2 Corintio 12:10 - Tachi Ak'õre Pedea

¹⁰ Cristo k'orea minachia mĩa bɨde, ɨbɨwẽa bɨde, nenea bɨde, ẽpẽrarãpa k'achia pedea p'anɨne mãɨnepa piawẽa oodai k'orea ẽp'ẽ p'anɨne mɨ arapá bɨma. Piarã mɨ ɨbɨwẽa bɨde Cristodepa chaarea bɨma.

2 Corintio 12:10 Referans Kwoze

2 Corintio 12:9

Maamina ichia jarasima: «Mɨ sõpiadepa pɨ k'aripaipɨ jõma choa bamẽrá. Pɨ ɨbɨwẽa bɨde, mɨ jua chaarea atepe ɨbɨa baparima». Mɨ ɨbɨwẽa bɨde Cristo chaarea bapari pẽra mɨ ɨbɨwẽa bɨ k'orea arapaadepa pia pedeaipɨ.

Ep'esio 6:10

Mãɨ awara ũpẽarã, Tachi Chipari jua chaarea minachia bɨdepa chaarea p'anat'ɨ.

Romano 5:3

Mãɨ awara tachi minachia mĩa p'anɨne arapá p'anapatama k'awa p'anɨ pẽra makɨɨdepa pia choa k'awadait'a.

2 Corintio 13:4

Ichi ɨbɨwẽa bɨ jĩra k'urusude barijira bɨdaadamina Tachi Ak'õre chaareadepa chok'ae bɨma. Tai sida ɨbɨwẽa p'anɨma ichi ɨbɨwẽa bada jĩra, maamina ichi ome tai Tachi Ak'õre chaareadepa p'ananait'a mãrá unupidaipɨ.

Santiago 1:2

Ũpẽarã, ne wawariade mĩa p'anɨne minachia arapá p'anat'ɨ.

2 Corintio 6:4

Mãɨpari ne ãareaɨne unupi p'anɨma tai Tachi Ak'õre pae pari mimiapataɨrã. Minachia mĩa p'anɨne, nenea p'anɨne mãɨnepa nepɨrade p'anɨne jõma choa p'anɨnepa mãɨya unupi p'anɨma.

Hecho 5:41

Ara mãɨne Jesupa peedaɨrã chi judiorã chõarã ará p'anɨmãɨpa arapá wãsidama. K'awasidama Tachi Ak'õrepa ãchi pia unusit'a, Jesú t'ɨ̃ k'orea mĩasida pẽra.

2 Corintio 13:9

Mãrapa minachia ĩjãa p'anɨpɨra tai ɨbɨwẽa p'anɨmina arapá p'anɨma. Mãɨ awara taipa Tachi Ak'õrea ɨt'aa chiidi p'anɨma mãrapa jĩp'a oo p'ananamẽrá.

2 Corintio 1:4

Ne ãareaɨne minachia mĩa p'anɨne ichia tai sõpiapiparima waapẽarã minachia mĩa be sõpiapidamẽrá ichia tai sõpiapida jĩra.

Luca 6:22

»Pia p'anɨma ẽpẽrarãpa mɨ, chi Ẽpẽra Warra k'orea mãra unuemaautade, itu bɨutade, k'achia pedeautade mãɨnepa mãra sõk'achiade autade.

2 Corintio 5:15

Piarã Cristo jõmãɨrã k'orea piuk'ari chok'ae p'irabarisima tachi chok'ae berãpa ara tachia oo k'ɨ̃ria p'anɨ jĩra waa oopidaemaapa, mãɨpari ichia k'ɨ̃ria bɨ jĩra oo p'ananamẽrá.

2 Corintio 4:17

Tai ara nãɨena minachia mĩapatamina, mãɨ naa tai k'aripa bɨma chi Tachi Ak'õre k'ĩrawãrea pia bɨde ewaricha p'ananai k'orea. Mãɨ k'ĩrawãrea atepe pia baipɨ chi idiapae ãpia mĩapataɨ k'aepẽra.

Juan 15:21

Mãra mɨ k'orea mãɨya oodaipɨ ãchia chi mɨ Peeda atua p'anɨ pẽra.

1 Corintio 4:10

Ẽpẽrarãmá tai Cristo k'orea ne atua berã jĩra p'anɨpɨ mãɨnepa jua chaareawẽa berã jĩra p'anɨpɨ. Maamina Cristo ome p'anɨ pẽra machi chi minachia k'awa p'anɨ jĩra beayade apatama mãɨnepa chi jua chaarea p'anɨ jĩra beayade apatama. Ẽpẽrarãpa mãra k'orea pia pedea p'anɨma, maamina tai ununaemaa p'anɨma.

Apocalipsi 2:3

Mãra mɨ k'orea minachia mĩa p'anɨne jõma choa p'anɨma mãɨnepa sõ edá baedawẽa mɨ pae pia mimia p'anɨma.

2 Corintio 10:18

Abaɨpa ara ichi k'orea pia jaraipɨra, mãɨ jara bɨwẽma Tachi Chiparipa mãɨ ẽpẽra pia unu bɨt'a. Mãɨpari chi Tachi Chiparipa chi ẽpẽra pia bɨade a bɨt'a, mãɨt'u pia unu bɨma.

2 Tesalonicense 1:4

Mãɨ k'orea taipa ẽpẽrarã Tachi Ak'õrenepemarã p'anɨmá mãra k'orea arapá nepɨrɨpatama. Jarapatama ẽpẽrarãpa mĩapidai k'orea ẽp'ẽ p'anɨmina mãrapa wapida Cristode ĩjãa p'anɨ mãɨnepa minachia mĩa p'anɨmina jõma choa p'anɨ.

P'ilipense 1:29

Ichi piadepa mãra t'ɨ̃é pasima abapuru Cristode ĩjãa p'ananamẽrá, mãɨpari t'ɨ̃sima Cristo k'orea minachia mĩanamẽrá.

Colosense 1:24

Naapae mɨa mãra k'aripai k'orea minachia mĩa bɨmina arapá bɨma. Mãɨnepa Cristo k'orea wapida mĩai bɨ pẽra, minachia mĩa nipaipɨ jõma ichi ẽpẽrarã k'aripai k'orea.

2 Corintio 7:4

Mɨa mãrá piarã pedea bɨma mãɨnepa mãra k'orea mɨ arapá bɨma. Tai minachia mĩa p'anɨne mɨ mãra k'orea sõpia baparima mãɨnepa minachia arapá baparima.

2 Corintio 4:5

Ara tai k'orea jaratea p'anɨwẽma, mãɨpari jaratea p'anɨma Jesucristo jõmãɨrã Chiparit'a. Mãɨnepa taipa jara p'anɨma Jesú k'orea tai mãra pae pari mimiapataɨrãpɨ.

2 Corintio 5:20

Mãɨpuru Cristopa tai peesima ichi pari pedeadamẽrá. Taidepa Tachi Ak'õrepa mãrá t'ɨ̃ bɨma ichi ome pia p'ananamẽrá. Taipa Cristo t'ɨ̃nepa chichupuria idiutama: Tachi Ak'õre ome pia p'anat'ɨ.

2 Timoteo 3:11

mãɨnepa mɨ ẽp'ẽ p'anɨt'a minachia mĩapidai k'orea. Antioquiade, Iconio p'uurude mãɨnepa Listrade mɨ piawẽa oodai k'orea ẽp'ẽnana pɨa minachia k'awa bɨma. Mɨ minachia mĩasima. Maamina Tachi Chiparipa jõma mãɨnepema k'aripasima.