2 Corintio 6:16 - Tachi Ak'õre Pedea

¹⁶ ¿Juapa oodada sãdo Tachi Ak'õre te minachia bɨde bai bɨk'ãra? Piarã tachi chi Tachi Ak'õre minachia chok'ae bɨ tepɨ. Mãɨ k'orea Tachi Ak'õrepa ichi pedeade nãɨya jarasima: «Mɨ ãchi ome baipɨ. Ãchi t'ãena nipaipɨ. Mɨ Tachi Ak'õre ichidirã paipɨ mãɨnepa ãchi mɨ ẽpẽrarã p'uuru padaipɨ».

2 Corintio 6:16 Referans Kwoze

Apocalipsi 21:3

Maapae mɨa ũrisima abaɨpa Tachi Ak'õre suak'a beeparí auk'ará bɨmãɨpa nãɨya jĩk'ua pedearut'a: «¡Ũrit'ɨ! Idi Tachi Ak'õre ẽpẽerã t'ãena bɨma. Ichi ãchi ome baipɨ. Mãɨne ãchi ichi ẽpẽerã p'ananaipɨ. Piarã ichit'a ãchi Ak'õre paipɨ mãɨnepa ãchi ome baipɨ.

Hebreo 8:10

Mãɨnepa Tachi Chiparipa nãɨya jara bɨma: K'aadeapema ewaride mɨa nãɨ pedea chiwidi auipɨ israel ĩjũanepemarã ome: Mɨa Moisepa bɨda ãchi k'ɨ̃risiade mãɨnepa ãchi sõne bɨipɨ. Mɨ ãchi Tachi Ak'õre paipɨ, mãɨnepa ãchi mɨ p'uuru padaipɨ.

1 Corintio 6:19

¿Mãrapa atua p'anɨk'ãra mãra k'ak'ua Tachi Ak'õre Jaore tet'a? Tachi Ak'õrepa ichi Jaore mãrá teasima. Ichi mãra sõne bɨma. Mãra k'ak'ua ara mãranewẽma mãɨpari Tachi Ak'õrenepɨ.

Romano 8:11

Maamina ichi Jaore mãra sõne bɨ pẽra, ichidepa mãra k'ak'ua piui bɨt'a chok'ae p'irabaripiipɨ Cristo Jesú chok'ae p'irabaripida jĩra.

Apocalipsi 21:7

Nemietá p'uedaadarãpa jõma mãɨ atadaipɨ warrapa chi ak'õrené atapari jĩra. Mɨ ãchi Tachi Ak'õre paipɨ mãɨnepa mɨ warrarã p'ananaipɨ.

1 Juan 4:15

Abaɨpa Jesú piarã Tachi Ak'õre Warraade aipɨra, Tachi Ak'õre ichi ome bɨma mãɨnepa ichi Tachi Ak'õre ome bɨma.

Ep'esio 3:17

Mãɨnepa ɨt'aa chiidi bɨma ĩjãa p'anɨ pẽra Cristo mãra sõne bamẽrá. Ɨt'aa chiidi bɨma mãra ne ãareaɨne k'ɨ̃rianepa p'ananamẽrá. Mãɨya chaarea p'ananaipɨ minachia k'arra jãa p'anɨ jĩra.

Juan 6:56

Chi mɨ k'ak'ua k'o bɨ mãɨnepa mɨ oa to bɨ, mɨ ome bɨma mãɨnepa mɨ ichi ome bɨma.

Hebreo 3:6

Maamina Tachi Ak'õre warra Cristo ichi ẽpẽrarã chiparipɨ. Ãchi ome jõma arí oo bɨma. Tachia Cristode ĩjãa p'ananaipɨra mãɨnepa ichidepa ne jitadai k'orea arapá nɨ p'ananaipɨra, Tachi Ak'õreneerãpɨ.

1 Pedro 2:5

Mãra ichidepa chok'ae p'anɨ pẽra mawara te oopataɨ jĩra p'anɨma. Mãranepa Tachi Ak'õrepa ichi te ooruma. Mãɨnepa mãra p'aarerã ichi pae papi bɨma. Mãrapa Jesucristodepa Tachi Ak'õre pae ne oo p'anɨne, ichiá ãnimara paateauta jĩra oo p'anɨma. Mãɨya oo p'anɨt'a ichia pia unu bɨma.

2 Timoteo 1:14

Tachi Ak'õre Jaore tachi sõne baparima. Mãɨneepuru, chi pedea piarã Tachi Ak'õrepa pɨá teada minachia ak'ɨ base.

1 Juan 4:12

Abaɨ pida Tachi Ak'õre taupa ununak'ama. Maamina tachi chi k'ɨ̃ria p'anɨpɨra, Tachi Ak'õre tachi ome bɨma mãɨnepa ichi k'ɨ̃rianepa tachia piarã jõmãɨrã k'ɨ̃ria p'anɨma.

Romano 9:26

«Mãɨnepa nãɨya bɨ bɨma: Mɨa jarasima mãra mɨ ẽpẽrarãwẽpɨ. Mãɨya jaradamá, mɨa mãra mɨ warrarãane aipɨ».

Romano 8:9

Maamina Tachi Ak'õre Jaore piarã mãra sõne bɨ pẽra, ichidepa nipapatama. Nãɨ k'ak'uapa oo k'ɨ̃ria bɨdepa nipadak'ama. Piarã chi Cristo Jaore nea bɨt'a Cristodewẽma.

Ep'esio 2:20

Mãra mawara te jĩra p'anɨma. Jesupa peedaɨrã mãɨnepa Tachi Ak'õre pari pedeapataɨrã mãɨ te jĩru mawara jĩra p'anɨma. Mãɨ tedepema mawara chi piipará bɨ, Jesucristopɨ.

Mateo 6:24

»Ẽpẽra abaɨ pida p'ue mimiaiwẽma ichi chipari ume p'anɨ pae. Ume uru bɨpɨra aba atepe pia k'ɨ̃ria baipɨ. Mãɨ ome nipaipɨ mãɨne chi abaɨ itu bɨipɨ. Ara mãɨ jĩra chi ne minachia uru ba k'ɨ̃ria bɨpa Tachi Ak'õre ome p'ue nipaiwẽma.

Apocalipsi 2:1

»Chi ũpẽarã Ép'eso p'uurudepema ak'ɨparí Tachi Ak'õrepa ɨt'aripa peeda pae k'art'ade nãɨya bɨse: »Chi juaraari k'ãk'ãi siete uru bɨpa mãɨnepa siete ĩpira nee ooda t'ãena p'ɨrrɨa bɨpa nãɨya jara bɨma:

Mateo 16:16

Simón Pedropa p'anoosima: —Pɨ Tachi Ak'õrepa Tachi K'aripaparí teai jarada, Tachi Ak'õre chok'ae bɨ Warrapɨ.

Juan 14:23

Jesupa p'anoosima: —Chi mɨ k'ɨ̃ria bɨpa mɨ pedea oo baipɨ. Mɨ Ak'õrepa ichi k'ɨ̃ria baipɨ. Maapae mɨ, mɨ Ak'õre ome ichimá chedaipɨ ichi ome ará p'ananai k'orea.

1 Corintio 10:21

Chi jaore mietaarã́ teada pasudepema mãrapa todaipɨra, chi Jesucristo oa k'ɨ̃risiadai k'orea pasudepema todaiwẽa p'anɨma. Chi jaore mietaarã́ chik'o teadadepema mãrapa k'odaipɨra, chi Tachi Chipari k'ɨ̃risiadai k'orea k'opataɨ k'odaiwẽa p'anɨma.

Ep'esio 2:22

Cristo ome p'anɨ pẽra mãra sida jõma ẽpẽrarã Tachi Ak'õrenepemarã paara, te aba bɨ jĩra p'anɨma. Mãɨ tede Tachi Ak'õre ichi Jaoredepa baparima.

Santiago 4:5

Tachi Ak'õrepa tachi sõne bɨda Jaorepa k'ɨ̃ria bɨma aba Tachi Ak'õret'u k'ɨ̃ria p'ananamẽrá. ¿Mãrapa k'ɨ̃risia p'anɨk'ãra Tachi Ak'õre pedeade ara ichi k'ɨ̃ría mãɨya bɨpisit'a?

Luca 5:36

Mãɨ awara Jesupa ãchiá nãɨya nepɨrɨsima jarateai k'orea: —Ẽpẽra abaɨ pida p'aru chiwidi k'õak'ari p'aru sorede wãak'ama. Mãɨya ooipɨra p'aru chiwidi ãriipɨ. Mãɨ awara chi p'aru chiwidi t'ɨɨda chi sore ome pia beeiwẽma.