2 Timoteo 1:7 - Tachi Ak'õre Pedea

⁷ Tachi Ak'õrepa tachi sõne ne wap'ea p'anapié pasima, mãɨpari tachiá jua chaarea p'anapik'ari, waapẽarã k'ɨ̃ria uru p'anapik'ari tachi k'ak'ua jĩp'a ak'ɨ uru p'ananayá k'awapisima.

2 Timoteo 1:7 Referans Kwoze

Romano 8:15

Mãrapa Tachi Ak'õre Jaore jitasidaɨde, mãrá wap'eapié pasima, chi chipari pae pari mimiaparí jĩra. Mãɨpari mãra bɨsima Tachi Ak'õre warrarã padamẽrá mãɨnepa ichiá «¡Mɨ ak'õre!» adamẽrá.

1 Juan 4:18

Tachia Tachi Ak'õre mãɨnepa jõma ẽpẽrarã k'ɨ̃ria p'anɨpɨra, Tachi Ak'õrepa ɨtɨai pada wap'eadawẽa p'anɨma, chi piarã k'ɨ̃ria p'anɨnepa mãɨ wap'eadait'a jõpipari pẽra. Tachi Ak'õrepa ɨtɨai wap'ea bɨpa k'awa bɨma Tachi Ak'õrepa ichi ɨtɨait'a. Chi ichia Tachi Ak'õre mãɨnepa jõma ẽpẽrarã wapida piarã k'ɨ̃ria bɨwẽma.

Gálata 5:22

Maamina Tachi Ak'õre Jaorepa nakɨɨ teaparima: waapẽarã k'ɨ̃ria p'anapataɨ, arapá p'anapataɨ, ne k'ɨ̃risiawẽa p'anapataɨ, jõma choa p'anapataɨ, ẽpẽrarã ome sõpia p'anapataɨ, ẽpẽra pia p'anapataɨ, ãchia jara p'anɨ jĩra oopataɨ,

Juan 14:27

»Mɨa mãra ne k'ɨ̃risiadawẽa p'anapi k'ɨ̃ria bɨma. Mɨa mãɨya ooiwẽma, chi nãɨ ĩjũanepemarãpa mãɨya oopatama. Mãɨpuru minachia k'ĩra piawẽa p'anarãt'ɨ. Ne wap'earãt'ɨ.

Luca 10:19

Mɨa mãrá jua chaarea teasima tiore p'uedamẽrá mãɨnepa taama ɨ̃rɨ mãɨnepa tusõre ɨ̃rɨ p'ue t'ɨadamẽrá. Mi ãpia pida mãra piawẽa p'ue ooiwẽma.

Hecho 1:8

Maamina Tachi Ak'õre Jaore mãra ome beede cherude, mãrapa ichi jua chaarea jitadaipɨ. Mãɨpa mãrapa Jerusalene, ãarea Judea mãɨnepa Samaria tuade mãɨnepa tua t'ɨmɨa bede mɨ k'orea pedeadaipɨ.

Romano 5:5

Mãɨ seawẽma, mãɨpari piarã jitadaipɨ. Mãɨya k'awa p'anɨma Tachi Ak'õrepa ichi Jaore tachiá teada pẽra. Ichi Jaoredepa tachi sõne k'awapi bɨma tachi piarã minachia k'ɨ̃ria bɨt'a.

Hebreo 2:15

Jesupa tiore p'ueda pẽra, chi piudai k'orea wap'ea beada ichia ãarea k'aripasima. Ewaricha piudai wap'ea p'anɨnepa ãchi piawẽa p'anasidama chipari pae pari mimiapataɨrã jĩra.

Hecho 20:24

Maamina mãɨ k'orea mɨa minachia k'ɨ̃risiak'ama, mɨ pia bai jɨrɨwẽa bɨ pẽra. Abapuru chi Tachi Chipari Jesupa mɨá oopi bɨt'a mãɨ ãarea oo k'ɨ̃ria bɨma. Mãɨpuru chi pedea pia Tachi Ak'õrepa ichi sõpiadepa k'aripa bɨ k'orea mɨa pedea baipɨ.

1 Corintio 2:4

Mɨa Jesú k'orea jaratea baside mɨ k'ɨ̃risiadepa mãɨya ooé pasima mãrapa ĩjãanamẽrá. Mãɨpari Tachi Ak'õre Jaorepa ichi jua chaareadepa k'awapisima mãɨ pedea piarãt'a.

Luca 24:49

Piarã mɨa mãramá mɨ Ak'õrepa ichi Jaore teai jarada peeipɨ. Mãɨpuru mãra nãma Jerusalene nɨp'aneet'ɨ aba ichi pajãnepa jua chaarea bɨ jitautadea.

Hecho 10:38

Mãɨ ewaride Tachi Ak'õrepa ichi Jaore mãɨnepa ichi jua chaarea Jesú Nazaredepemá teasima. Tachi Ak'õre ichi ome bada pẽra Jesupa nepia oo p'ɨrrɨa bapachima mãɨnepa chi ẽpẽerã tiorepa piawẽa uru beadat'a ãarea jɨpa beepipachima.

1 Pedro 1:22

Chi piarã pedea oo p'anɨ pẽra mãra nemietaawẽa p'aneesidama. Mãɨpuru ũpẽarã piarã k'ɨ̃ria p'anɨma. Sõnepa piarã minachia chi k'ɨ̃ria p'anat'ɨ.

Hecho 21:13

Maamina Pablopa jarasima: —¿K'ãre k'orea jẽa p'anɨma? ¿K'ãarea jãɨya mɨ sõp'uapi p'anɨma? Mɨ ara jua jɨ̃nai k'orea bɨma mãɨnepa Mɨ Chipari Jesú t'ɨ̃ k'orea Jerusalene piui k'orea bɨma.

Colosense 1:8

Ichia taiyá jarasima mãra Tachi Ak'õre Jaoredepa piarã chi k'ɨ̃ria p'anɨt'a.

Hecho 6:8

Tachi Ak'õrepa ichi sõpiadepa Esteban minachia k'aripa basima. Ichi jua chaareapisima ẽpẽerãpa ne p'ue oodak'apɨ́ waibɨa ẽpẽerã t'ãena oo bamẽrá.

Hecho 9:22

Maamina Saulopa ewaricha pia k'awapipachima Jesú piarã Tachi Ak'õrepa Tachi K'aripaparí teai jaradat'a. Mãɨpa Damasco p'uurudepema judiorãpa k'awa k'ɨ̃risiadawẽa p'anasima.

Luca 8:35

Ẽpẽrarãpa ak'ɨde chesidaɨde chi ẽpẽra jaore mietá chok'ará uru bada Jesú taade suak'abari bɨ unusidama. Neet'á jɨ̃k'ari, k'ĩra pia basima. Mãɨ k'orea ẽpẽrarã p'erasidama.

Hecho 26:25

Maamina Pablopa jarasima: —Chi atepe chaarea bɨ P'esto, mɨ k'ĩra jĩp'a bɨma. Chi mɨa jara bɨ piarãpẽapɨ mãɨnepa arí bɨpɨ.

Luca 15:17

»Maapae k'awasima ichia nemietá ooda k'orea jãɨya bɨt'a. Mãɨne ara ichi tuaba jarasima: “Mɨ ak'õre pae mimiapataɨrã minachia nek'opatama mãɨpari mɨ nãma jarrapa piumaa bɨma.

Hecho 26:11

Judiorã ará pedeapataɨ techa mɨa ãchi ɨtɨapipachima. Bari k'ak'o minachia ãchiá Jesú k'orea k'achia pedeapisima. Mɨ ãchi ome minachia k'ĩruu bada pẽra tua awaraɨdepema p'uurude pida ẽp'ẽpachima.