2 Corintio 4:18 - Tachi Ak'õre Pedea

¹⁸ Mãɨ k'orea taupa unupataɨ taipa k'ɨ̃risia p'anɨwẽma, mãɨpari taupa ununak'aɨ k'ɨ̃risia p'anɨma. Tachi taupa unupataɨ isapea jõparima, maamina taupa ununak'aɨ jõk'ama.

2 Corintio 4:18 Referans Kwoze

2 Corintio 5:7

Tachi taupa unu p'anɨnepa nipadak'ama, mãɨpari Tachi Ak'õrene ĩjãa p'anɨnepa nipapatama.

Hebreo 11:1

Tachia Tachi Ak'õrene ĩjãa p'anɨ pẽra k'awa p'anɨma chi tachia ne nɨ p'anɨt'a piarã jitadaipɨ mãɨnepa chi tachia ne ununawẽa p'anɨt'a mãɨrã piarãpɨ.

1 Juan 2:25

Mãɨya ará p'anɨpɨra, Cristopa tachiá piarãpẽa jarasima ewaricha Tachi Ak'õre ome chok'ae p'ananait'a.

Hebreo 11:13

Mãɨrã ãarea Tachi Ak'õrene ĩjãa p'anɨ piusidama. Maamina Tachi Ak'õrepa teai jarada ãchia nãɨ ĩjũane jitadaé pasima. Maamina k'awasidama k'aadeapema ewaride ichia ãarea teait'a. Mãɨ k'orea arapaasidama mãɨnepa waapẽarã́ pia pedeasidama nãɨ ĩjũane ãchi tua awaraɨdepemarãt'a mãɨnepa tua awaraɨde p'ɨrrɨa bet'a.

Mateo 25:46

Maapae Tachi Ak'õrepa ãchi t'ɨpɨ tau urua k'iiwãk'á nɨbɨdea peek'oaipɨ, maamina chi jĩp'a berã ichi ome ateewãipɨ ewaricha chok'ae beadamẽrá.

2 Tesalonicense 2:16

Tachi Ak'õrepa tachi k'ɨ̃riasima. Ichi sõpiadepa sõpiapisima ewaricha mãɨya p'ananamẽrá. Mãɨnepa k'awapisima piarã ichidepa nepia atadait'a. Taipa k'ɨ̃ria p'anɨma Tachi Chipari Jesucristopa mãɨnepa Tachi Pajãnepema Ak'õrepa mãra sõpiapidait'a mãɨnepa chaarea bɨdait'a. Mãɨya mãrapa pedea p'anɨ mãɨnepa oo p'anɨ ãarea pia baipɨ.

Hebreo 9:11

Maamina Cristo tachi P'aare minachia k'awa bɨ pa basima, tachia nepia Tachi Ak'õrenepa teada uru p'ananamẽrá. Tachi Ak'õre te pajãne bɨde eda wãsima. Mãɨ te chi piipará bɨpɨ mãɨnepa chi atepe bɨpɨ. Ẽpẽerãpa mãɨ oodawẽma; nãɨ ĩjũanepemawẽma.