2 Corintio 11:10 - Tachi Ak'õre Pedea

¹⁰ Cristo mɨ sõne bɨ pẽra piarã jararuma: Mɨa mãranepema erreara jitawẽa bɨade arude, chi waapẽarã k'aepẽra atepe bɨ jĩra jara bɨma. Acaya tuadepemarãpa mi ãpia pida p'ue jaraiwẽma mɨa mãɨ k'orea pia pedeaiwẽa bɨt'a.

2 Corintio 11:10 Referans Kwoze

Romano 9:1

Mɨ Cristode pẽra piarã pedea jararuma. Sea jarawẽma. Tachi Ak'õre Jaorepa mɨ sõne nãɨ pedea piarã ara k'awapi bɨma.

Romano 1:9

Tachi Ak'õrepa k'ɨ̃ria bɨt'a ãarea mɨ sõnepa oo bɨma, chi pedea pia ichi Warra k'orea jaratea bɨ pẽra. Ichia k'awa bɨma mɨa ɨt'aa chiidirucha mãra k'orea ɨt'aa chiidiparit'a.

Hecho 18:12

Galión apataɨ Acaya ĩjũanepema chi chaarea bɨ beeside judiorãpa ará pedeadak'ari Pablo jitadak'ari, ichi mãɨ Galión k'ĩrari ateesidama.

2 Corintio 1:23

Mɨa Tachi Ak'õre k'ĩrari jararuma: Corinto p'uurudea wãwẽa bɨma mãra minachia ɨtɨarudepa sõp'uapiemaapa.

1 Timoteo 2:7

Mãɨ k'orea mɨ ichi pedea jaraparí bɨsima. Mɨ ichia peeda bɨsima piarã pedea ichide ĩjãanai p'anɨ k'orea judiorãwẽmá jarateade wãmẽrá. Mɨa piarã jara bɨma. Seawẽma.

1 Tesalonicense 2:10

Mãrapa k'awa p'anɨma, Tachi Ak'õre pida k'awa bɨma tai mãra chi Cristode ĩjãapataɨrã t'ãena pia, jĩp'a mãɨnepa nepɨra pará bɨade adawẽa nipasidama.

1 Tesalonicense 2:5

Mãrapa k'awa p'anɨma taipa seadepa mãra ẽpẽerã piade adaé pasima. Mãɨnepa erreara jɨrɨdayá seadepa jarateadaé pasima. Mãɨ Tachi Ak'õrepa k'awa bɨma.

Gálata 1:20

Tachi Ak'õre k'ĩrari mɨa mãrá jararuma: mɨa mɨ k'orea bɨrut'a seawẽma.

2 Corintio 12:19

¿Mãramá taipa mãɨya jara p'anɨk'ãra tai k'orea piawẽa k'ɨ̃risiapidaemaapa? Mãɨyawẽma. Ũpẽarã, tai Cristoderã pẽra Tachi Ak'õre k'ĩrari jõma mãɨ jara p'anɨma mãrapa pia ĩjãanamẽrá.

2 Corintio 11:31

Tachi Pajãnepema Chipari Jesú Ak'õrea ewaricha pia pedeadai p'anɨma. Ichia k'awa bɨma mɨa sea jarak'ama.

2 Corintio 11:12

Ara mɨchia oopari jĩra oopodoipɨ. Chi tai jĩra oo p'anɨane apataɨrãpa mãɨya pedeapatama waapẽarã k'aepẽra atepe p'anɨane a k'ɨ̃risia p'anɨẽra. Maamina mi ãpia pida p'ue jaradaiwẽma tai jĩra oo p'anɨt'a.

2 Corintio 10:15

Waapẽarãpa oodada k'orea ara tai k'orea pia pedeadak'ama ara taipa oodada jĩra. Mãɨpari taipa k'ɨ̃ria p'anɨma mãrapa Cristode pia ĩjãanait'a. Mãɨya taipa mãra tuade p'ue pia jarateadaipɨ ara Tachi Ak'õrepa oopi bɨ jĩra.

2 Corintio 9:2

mɨa k'awa bɨ pẽra mãrapa k'aripa k'ɨ̃ria p'anɨt'a. Mãɨ k'orea nãma Macedonia tuade mɨa ũpẽarã́ mãra k'orea pia pedeaparima. Mɨa ãchiá jarapachima warí ãyo pasiedapema mãra Acaya tuadepemarãpa k'aripadai k'orea p'anasit'a. Mãɨya ũrinana pẽra chok'ará ũpẽarã Macedonianepemarãpa abarik'a k'aripa k'ɨ̃ria p'anɨma.

2 Corintio 1:1

Mɨ Pablopɨ. Tachi Ak'õrepa k'ɨ̃riana pẽra mɨ Jesucristopa peedapɨ. Tachi ũpẽa Timoteo mɨ ome bɨma. Nãɨ k'art'a bɨruma ẽpẽrarã Tachi Ak'õrenepemarã Corinto p'uurudepemarã pae mãɨnepa jõma ichi ẽpẽrarã Acaya tuade be pae.

1 Corintio 16:15

Ũpẽarã, mãrapa k'awa p'anɨma Acaya tuade Estep'anapa mãɨnepa ichi ẽpẽrarã naa Jesude ĩjãanana mãɨnepa ãchia k'ɨ̃risia p'anɨ jõma ũpẽarã k'aripadai k'orea.

Romano 16:5

Mãɨnepa ũpẽarã ãchi tede chi ará nɨbapataɨrã́ pia p'anapadade a jara peet'ɨ. Mɨ ũpẽa minachia k'ɨ̃ria bɨ Ep'enetoa ara mãɨ jĩra jarat'ɨ. Acaya tuade ichia naa Jesucristode ĩjãasima.

Hecho 18:27

Mãɨya nak'ari Apolo Acaya tuadea wã k'ɨ̃ria basima. Mãɨpuru ũpẽarã Ep'esodepemarãpa ichi wãit'a pia bɨade asidama. K'art'a bɨsidama Jesude ĩjãapataɨrãpa ichi mãma “pɨ pia chesiade” adamẽrá. Acaya tuade cheside Apolopa ũpẽarã Tachi Ak'õre sõpiadepa Jesude ĩjãanana minachia k'aripasima.

Gálata 2:20

Mɨ Cristo ome ará k'urusude barijira bɨsidama. Mãɨpuru ara mɨnepa bɨwẽma, mãɨpari Cristot'a mɨ sõne bɨma. Nãɨ k'ak'uade chok'ae bɨmisa, mɨ Tachi Ak'õre Warra Jesudepa baipɨ. Ara mãɨ Jesupa ichi Ak'õrepa oopi bɨt'a oopachi pẽra, mɨ k'ɨ̃riasima mãɨnepa mɨ k'orea ara ichi itu peapisima.