2 Pedro 1:13 - Tachi Ak'õre Pedea

¹³ Mɨmá pia bɨma wapida chok'ae bɨmisa mãɨ mãrá k'ɨ̃risiapi bait'a.

2 Pedro 1:13 Referans Kwoze

2 Pedro 3:1

Ũpẽarã, nãɨ chi mãɨ ɨ̃aripema k'art'a mɨa mãra pae bɨruma. Nãɨ k'art'a bari k'ak'o ume bɨdade, mɨa k'ɨ̃risiapii bɨma chi naena k'awa p'anana k'orea, jĩp'a k'ɨ̃risiadamẽrá.

2 Pedro 1:14

Tachi Chipari Jesucristopa mɨá pia k'awapisima tãaraawẽa bɨde mɨ piuit'a.

Hebreo 13:3

K'ɨ̃risia atuarãt'ɨ chi jɨ̃a nɨbɨpataɨ tede nɨbet'a, mãra sida ãchi ome eda serra p'anɨ jĩra. Chi ẽpẽrarãpa piawẽa oo p'anɨnepa minachia mĩa be k'ɨ̃risia atuarãt'ɨ mãra sida ãchi ome minachia mĩa p'anɨ jĩra.

2 Timoteo 1:6

Mɨ jua pɨ ɨ̃rɨ bɨside Tachi Ak'õrepa pɨá ne teasima ichi pae oomẽrá. Mãɨ k'orea mɨa jararuma: mãɨ Tachi Ak'õrepa teada pia oo bapariese, et'abarrade t'ɨpɨ p'uapari jĩra.

2 Corintio 5:8

Mãɨya tachi ne k'ɨ̃risiadawẽa mãɨnepa wap'eawẽa p'anɨma. Tachi nãɨ k'ak'uadepema minachia wã k'ɨ̃ria p'anɨma Tachi Chipari ome ará p'ananai k'orea.

2 Pedro 1:12

Jõma makɨɨ k'awa p'anɨmina mãɨnepa chi piarã pedea minachia ĩjãa p'anɨmina, mɨa jõma makɨɨ mãrá k'ɨ̃risiapi baipɨ.

P'ilipense 1:7

Pia bɨma mɨa jõma mãra k'orea mãɨya k'ɨ̃risia bait'a, mãra minachia k'ɨ̃ria bɨ pẽra. Mɨ eda jɨ̃a nɨbɨde wa chi pedea pia Cristo k'orea piarã k'awapii bɨde, Tachi Ak'õrepa ichi sõpiadepa mãra mãɨnepa mɨ sida k'aripa bɨma ichi pedea jaratea p'ananamẽrá.

P'ilipense 3:10

Mɨa Cristo minachia k'awa k'ɨ̃ria bɨma. Ichi Tachi Ak'õre jua chaareadepa chok'ae p'irabarisima. Mɨ ara mãɨ jua chaareadepa ichi ome p'ɨrrɨa k'ɨ̃ria bɨma. Mãɨpuru ichi minachia mĩana jĩra mɨ mĩa k'ɨ̃ria bɨma, mãɨnepa ichi piuda jĩra piui k'ɨ̃ria bɨma.