2 Corintio 12:11 - Tachi Ak'õre Pedea

¹¹ Mɨ k'ɨ̃risia newẽa bɨ jĩra ara mɨchi k'orea pia pedea bɨma, maamina mãrapuru mɨ mãɨya pedeapisidama. Mãrapa mɨ k'orea pia pedeadai p'anɨmina pia pedeadawẽa p'anɨma. K'ɨ̃risia p'anɨma jãɨrã Jesucristopa peedaɨrã apataɨrã chi atepe p'anɨt'a. Mɨ chi atepewẽmina ãchi k'aepẽra k'aepea bɨwẽma.

2 Corintio 12:11 Referans Kwoze

2 Corintio 11:5

Chi mãɨya jarateapataɨrã ¿mãramá Jesucristopa peedaɨrã chi atepe piipará p'anɨane a k'ɨ̃risiapatak'ãra? Mɨmá ãchi k'aepẽra mɨ mi ãpia pida ãpia bɨwẽma.

2 Corintio 11:1

Mɨ k'ɨ̃risia newẽa bɨ jĩra pedea bɨmina k'ɨ̃ria bɨma mãrapa mɨa pedea bɨ k'orea choadait'a. Mɨ chichupuria idiruma mɨa jara bɨ ũrit'ɨ.

Ep'esio 3:8

Jõma ẽpẽrarã Tachi Ak'õrenepemarã t'ãena mɨ k'aepe bɨmina, ichi sõpiadepa mɨt'u bɨsima judiorãwẽa chi Cristo k'orea nepia jõk'apɨ́ jarateamẽrá.

2 Corintio 12:12

Mɨ mãra t'ãena baside jõma oosima, Jesucristopa peedaɨrãpa oopata jĩra. Ãarea choa basima mãɨnepa ẽpẽerãpa ne p'ue oodak'apɨ́ waibɨa be oopachima.

2 Corintio 12:6

Piarã ara mɨchi k'orea pia pedea k'ɨ̃ria bɨpara mɨ k'ɨ̃risia newẽa bɨ jĩra pedeaé pasima, chi piarã pedea pedeai pasi pẽra. Maamina mɨa mãɨya pedeawẽma mi ãpia pida mɨ pia bɨt'a k'ɨ̃risiapidaemaapa. Mãɨpari mɨa k'ɨ̃ria bɨma mãrapa mɨ k'orea arí k'ɨ̃risiadait'a mɨa oo bɨt'a unu p'anɨ pẽra mãɨnepa mɨa jaratea bɨt'a ũri p'anɨ pẽra.

2 Corintio 1:6

Maamina tai mãɨya minachia mĩa p'anɨma mãra sõpiadamẽrá mãɨnepa nepɨradepema k'aripadamẽrá. Tachi Ak'õrepa tai sõpiapirude mãra sida taidepa sõpiapatama. Mãɨya mãra tai jĩra minachia mĩautade p'ue choadaipɨ.

1 Corintio 3:22

Mãrapa Apolo, Pedro mãɨnepa mɨ uru p'anɨma. Jõma nãɨ ĩjũane bɨ sida uru p'anɨma. Chi idiapaepema mãɨnepa chi nũpema sida uru p'anɨma. Tachi chok'ae p'ananaipɨra wa piudaipɨra Tachi Ak'õrenepa nejõma uru p'ananaipɨ pia p'ananai k'orea.

Luca 17:10

Ara mãɨ jĩra mãrapa oodai p'anɨ jõma oosidara nãɨya jaradai p'anɨma: “Tai pɨ pae pari mimiapataɨrã k'aepe k'edema; abapuru taipa oodai p'anɨt'a oosidama”.

1 Corintio 13:2

Mɨ Tachi Ak'õre pari pedeaipɨra, Tachi Ak'õrepa k'ɨ̃risia k'awapiwẽa bada jõma k'awa bɨpɨra, Tachi Ak'õre k'ɨ̃risia jõma k'awa bɨpɨra, mãɨnepa sõnepa piarã ĩjãa bɨdepa eya p'ue ãyá bɨipɨra, mãɨnepa waapẽarã k'ɨ̃riawẽa bɨpɨra, mãɨyara mɨ piawẽa bɨma.

2 Corintio 3:1

¿Mãɨ jara p'anɨnepa mãicha ara tai k'orea pia pedea p'anɨk'ãra? ¿Tai pia nipadada k'orea k'art'a mãrá ak'ɨpidai p'anɨk'ãra jarateadai k'orea? ¿Taipa mãrá k'art'a ididai p'anɨk'ãra jarateade wãnai k'orea waapẽarãpa oopata jĩra?

2 Corintio 5:13

Waapẽarãpa jara p'anɨma tai k'ĩra piawẽa p'anɨt'a. Tai mãɨya p'anɨpɨra, Tachi Ak'õrepa jara bɨ oodai k'orea mãɨya p'anɨma. Tai k'ĩrip'a p'anɨpɨra, mãra k'aripadai k'oreapuru mãɨya p'anɨma.

Gálata 6:3

Chi atepewẽa bɨpa ichi chi minachia k'awa bɨ jĩra k'ɨ̃risia bɨpɨra, ara ichi tuaba sea bɨma.