea minachia mĩa bɨmina arapá bɨma. Mãɨnepa Cristo k'orea wapida mĩai bɨ pẽra, minachia mĩa nipaipɨ jõma ichi ẽpẽrarã k'aripai k'orea.

Ep'esio 4:17

Mãrapa piarã oodamẽrá, mɨa Tachi Chipari t'ɨ̃nepa nãɨ jararuma: waa Tachi Ak'õrene ĩjãanak'apɨɨrã jĩra niparãt'ɨ. Ãchi k'ɨ̃risia piawẽa p'anɨnepa nipapatama.

Romano 8:36

Tachi Ak'õre pedeade nãɨya bɨ bɨma: «Ewaricha pɨ k'orea tai pea k'ɨ̃ria p'anɨma. Oveja peauta jĩra peadai k'ɨ̃risia p'anɨma».

Juan 15:27

Mãra pida mɨ k'orea pedeadaipɨ, mãra naenapema mɨ ome p'anɨ pẽra.

1 Timoteo 2:6

Ara ichi itu peapisima jõma ẽpẽrarã k'aripa bai k'orea. Tachi Ak'õrepa bɨda ewaride mãɨ k'awapisima.

Colosense 1:11

Taipa Tachi Ak'õrea ɨt'aa chiidi p'anɨma ichi jua chaarea waibɨa bɨdepa mãra chaarea p'ananamẽrá. Mãɨya mãra minachia mĩa p'anɨt'a mãɨnepa mãrá mĩapii p'anɨt'a pia choadaipɨ.

2 Timoteo 1:10

Maapae Jesucristo Tachi K'aripaparí cheside unupisima sãmaasã́ ichi sõpia bɨma tachi ome. Tachi piui pada Jesucristopa jõpik'ari, maapae ewaricha chok'ae bapisima. Chi ichi k'orea pedea piapa mãɨ pia k'awapi bɨma.

2 Timoteo 2:8

Jesucristode k'ɨ̃risiase. Ichi Davidepa chedapɨ. Ichi piu bada Tachi Ak'õrepa chok'ae p'irabaripisima. Mãɨ pedea pia ichi k'orea mɨa jaratea bɨma.