2 Corintio 3:9 - Tachi Ak'õre Pedea

⁹ Piarã mãɨ Moisepa bɨdapa ẽpẽrarã piudai p'anɨane a jara bɨmina minachia pia bɨma. Maamina Tachi Ak'õrepa pedea chiwidi bɨda atepe piipará bɨma. Mãɨpa k'awapi bɨma sãmaasã́ Tachi Ak'õrepa tachi nepɨra newẽa p'anɨane aparit'a.

2 Corintio 3:9 Referans Kwoze

2 Corintio 5:21

Cristopa nemietá ook'a pasima. Maamina tachi k'orea Tachi Ak'õrepa ichi nemietá ooparí jĩra unusima. Mãɨya Cristodepa Tachi Ak'õre jĩp'a bɨt'a waapẽarã́ p'ue unupipatama.

2 Pedro 1:1

Mɨ Simón Pedropɨ, Jesucristo pae pari mimiaparipɨ mãɨnepa ichia peedapɨ. Mɨa nãɨ k'art'a bɨruma chi Tachi Ak'õrene mãɨnepa Tachi K'aripaparí Jesucristode ĩjãapataɨrã pae. Ichi jĩp'a bɨ pẽra, mãra tai ome abarik'a pia ĩjãa p'anɨma.

P'ilipense 3:9

mãɨnepa ichi ome bai k'orea. Mɨ ichi ome bɨwẽma chi Moisepa bɨdadepa, mãɨpari mãɨya bɨma Cristopa ichi Ak'õre pedea ook'ari, tachi k'orea piuda pẽra. Mɨa Cristode ĩjãa bɨ pẽra, Tachi Ak'õrepa mɨ ichi ome uru bɨma.

Gálata 3:10

Moisepa bɨda oo p'anɨnepa chi Tachi Ak'õrené jĩp'a berã paara p'aneenai k'ɨ̃risia berã nepɨra pará p'anɨane a bɨma. Mãɨ Moisepa bɨdade nãɨya bɨ bɨma: «Nãɨ Moisepa bɨda jõma oowẽa be Tachi Ak'õrepa nepɨra pará p'anɨane aipɨ».

1 Corintio 15:41

Ɨmata auk'ará jẽrat'ĩuparima. Jedek'o k'ĩra awara auk'ará jẽrat'ĩuparima, mãɨnepa k'ãk'ãirã sida k'ĩra awara auk'ará jẽrat'ĩupatama. K'ãk'ãirã ãchi k'ak'awá auk'ará jẽrat'ĩupatama.

1 Corintio 1:30

Mãawẽa Tachi Ak'õrepa mãra Jesucristo ome ará bɨsima. Mãɨya Cristodepa Tachi Ak'õrepa ichi k'ɨ̃risia tachiá k'awapisima. Ichia tachi jĩp'a bɨsima, ara ichi pae pia bɨsima, mãɨnepa nemietaadepema k'aripasima.

Romano 4:11

Abrahanpa Tachi Ak'õrene ĩjãana pẽra, k'ak'ua tauchaawẽa badamina Tachi Ak'õrepa ichi nepɨra newẽa bɨade a jarasima. Mãɨ k'awapii k'orea Abrahanpa k'aadea ichi k'ak'ua tauchaasima. K'ak'ua tauchaawẽa berãpa Tachi Ak'õrene ĩjãanaipɨra, Abrahán ãchi ak'õrepɨ, abarik'a ĩjãa p'anɨnepa Tachi Ak'õrepa nepɨra newẽa p'anɨane a jara bɨ pẽra.