2 Pedro 1:8 - Tachi Ak'õre Pedea

⁸ Mãrapa mãɨ jõma pia oodaipɨra, mãɨpa tachiá Tachi Chipari Jesucristo waa pia k'awapipododaipɨ mãɨnepa tachi nepia oodai k'orea chok'ea p'anapidaipɨ.

2 Pedro 1:8 Referans Kwoze

Tito 3:14

Tachi chi Cristode ĩjãa berãpa pia oo k'awadai p'anɨma nenea k'ede k'aripadai k'orea. Mãɨya ara tachi pari p'ananaiwẽma.

Colosense 3:16

Pedea Cristo k'orea mãra sõne uru p'anat'ɨ. Jõma Tachi Ak'õre k'ɨ̃risiadepa chi jarateat'ɨ mãɨnepa chi k'aripat'ɨ pia ĩjãanai k'orea. Tachi Ak'õre pedeade bɨ bɨt'a k'arit'ɨ, ũpẽarãpa k'aripataɨ mãɨnepa Tachi Ak'õre Jaorepa k'aripiparí Tachi Ak'õrea k'arit'ɨ. Sõnepa Tachi Ak'õrea sõpia p'anɨane a p'anɨnepa k'arit'ɨ.

Juan 15:2

Mɨ pak'uru jua chaudak'aɨ ichia mãɨ t'ɨat'uparima, maamina chi chaupataɨ pak'uru jua mãɨ t'ɨat'uparima atepe chaudamẽrá.

Hebreo 6:12

Taipa k'ɨ̃rianawẽma mãra k'oa p'ananait'a, mãɨyawẽapuru k'ɨ̃ria p'anɨma chi mãra waapẽarã ũpẽarã jĩra p'ananait'a. Ãchia Cristode ĩjãa p'anɨẽra mãɨnepa ãarea choa p'anɨẽra, Tachi Ak'õrepa teai jarada ãarea jitadaipɨ.

P'ilipense 1:9

Mɨa Tachi Ak'õrea ɨt'aa chiidi bɨma mãra minachia chi k'ɨ̃ria p'ananamẽrá, ichi pia k'awadamẽrá mãɨnepa sãmaasã́ nipadai p'anɨ k'awadamẽrá.

1 Tesalonicense 4:1

Mãɨ awara ũpẽarã, taipa mãrá jarateasidama sãmaasã́ Tachi Ak'õre k'ĩrari nipadai p'anɨ ichia pia unumẽrá. Tachi Chipari Jesú t'ɨ̃ne taipa mãrá chichupuria idi p'anɨma ara mãɨ jĩra nipadamẽrá. Piarã mãrapa mãɨya oomaa p'anɨma, maamina pia oot'ɨ.

1 Corintio 15:58

Mãɨ k'orea ũpẽarã mɨa k'ɨ̃ria berã, minachia ĩjãa p'anat'ɨ. Tachi Chiparipa k'ɨ̃ria bɨ minachia oopariet'ɨ. Mãrapa k'awa p'anɨma chi Tachi Chipari pae oo p'anɨ, pari oo p'anɨwẽt'a.

2 Pedro 1:2

Mãrapa Tachi Ak'õre mãɨnepa Tachi Chipari Jesú k'awa p'anɨ pẽra, mɨa k'ɨ̃ria bɨma ãchi sõpiadepa mãra minachia k'aripa p'ananait'a mãɨnepa minachia ne k'ɨ̃risiawẽa p'anapiit'a.

P'ilemón 1:6

Mɨa Tachi Ak'õrea ɨt'aa chiidi bɨma Cristode ĩjãapataɨrã ome pɨ minachia pia bamẽrá. Mãɨya jõma nepia tachia Jesucristodepa uru p'anɨt'a pɨa minachia k'awaipɨ.

2 Tesalonicense 1:3

Ũpẽarã, taipa ewaricha mãra k'orea Tachi Ak'õrea sõpia p'anɨane apatama. Taipa mãɨya oodai pia bɨma. Mãrapa ewaricha Cristode pia ĩjãa p'anɨma mãɨnepa machicha pia chi k'ɨ̃ria p'anɨma.

P'ilipense 2:5

Jesucristopa k'ɨ̃risia bada jĩra k'ɨ̃risiat'ɨ:

2 Corintio 13:5

Ara machicha minachia k'ɨ̃risiat'ɨ piarã Jesude ĩjãa p'anɨt'a k'awadai k'orea. Ara machicha minachia ak'ɨt'ɨ jĩp'a nipapata k'awadai k'orea. ¿Mãrapa atua p'anɨk'ãra Jesucristo mãra sõne bɨ? Mãra sõne bɨwẽpɨra ichidirãwẽma.

Colosense 2:7

Ichidepa chaarea p'anat'ɨ k'arra minachia jita p'anɨ jĩra mãɨnepa te pia ooda jĩra. Ichide minachia ĩjãa p'anat'ɨ ũpẽarãpa jarateadada jĩra, mãɨnepa ewaricha Tachi Ak'õrea machi sõpia p'anɨane at'ɨ.

2 Corintio 9:14

Tachi Ak'õrepa ichi sõpiadepa mãra minachia k'aripasima ãchi k'aripadamẽrá. Mãɨpuru ãchia mãra minachia k'ɨ̃ria p'anɨnepa Tachi Ak'õrea mãra k'orea ɨt'aa chiidi p'ananaipɨ.

2 Corintio 8:2

Ãchi minachia mĩa p'anɨmina arapá p'anɨma. Nenea p'anɨmina arapaapa erreara minachia teasidama.

1 Timoteo 5:13

Mãɨ awara ãchi techa nipapatama mãɨnepa k'oa p'aneepatama. K'oa p'aneenak'ari, chi sea nepɨrɨ p'aneepatama, chĩara nepɨrade p'aneepatama, mãɨnepa ne jarai piawẽa bɨt'a pedea p'aneepatama.

1 Tesalonicense 3:12

Taipa k'ɨ̃ria p'anɨma Tachi Chiparipa mãra k'aripa bai jõmãɨrã ome minachia chi k'ɨ̃ria p'ananamẽrá taipa mãra minachia k'ɨ̃ria p'anɨ jĩra.

2 Corintio 8:7

Mãrapa ne ãareaɨne minachia pia oo p'anɨma: Jesude minachia ĩjãa p'anɨma, minachia pedea k'awa p'anɨma, Tachi Ak'õrenepa minachia ne k'awa p'anɨma, Tachi Ak'õrepa k'ɨ̃ria bɨ jĩra minachia oo k'ɨ̃ria p'anɨma mãɨnepa tai minachia k'ɨ̃ria p'anɨma. Mãɨpuru mãrapa machi sõpiadepa erreara jɨrɨp'e p'anɨ minachia teat'ɨ.

Romano 12:11

K'oa p'anarãt'ɨ, mãɨpari chok'ea p'anat'ɨ. Tachi Chipari Jesupa k'ɨ̃ria bɨt'a sõnepa jõma oot'ɨ.

Juan 5:42

Mãɨ awara mɨa mãra k'awa bɨma. K'awa bɨma mãrapa Tachi Ak'õre k'ɨ̃rianak'at'a.

Mateo 25:26

Mãɨne chi chiparipa jarasima: “¡Mɨ pae pari mimiaparí pɨ piawẽa bɨma! Pɨ chi k'oa baparima! Pɨa piarã k'awa basima mɨa chĩarané ataparit'a mãɨnepa chĩarapa uudadadepa baparit'a.

Mateo 20:6

Maapae jõma ɨmata baepodode mãicha p'uurudea wãsima. Waapẽarã ẽpẽrarã pari berã unuk'ari idisima: “¿K'ãre k'orea idi mimianawẽa p'anɨma?”

Mateo 20:3

Ɨmata ɨt'ɨ parude chi chipari mãicha p'uurudea wãsima. Mãma waapẽarã ẽpẽrarã pari berã unusima.

Mateo 13:22

Chi net'a tau ĩjũa ɨɨrɨ idá bɨde p'oda nãɨ jara bɨma: chi eda waapẽarã ẽpẽrarãpa Tachi Ak'õre pedea ũripatama, maamina ãchi sãmaasã́ pia beadai k'orea minachia k'ɨ̃risiapatama. Ne ãarea uru p'ananaipɨra, arapá p'ananai k'ɨ̃risiapatama. Ãarea mãɨ k'ɨ̃risia mietapa ãchia sõne pia ũrinana itu bɨpiparima ne uu warida chauk'á bapari jĩra.

Juan 17:3

Ewaricha chok'ae bepa, ãchia k'awa p'anɨma pɨ piarã Tachi Ak'õre aba bɨt'a. Ichiaba k'awa p'anɨma chi pɨa peeda, Jesucristot'a.

P'ilipense 3:8

Piarã mɨ Chipari Jesucristo k'await'a ne ãarea k'aepẽra atepe piipará bɨma. Mɨa naena k'ɨ̃risia bada, mãɨ ãarea ichi k'orea itu bɨsima. Jõma mãɨ nejarra jĩra unu bɨma, Cristo unui k'orea

Colosense 1:10

Mãɨya mãra p'ue jĩp'a nipadaipɨ Tachi Chiparipa k'ɨ̃ria bɨ jĩra mãɨnepa ne ãareaɨne ichia mãra pia unuipɨ. Piarã mãrapa nejõma pia oo p'anɨnepa nejõ pia chau bɨ jĩra tuananaipɨ mãɨnepa Tachi Ak'õre pia k'awapododaipɨ.

2 Pedro 1:3

Tachi Ak'õre k'awa p'anɨ pẽra, ichi jua chaareadepa tachiá nejõma teasima ichia k'ɨ̃ria bɨ jĩra nipadamẽrá mãɨnepa ewaricha ichi ome chok'ae p'ananamẽrá. Ichi chi atepe bɨ pẽra mãɨnepa jĩp'a bɨ pẽra tachi t'ɨ̃k'ari ne waibɨa mãɨnepa minachia pia bɨt'a, tachi pae ooyade asima. Mãɨya oo bɨ pẽra nãɨ ĩjũanepemarãpa nemietá oo k'ɨ̃ria p'anɨt'a mãrapa itu bɨdak'ari p'ue ichi jĩra jĩp'a p'ananaipɨ.

2 Pedro 2:20

Jesucristo Tachi Chipari mãɨnepa Tachi K'aripaparí k'awa p'anɨ pẽra nãɨ ĩjũane bɨ nemietaadepema k'aripasidama. Maamina jɨ̃k'arade memenea p'aneeuta jĩra waa mãicha nemietá oodaipɨra, naena p'anana k'aepẽra atepe piawẽa p'aneenaipɨ.

2 Pedro 3:18

Jesucristo Tachi Chipari mãɨnepa Tachi K'aripaparí ewaricha pia k'awapariet'ɨ. Ichi sõpiadepa warit'ɨ. Idi mãɨnepa ewaricha ichiá pia pedeadai p'anɨma. Mãɨya beese.