2 Corintio 6:8 - Tachi Ak'õre Pedea

⁸ Edaɨde waapẽarãpa tai k'orea pia jarapatama. Edaɨde k'achia pedeapatama. Edaɨde tai k'orea piawẽa t'ɨ̃ p'oapipatama. Edaɨde pia t'ɨ̃ p'oapipatama. Taipa chi piarã pedea jara p'anɨmina waapẽarãpa jara p'anɨma taipa sea jara p'anɨt'a.

2 Corintio 6:8 Referans Kwoze

Mateo 27:63

—Tai chipari, taipa k'ɨ̃risia p'anɨma jãɨ ẽpẽra seayá bɨ wapida chok'ae baside nãɨya jarasima: “Mɨ ewari ũpeaɨde chok'ae p'irabariipɨ”.

1 Pedro 4:14

Waapẽarãpa mãra Cristode ĩjãa p'anɨ k'orea k'achia pedeadaipɨra, Tachi Ak'õre k'ĩrari minachia pia p'anɨma. Tachi Ak'õre Jaore k'ĩrawãrea bɨt'a mãra ome bɨma.

Apocalipsi 3:9

¡Ũrit'ɨ! Mãra jĩru k'ait'a mɨa tioredé ẽpẽerã sĩraporode k'op'aneepiipɨ. Ãchi Tachi Ak'õrené ẽpẽerãane apatamina mãɨyawẽma. Ãchi chi sea p'anɨma. K'awadaipɨ mɨa mãra k'ɨ̃ria bɨt'a.

1 Timoteo 4:10

Mãɨ k'orea tachia choa nɨp'anɨne, mimia p'anɨma. Nɨ p'anɨma Tachi Ak'õre chok'ae bɨpa k'aripamẽrá. Ichit'a chi jõmãɨrã K'aripaparipɨ. Piarã, chi ichide ĩjãautat'a k'aripaparipɨ.

Hecho 28:22

Maamina taipa k'awa p'anɨma ãarea tuacha jãɨ k'ɨ̃risia chiwidi k'orea piawẽa pedea p'anɨt'a. Mãɨpuru ũri k'ɨ̃ria p'anɨma pɨa sãmaasã́ k'ɨ̃risia bɨt'a.

Hecho 24:5

Taipa k'awa p'anɨma nãɨ ẽpẽra nepɨra pará baparit'a. Ãarea nãɨ ĩjũane judiorã k'ĩruupik'apiparima. Ichi chi Nazaredepema chi poro chaarea bɨpɨ.

3 Juan 1:12

Ũpẽa Demetrio k'orea jõmãɨrãpa pia pedea p'anɨma. Chi piarã pedea ĩjãa bɨdepa unupi bɨma ichi jĩp'a bɨt'a. Tai pida ichi k'orea pia pedea p'anɨma. Mãrapa k'awa p'anɨma taipa jara p'anɨ piarãt'a.

Hebreo 13:13

Mãɨpuru p'uuru awara Jesumá wãuta jĩra abapuru ichi ome wãnai p'anɨma. Ẽpẽerãpa Jesua k'achia pedeadada jĩra tachiá pida k'achia pedeautade choadai p'anɨma.

Romano 3:8

Mãɨyara ¿tachia nemietá oodai p'anɨk'ãra ẽpẽrarãpa Tachi Ak'õrea pia pedeadamẽrá? Chi eda waapẽarãpa ãchi k'ɨ̃risia k'achiadepa jarapatama taipa mãɨya jaratea p'anɨt'a. Chi mãɨya jara berã Tachi Ak'õrepa piarã nepɨra pará p'anɨane aipɨ.

Hecho 22:12

»Mãma ẽpẽra Anania apataɨ basima. Mãɨ Ananiapa Tachi Ak'õre wap'ea bɨ pẽra Moisepa bɨda minachia ĩjãa basima. Ãarea judiorã Damasco p'uurudepemarãpa ichi k'orea pia pedeapachidama.

Hecho 16:39

Ara mãɨne ãchimá wãnak'ari k'ĩra chupuria idisidama chi ãchia oodada k'ɨ̃risia atuadamẽrá. Maapae chi jɨ̃a nɨbɨpataɨ tedepa awara ateewãnak'ari chichupuria idisidama p'uurudepema ãyá wãnamẽrá.

Hecho 10:22

Ãchia p'anoosidama: —Tai papaká berã chi mãɨrã chaarea bɨ Corneliopa peesima. Ichi ẽpẽra jĩp'a bɨma mãɨnepa Tachi Ak'õre wap'ea bɨma. Ãarea judiorãpa ichi k'orea pia k'ɨ̃risia p'anɨma. Tachi Ak'õrepa ɨt'aripa peedapa mãɨ pɨ tiidá chepik'ari maapae pɨ pedea ũrimẽrá.

Hecho 6:3

Mãɨpuru ũpẽarã, mãranepema siete ẽpẽerã jĩp'a be jɨrɨ atat'ɨ. Ãchi Tachi Ak'õre Jaore minachia uru p'ananai p'anɨma mãɨnepa k'ɨ̃risia minachia p'ananai p'anɨma. Mãɨrã taipa bɨdaipɨ p'ẽtãarã mãɨnepa waapẽarã k'aripadamẽrá.

Hecho 5:13

Chi p'uurudepemarã waapẽarã ne wap'eapa ãchi ome ará baridak'a pasima, maamina ãchi k'orea pia pedeapachidama.

Hecho 4:21

Maapae mãicha Pedroa mãɨnepa Juaná nemietá oodayade adak'ari, ãchi itu wãpisidama. Chi p'uurudepemarã wap'ea p'anɨ pẽra k'awadaé pasima ãchi sãmaasã́ ɨtɨadait'a. Chi ẽpẽra jɨpa beeda k'orea ãareaɨrãpa Tachi Ak'õrea pia pedea tuanasidama,

Juan 7:12

Mãɨne chok'ará arí p'anɨrãpa Jesú k'orea wawaria pedeapachidama. Waapẽarãpa jarapachidama: «Ichi ẽpẽra pia bɨpɨ», maamina waapẽarãpa jarapachidama: «Mãɨyawẽma; ẽpẽerã seaparipɨ».

Marco 12:14

Chedak'ari jarasidama: —Jarateaparí, taipa k'awa p'anɨma pɨ ẽpẽra jĩp'a bɨt'a. Abaɨ pida pɨá awara k'ɨ̃risiapik'ama, pɨa ẽpẽerã ãarea abarik'a unupariideepuru. Mãɨpari Tachi Ak'õre o k'orea piarã jarateaparima. Romanepema pae erreara jɨrɨp'epataɨ ¿tachi judiorãpa p'aadai pia bɨk'ãra wa mãɨyawẽ?

Mateo 22:16

Mãɨ k'orea p'ariseorãpa ãchi ome p'ɨrrɨapataɨrã mãɨnepa Herode lawari p'anɨrã Jesumá peesidama. Mãɨrãpa Jesua jarasidama: —Jarateaparí, taipa k'awa p'anɨma pɨ ẽpẽra jĩp'a bɨt'a. Abaɨ pida pɨá awara k'ɨ̃risiapik'ama, pɨa ẽpẽrarã ãarea abarik'a unupariideepuru. Mãɨpari Tachi Ak'õre o k'orea piarã jarateaparima.

2 Corintio 1:18

Tachi Ak'õre pedea aba bɨma. Ichia k'awa bɨma taipa jaradada piarã pasit'a. Taipa mãramá wãnayane adak'ari ara mãɨne wãnawẽane adaé pasima. Taipa «nãɨ piarãane» adaé pasima, mãɨyá «seaade» adai k'orea.

2 Corintio 4:2

Nejõma k'achia ẽpẽrarãpa mẽra oopataɨ mãɨnepa p'era oopataɨ taipa itu bɨsidama. Waapẽarã seadak'ama. Tachi Ak'õre pedea k'ĩra ãyá jarateadak'ama, mãɨpari chi piarã pedea pia jarateapatama. Mãɨya Tachi Ak'õre k'ĩrari taipa jõmãɨrã́ k'awapipatama jĩp'a oo p'anɨ.

2 Corintio 11:21

Mɨa jararuma: mɨ mãra t'ãena baside, jãɨrã jĩra baé pasima. Mãramá, mɨ mãɨya jua chaareawẽa bada k'orea ¿p'era bai bɨk'ãra? Abaɨ pida ara ichi k'orea p'ue pia pedeaipɨra, mɨa pida ara mɨ k'orea p'ue pia pedeaipɨ. Maamina mãɨya pedeai k'ɨ̃risia newẽa bɨ jĩra pedeai bɨma.

2 Corintio 12:16

Mãrapa k'awa p'anɨma mɨa mãra erreara mi ãpia pida idié pasit'a. Maamina chi jarautamá mɨ k'ɨ̃risia k'awaadepa mãra seasit'a erreara jitai k'orea.

1 Tesalonicense 2:3

Taipa mãrá mãɨya k'ɨ̃risiapidaé pasima piarãpẽawẽne jarateadada ĩjãanamẽrá. Mãɨnepa seadawẽa p'anasima mãra seadai k'orea.