2 Corintio 8:8 - Tachi Ak'õre Pedea

⁸ Mɨa mãɨ oopadade awẽa bɨma, mãɨpari mɨa k'ɨ̃ria bɨma mãrapa unupidait'a ũpẽarã piarã k'ɨ̃ria p'anɨt'a. Mãɨ k'orea mɨa mãrá k'awapi bɨma sãmaasã́ waapẽarãpa erreara ũpẽarã Jerusalenepema pae jɨrɨp'e p'anɨt'a.

2 Corintio 8:8 Referans Kwoze

1 Corintio 7:6

Mɨa jararuma: mãrapa mãɨya oo k'ɨ̃ria p'anɨpɨra, pia bɨma. Maamina mɨa mãɨya oopade a bɨwẽma.

Hebreo 10:24

Jɨrɨdai p'anɨma sãmaasã́ chi k'aripadait'a pia chi k'ɨ̃rianai k'orea mãɨnepa nepia oodai k'orea.

2 Corintio 9:7

Ẽpẽracha teai bɨma ichi sõne k'ɨ̃risia bɨ jĩra. Teaemaa bɨdepa teaiwẽa bɨma, mãɨyawẽpɨra teapade a p'anɨ k'orea teaiwẽa bɨma. Chi arapá bɨdepa tea bɨt'a Tachi Ak'õrepa k'ɨ̃ria bɨma.

2 Corintio 6:6

Tai jĩp'a nipadadepa, piarã k'ɨ̃risia k'awaadepa, jõma choa p'anɨnepa, sõpiadepa, Tachi Ak'õre Jaore tai sõne bɨdepa, piarã k'ɨ̃rianepa, chi piarã pedea jaratea p'anɨnepa, mãɨnepa Tachi Ak'õre jua chaareadepa mãɨya unupi p'anɨma. Tai jĩp'a p'anɨnepa nemietá p'uepatama mãɨnepa ara mãɨ jĩp'a p'anɨnepa taipa chi nemietá itu p'uepidakama.

1 Pedro 1:22

Chi piarã pedea oo p'anɨ pẽra mãra nemietaawẽa p'aneesidama. Mãɨpuru ũpẽarã piarã k'ɨ̃ria p'anɨma. Sõnepa piarã minachia chi k'ɨ̃ria p'anat'ɨ.

Ep'esio 6:24

Mɨa k'ɨ̃ria bɨma Tachi Ak'õrepa ichi sõpiadepa jõma Tachi Chipari Jesucristo piarã minachia k'ɨ̃ria berã k'aripa bait'a. Mãɨya beese.

Ep'esio 4:15

Mãɨpari k'ɨ̃rianepa chi piarã pedea ĩjãanai p'anɨma ne ãareaɨne Tachi Chipari Cristo jĩra p'ananai k'orea.

2 Corintio 9:2

mɨa k'awa bɨ pẽra mãrapa k'aripa k'ɨ̃ria p'anɨt'a. Mãɨ k'orea nãma Macedonia tuade mɨa ũpẽarã́ mãra k'orea pia pedeaparima. Mɨa ãchiá jarapachima warí ãyo pasiedapema mãra Acaya tuadepemarãpa k'aripadai k'orea p'anasit'a. Mãɨya ũrinana pẽra chok'ará ũpẽarã Macedonianepemarãpa abarik'a k'aripa k'ɨ̃ria p'anɨma.

2 Corintio 8:24

Mãɨ ũpẽarã́ unupit'ɨ mãrapa ãchi piarã k'ɨ̃ria p'anɨt'a. Mãɨya ãchia k'awadaipɨ taipa mãra k'orea pia jaradada piarã pasit'a. Waapẽarã ũpẽarã pida ara mãɨ jĩra k'awadaipɨ.

2 Corintio 8:10

Mɨmá mãrapa nãɨya oodaipɨra pia p'ananaipɨ: mãɨ warí ãyo paside, mãrapuru waapẽarã k'aepẽra naa erreara jɨrɨp'e p'aneesidama mãɨnepa mãɨya oo k'ɨ̃riasidama.

1 Corintio 7:25

Mãɨ awara chi k'ima waidi atadak'á bee k'orea mɨa jararuma. Tachi Chipari Jesucristopa mɨá mãɨ k'orea jarateapiwẽ pẽra mɨa k'ɨ̃risia bɨt'a jararuma. Mãrapa k'awa p'anɨma Tachi Chiparipa mɨ k'ĩra chupuriada pẽra mɨa piarã jaraparima.

1 Corintio 7:12

Waapẽarã ũpẽarã́ mɨa nãɨ jararuma (Tachi Chipari Jesupa mɨá nãɨ jarateapiwẽma): ũpẽa aba bɨpa chi k'ima Jesude ĩjãawẽa bɨ uru bɨpɨra, mãɨnepa mãɨ wẽra ichi ome ba k'ɨ̃ria bɨpɨra, mãɨ ũpẽapa ichi amaaiwẽa bɨma.

Romano 12:9

Machi sõnepa chi k'ɨ̃ria p'anat'ɨ. Jõma nemietá itu bɨt'ɨ. Chi pia bet'a oopariet'ɨ.