2 Timoteo 1:12 - Tachi Ak'õre Pedea

¹² Mãɨ k'orea mɨ mãɨya mĩa bɨma. Maamina p'erawẽa bɨma. Mɨa k'awa bɨma k'aide ĩjãa bɨt'a. Mãɨnepa k'awa bɨma mɨa ichi juade ne bɨda ak'ɨmẽrá, mãɨ ichia p'ue ak'ɨi bɨt'a, aba ichia ɨtɨai ewaridea.

2 Timoteo 1:12 Referans Kwoze

2 Timoteo 1:8

Mãɨpuru Tachi Chipari Jesucristo k'orea jarai k'orea p'erarãse. Mɨ Jesucristo k'orea eda serra bɨmina, mɨ k'orea p'erarãse. Mãɨpari chi Jesú k'orea pedea pia jaratearude Tachi Ak'õre jua chaareadepa pɨ sida mĩai k'orea choa base.

Juda 1:24

Tachi Ak'õrepa mãra p'ue pia ak'ɨipɨ nemietaade baepidaemaapa. Ichi k'ĩrawãrea bɨ k'ĩrari nemietaawẽa p'ue pia bɨipɨ. Mãma minachia arapá p'ananaipɨ.

1 Pedro 4:19

Mãɨ k'orea Tachi Ak'õrepa k'ɨ̃ria bɨ jĩra minachia mĩa p'anɨpa ara ãchi ichi juade bɨdak'ari nepia oodai p'anɨma. Tachi Oodade ĩjãanai p'anɨma, ichia jara bɨ jĩra oopari pẽra.

2 Timoteo 4:8

Naapae mɨa jĩp'a oo bɨ k'orea Tachi Chiparipa mɨ pae poro jũra jɨ̃parí uru bɨma. Ichia jĩp'a ak'ɨpari pẽra mãɨ poro jũra jɨ̃parí mɨá teaipɨ ichia ak'ɨrude. Maamina mɨá puru teaiwẽma, mãɨpari jõma ichi chei ewari unu k'ɨ̃ria berã́ teaipɨ.

Hebreo 7:25

Mãɨpuru ichidepa Tachi Ak'õremá cheutarã ãarea p'ue k'aripaipɨ ewaricha chok'ae p'ananamẽrá. Piuk'a pẽra ewaricha tachi k'orea Tachi Ak'õrea chichupuria idiparima.

1 Timoteo 6:20

Timoteo, jõma Tachi Ak'õrepa jara peeda minachia ak'ɨse. Chi Tachi Ak'õremá piawẽa bɨ k'orea pedeapataɨ itu bɨse. Mãɨnepa jõma k'ɨ̃risia Tachi Ak'õre pedea ome k'ĩra awara be itu bɨse. Waapẽarãmá mãɨ k'ɨ̃risia pia bɨma. Maamina pia bɨwẽma.

Romano 1:16

Mɨ p'erak'ama chi pedea pia Jesú k'orea jarateai k'orea, chi mãɨ pedea ĩjãauta Tachi Ak'õrepa ichi jua chaareadepa jõma k'aripapari pẽra; naa judiorã mãɨnepa judiorãwẽ sida.

Mateo 24:36

»Maamina abaɨ pida mãɨ ewari sãapae mãɨyait'a k'awadawẽma. Tachi Ak'õrepa ɨt'aripa peedaɨrã pida atua p'anɨma. Mɨ, chi Ẽpẽra Warra pida atua bɨma. Abapuru mɨ Ak'õrepuru mãɨ k'awa bɨma.

1 Pedro 1:5

Jesucristode ĩjãa p'anɨ pẽra Tachi Ak'õrepa ichi jua chaareadepa mãra ak'ɨ uru baipɨ aba chi k'aadeapema ewaride k'ariparudea.

2 Timoteo 1:18

Mɨa k'ɨ̃ria bɨma Tachi Chiparipa ɨtɨai ewaride ichi k'ĩra chupuriai. Pɨa k'awa bɨma Onesip'oropa Ep'esode minachia k'aripasit'a.

P'ilipense 3:21

Ichi cherude tachi k'ak'ua piui bɨ k'ĩra awara ook'ari, mãɨne ichi k'ak'ua jĩra minachia pia beeipɨ. Ichi jua chaareadepa mãɨya ooipɨ. Mãɨ jua chaareadepa ichia nejõma p'ueipɨ.

2 Timoteo 2:9

Mãɨ jaratea bɨ k'orea mɨ minachia mĩa bɨma. Mɨ ẽpẽra k'achia jĩra k'ãnenapa jɨ̃ uru p'anɨma. Maamina Tachi Ak'õre pedea jɨ̃ uru p'anɨwẽma.

P'ilipense 3:10

Mɨa Cristo minachia k'awa k'ɨ̃ria bɨma. Ichi Tachi Ak'õre jua chaareadepa chok'ae p'irabarisima. Mɨ ara mãɨ jua chaareadepa ichi ome p'ɨrrɨa k'ɨ̃ria bɨma. Mãɨpuru ichi minachia mĩana jĩra mɨ mĩa k'ɨ̃ria bɨma, mãɨnepa ichi piuda jĩra piui k'ɨ̃ria bɨma.

P'ilipense 3:8

Piarã mɨ Chipari Jesucristo k'await'a ne ãarea k'aepẽra atepe piipará bɨma. Mɨa naena k'ɨ̃risia bada, mãɨ ãarea ichi k'orea itu bɨsima. Jõma mãɨ nejarra jĩra unu bɨma, Cristo unui k'orea

1 Corintio 3:13

Cristopa tachi nepɨra ak'ɨi ewaride tachicha oodada t'ɨpɨ uruapa chaa ajoroipɨ, choai k'awai k'orea. Mãɨpa k'awapiipɨ tachia oodada sãmaasã́ basit'a.

Juan 17:15

Mɨa pɨá idi bɨwẽma ãchi nãɨ ĩjũanepema ãyá ateewãmẽrá, mãɨpari ɨt'aa chiidi bɨma nemietaadepema ak'ɨ bamẽrá.

Mateo 12:21

Mãɨne p'uuru becha ichi nɨ p'ananaipɨ, ãchi k'aripamẽrá.

Romano 9:33

Tachi Ak'õre pedeade mãɨnepema nãɨya bɨ bɨma: «Ũrit'ɨ. Mɨa Sión p'uurude mawara bɨruma. Mãɨ mawaramá ẽpẽrarã t'enabaridak'ari baedaipɨ. Maamina chi ichide ĩjãa bɨpa pari ĩjãa baiwẽma».

1 Pedro 4:16

Maamina abaɨpa Cristode ĩjãa bɨ k'orea minachia mĩarupɨra, p'eraiwẽa bɨma. Mãɨpari Cristode pẽra Tachi Ak'õrea pia pedeai bɨma.

Hebreo 12:2

Jesude pia k'ɨ̃risiadai p'anɨma. Ichia k'aripasima tachia naa ĩjãanamẽrá mãɨnepa k'aripaparima ewaricha ĩjãa p'ananamẽrá. K'ɨ̃risiat'ɨ sãmaasã́ ichi k'urusude minachia mĩasit'a. Mãɨ k'orea p'erai badamina p'eraé pasima. Ichia k'awasima mãɨya nak'ari minachia arapá bait'a. Idiapae Tachi Ak'õre suak'a beeparí pia bɨ juaraari suak'abari bɨma.

Hebreo 2:18

Tiorepa waa mĩesa jara baside Jesú minachia mĩasima. Mãɨpuru tiorepa tachiá waa mĩesa jara bɨde, Jesupa tachi sãmaasã́ k'aripai k'awa bɨma.

1 Tesalonicense 2:16

Taipa jarateadai p'anɨne judiorãwẽmá Tachi Ak'õrepa k'aripamẽrá, ãchia itu jarateapidaemaa p'anasidama. Mãɨya nemietá atepe oo p'anɨ pẽra Tachi Ak'õrepa ichi k'ĩruu bɨdepa ãchi minachia ɨtɨaipɨ.

P'ilipense 1:20

Cristo k'orea mɨ mi ãpia pida p'eraiwẽa bɨma, mãɨpari ichi k'orea pedeai k'orea p'eraiwẽa bɨma. Mãɨya mɨa jõmãɨrã́ Cristo chi atepe bɨt'a k'awapiipɨ, ewaricha oo bapari jĩra. Chok'ae beeipɨra wa piuipɨra, mɨa k'ɨ̃ria bɨma jõmãɨrãpa mɨnepa k'awadait'a Cristo chi atepe bɨt'a.

Hecho 21:13

Maamina Pablopa jarasima: —¿K'ãre k'orea jẽa p'anɨma? ¿K'ãarea jãɨya mɨ sõp'uapi p'anɨma? Mɨ ara jua jɨ̃nai k'orea bɨma mãɨnepa Mɨ Chipari Jesú t'ɨ̃ k'orea Jerusalene piui k'orea bɨma.

Hecho 13:50

Maamina judiorãpa chi Tachi Ak'õre wap'ea be wẽerã minachia k'awa berã́ mãɨnepa p'uurudepema ɨmɨk'ĩira chi chaarearã́ jarasidama Pablo mãɨnepa Bernabé piawẽa oodamẽrá. Mãɨya ãchi p'uurudepema ãyá jeret'aasidama.

Hecho 13:46

Mãɨne Pablo mãɨnepa Bernabepa ne wap'eawẽa ãchiá jarasidama: —Piarã taipa mãrá Tachi Ak'õre pedea naa jaradai p'anasidama. Maamina mãrapa mãɨ itu bɨ p'anɨ pẽra mãɨnepa mãramá ewaricha Tachi Ak'õre ome chok'ae bai piawẽa pẽra, taipa judiorãwẽmá mãɨ jarade wãnaipɨ.

Hecho 9:16

Mɨa ichiá k'awapiipɨ sãmaasã́ mĩai bɨt'a mɨnepema pedeai k'orea.

Hecho 7:59

Mawarapa bat'a p'anɨne Estebanpa Tachi Ak'õrea nãɨya ɨt'aa chiidisima: «Mɨ Chipari Jesú, mɨ jaore ateewãse».

Juan 6:44

Abaɨ pida p'ue mɨne ĩjãaiwẽma mɨ Ak'õre, chi mɨ Peedapa ichi mɨmá enemeaepɨra. Maamina mɨ Ak'õrepa mãɨ enemeeipɨra nãɨ jõru ewaride mãɨ ẽpẽra mɨa chok'ae p'irabaripiipɨ.

Luca 23:46

Ara mãɨne Jesupa jĩk'ua biasima: —Ak'õre, mɨ jaore pɨ juade bɨruma. Mãɨya jarak'ari k'ĩrawẽasima.

1 Tesalonicense 5:4

Maamina ũpẽarã, mãra p'ãrione p'anɨwẽma. Mãɨpuru Tachi Chiparipa ɨtɨade cheru ewaride mãra p'eradaiwẽma nechɨaparí cherude p'erapata jĩra.

Luca 10:12

Mãɨpuru mɨa jararuma: Tachi Ak'õrepa ɨtɨai ewaride ichia mãɨ p'uurudepemarã atepe ɨtɨaipɨ Sodomanepema ẽpẽrarã ɨtɨai k'aepẽra.

Mateo 7:22

Ichia ɨtɨai ewaride chok'araɨrãpa mɨá jaradaipɨ: “Tai Chipari, tai Chipari, tai pɨ t'ɨ̃ k'orea pedeasidama, pɨ t'ɨ̃ne jaore mietaarã ãyá jeret'aasidama mãɨnepa pɨ t'ɨ̃ne ẽpẽrarãpa ne oodak'apɨ́ oosidama”.

1 Corintio 1:8

Mãɨpa Tachi Ak'õrepa mãra chaarea uru baipɨ aba nãɨ ewari jõrunea. Mãɨya Tachi Chipari Jesucristo cherude mãra k'orea k'achia pedeadaiwẽa p'ananaipɨ.

2 Timoteo 1:14

Tachi Ak'õre Jaore tachi sõne baparima. Mãɨneepuru, chi pedea piarã Tachi Ak'õrepa pɨá teada minachia ak'ɨ base.

2 Timoteo 1:16

Maamina mɨa k'ɨ̃ria bɨma Tachi Chiparipa ũpẽa Onesíp'oro tedepemarã k'ĩra chupuria bamẽrá. Ichia mɨ bari k'ak'o minachia k'aripasima. Mɨ k'ãnenapa jɨ̃ bɨmina mɨ k'orea k'ĩra p'eraé pasima.

Tito 3:8

Mãɨ pedea piarã arí bɨ pẽra, mãɨne ĩjãanai p'anɨma. Mɨa k'ɨ̃ria bɨma pɨa mãɨ minachia jaratea bai Tachi Ak'õrene ĩjãa berãpa nejõma pia oo wãnamẽrá. Mãɨ pedea minachia pia bɨma. Jõmãɨrã k'aripaparima.