2 Corintio 8:21 - Tachi Ak'õre Pedea

²¹ Piarã taipa Tachi Chipari k'ĩrari mãɨnepa ẽpẽrarã k'ĩrari jĩp'a oo k'ɨ̃ria p'anɨma.

2 Corintio 8:21 Referans Kwoze

Romano 12:17

Abaɨ pida mãra piawẽa ooipɨra, ara mãɨya oorãt'ɨ. Jõmãɨrã k'ĩrari pia oot'ɨ.

1 Pedro 2:12

Tachi Ak'õrene ĩjãanak'apɨɨrã t'ãena jĩp'a nipat'ɨ. Mãɨya ãchia mãra nemietá oopataade a p'anɨmina, mãrapa pia oo p'anɨt'a unu p'anɨma. Maapae Tachi Ak'õre cherude mãra k'orea ichiá pia pedeadaipɨ.

P'ilipense 4:8

Mãɨ awara ũpẽarã, jõma piarãnepema, nejõma tachia pia bɨt'a unupataɨdepema, jõma jĩp'a bɨdepema, jõma nemietaawẽa bɨdepema, jõmãɨrãpa k'ɨ̃riapataɨdepema, jõma chi piipará bayade a p'anɨnepema, nejõma piadepema mãɨnepa nejõma tachia pia jarapataɨdepema k'ɨ̃risia p'anat'ɨ.

1 Tesalonicense 5:22

Nemietá mi ãpia pida oorãt'ɨ.

2 Corintio 2:17

Taipa erreara atadai k'orea Tachi Ak'õre pedea jaratea nipadawẽma chok'araɨrãpa oopata jĩra. Mãɨpari Cristo ome p'anɨ pẽra Tachi Ak'õrepa tai peesima. Mãɨne ichi k'ĩrari k'ɨ̃risia piadepa jarateapatama.

Romano 14:18

Chi mãɨya Cristo pae mimiapataɨrã Tachi Ak'õrepa pia unu bɨma. Ẽpẽrarã pida pia unupatama.

1 Timoteo 5:14

Mãɨ k'orea mɨa k'ɨ̃ria bɨma p'ẽtã́ wapida warra be k'ima atadait'a, warra t'õnait'a, mãɨnepa ãchi te sida pia ak'ɨdait'a. Mãɨya tachi nek'ĩramaapa p'ue piawẽa pedeaiwẽma.

Mateo 5:16

Ara mãɨ jĩra ẽpẽrarã k'ĩrari pia oo p'anat'ɨ ãchia Tachi Ak'õre pajãne bɨa pia pedeadamẽrá.

Mateo 23:5

»Ãchia ne ãarea oopatama waapẽarãpa pia ununamẽrá. Tachi Ak'õre pedea k'art'ade bɨda ne yaaparí chak'ede eda bɨdak'ari ãchi tau bɨɨrɨde mãɨnepa juap'ot'ode jɨ̃patama. Maamina chi ne yaaparí jobɨa oopatama waapẽarãpa pia ununamẽrá. Ichiaba mãɨ k'orea ãchia neet'á i jijichoa teesoa be k'osadak'ari jɨ̃patama.

Mateo 6:1

»Jĩrak'aua p'anat'ɨ awaraɨrã taade nepia oodai Tachi Ak'õre pae, ãchia ak'ɨdamẽrá. Mãɨya oosidara, mãra Ak'õre pajãne bɨpa mãrá nepia teaiwẽma.

2 Corintio 8:20

Taipa jĩrak'aua oo p'anɨma mãɨ erreara waibɨa jɨrɨp'edada ateeutade mi ãpia pida k'achia pedeapidaemaapa.

2 Corintio 8:22

Mãɨ ũpẽarã ume p'anɨ mãramá wãutade abaɨ ũpẽa ãchi ome peedaipɨ. Mãɨ ũpẽapa ewaricha taiyá unupisima ũpẽarã minachia k'aripa k'ɨ̃ria bɨt'a. Idiapae mãra minachia k'aripa k'ɨ̃ria bɨma mãrapa jĩp'a oodai k'awa bɨ pẽra.