2 Corintio 8:19 - Tachi Ak'õre Pedea

¹⁹ Mãɨ awara ũpẽarã p'uuru bechadepemarãpa ichi jɨrɨ atasidama tai ome erreara ũpẽarã pae jɨrɨp'edada Jerusalenea teade wãmẽrá. Mãɨ taipa oo p'anɨma ũpẽarãpa Tachi Chiparia pia pedeadamẽrá mãɨnepa taipa piarã k'aripa k'ɨ̃ria p'anɨt'a ak'ɨpidai k'orea.

2 Corintio 8:19 Referans Kwoze

2 Corintio 4:15

Tai mãɨ ãarea minachia mĩa p'anɨma mãra pia p'ananamẽrá. Mãɨne Tachi Ak'õrepa ichi sõpiadepa ẽpẽrarã chok'ará k'ariparuma. Mãɨya chok'araɨrãpa ichiá pia bɨade adaipɨ mãɨnepa ichi k'orea pia jaradaipɨ.

2 Corintio 9:8

Piarã Tachi Ak'õrepa nejõma mãrá minachia p'ue teaipɨ. Mãɨya ewaricha ne ãareaɨne mãrapa uru p'ananai p'anɨt'a piarã uru p'ananaipɨ mãɨnepa nejõma pia oodai k'orea.

Hecho 15:25

Mãɨpuru taipa pedea ausidama chi tai paarapemarã mãramá peedai k'orea, chi tachia k'ɨ̃ria p'anɨ ũpẽa Bernabé mãɨnepa Pablo ome.

Hecho 15:22

Mãɨne chi Jesupa peedaɨrãpa, ũpẽarã ak'ɨpataɨrãpa mãɨnepa ãarea ũpẽarãpa mãɨ jaradada pia ũrisidama. Mãɨpuru chi eda waapẽarã jɨrɨ atasidama Pablo mãɨnepa Bernabé ome Antioquiadea wãnamẽrá. Sila mãɨnepa Juda chi ɨ̃ana t'ɨ̃ Barsabá apataɨ ateewãsidama. Chi waapẽarãpa ũpẽarãpa ãchi k'orea pia k'ɨ̃risiasidama.

Hecho 14:23

P'uurucha chi ĩjãapataɨrã t'ãena ũpẽarã ak'ɨpataɨrã bɨsidama. Maapae Tachi Ak'õrea ɨt'aa chiididak'ari, Tachi Ak'õrene k'ɨ̃risiadayá nek'odak'apɨ́ ewaride oodak'ari, chi Tachi Chipari ĩjãa p'anɨt'a ichi juade bɨsidama.

Hecho 19:22

Mãɨpuru ichi k'aripapataɨrã Timoteo mãɨnepa Erasto Macedonia tuadea naa peesima maamina ichi Asia tuade beesima.

Hecho 19:29

Mãɨya p'anɨne ãarea chi p'uurudepemarã k'ĩruupik'asidama. Mãɨne waapẽarãpa Pablo ome p'ɨrrɨapataɨ ume p'anɨt'a, chi Macedonianepema Gayo mãɨnepa Aristarco jitadak'ari p'uurude ẽpẽerãpa ne ará posoa unupipataɨmá ateewãsidama.

Romano 5:3

Mãɨ awara tachi minachia mĩa p'anɨne arapá p'anapatama k'awa p'anɨ pẽra makɨɨdepa pia choa k'awadait'a.

Romano 5:11

Mãɨ awara Tachi Chipari Jesucristodepa Tachi Ak'õre ome pia p'anɨ pẽra ichidepa Tachi Ak'õre ome sõpia p'anɨma.

2 Corintio 8:11

Mãrapa naa erreara jɨrɨp'e p'anasidaɨde sõpiadepa mãɨya oo p'anasidama. Ara mãɨ jĩra mãrapa sõpiadepa teadayade adada jõma mãɨya teat'ɨ. Mãracha p'ue teadai p'anɨt'u teat'ɨ.

2 Corintio 8:12

Piarã abaɨpa p'ue tearu jĩra sõpiadepa teaipɨra, mãɨ teada Tachi Ak'õrepa pia unuipɨ. Abaɨpa ne teai newẽa bɨpɨra, Tachi Ak'õrepa teapade ak'ama.

2 Corintio 8:20

Taipa jĩrak'aua oo p'anɨma mãɨ erreara waibɨa jɨrɨp'edada ateeutade mi ãpia pida k'achia pedeapidaemaapa.

2 Corintio 9:2

mɨa k'awa bɨ pẽra mãrapa k'aripa k'ɨ̃ria p'anɨt'a. Mãɨ k'orea nãma Macedonia tuade mɨa ũpẽarã́ mãra k'orea pia pedeaparima. Mɨa ãchiá jarapachima warí ãyo pasiedapema mãra Acaya tuadepemarãpa k'aripadai k'orea p'anasit'a. Mãɨya ũrinana pẽra chok'ará ũpẽarã Macedonianepemarãpa abarik'a k'aripa k'ɨ̃ria p'anɨma.