2 Corintio 10:5 - Tachi Ak'õre Pedea

⁵ Jõma k'ɨ̃risia piawẽa be mãɨnepa chi tachi k'ak'ua atepe k'ɨ̃riapataɨ Tachi Ak'õre k'orea itu k'awapidak'aɨ, taipa mãɨ seat'a k'awapipatama. Ẽpẽrarãpa ãchi nek'ĩramá eda jɨ̃a nɨbɨuta jĩra taipa chi mãɨya k'ɨ̃risia be jĩp'a k'ɨ̃risiapipatama Cristode ĩjãanamẽrá.

2 Corintio 10:5 Referans Kwoze

Hebreo 4:12

Piarã Tachi Ak'õre pedea chok'ae bɨma mãɨnepa jua chaarea bɨma. Ichi pedea k'ĩruuparí nek'o k'ida ume era bɨ k'aepẽra p'eedea bɨma. Ichi pedeapa tachi k'ɨ̃risia mãɨnepa tachi sõpa oo k'ɨ̃ria bɨt'a ãarea pia k'awapiparima tachi k'ɨ̃risia, tachi jaore, tachi sõ sida eda k'õru jĩra.

Romano 7:23

Maamina k'ɨ̃risia awara pida mɨ sõne bɨma. Mãɨpa mɨ eda jɨ̃a nɨbɨ uru bɨ jĩra, mɨá nemietá oopiparima. Chi mɨa pia oo k'ɨ̃ria bɨt'a mãɨ k'ɨ̃risiapa itu oopii k'ɨ̃riak'ama, nepia ooi k'ɨ̃risia ome chõo bɨ jĩra.

Mateo 15:19

Ẽpẽra sõnepa nãɨ k'ɨ̃risia mietá cheparima: mĩa peai; k'ima awaraɨ ome k'ãii; nemietá awaraɨ ome oo bai; nechɨai; sea jarai; waapẽarã k'orea k'achia pedeai; jãkɨɨ ãarea k'ɨ̃risiai.

Romano 1:21

Ãchia Tachi Ak'õre k'awa p'anasidamina ichiá pia pedeadaé pasima mãɨnepa sõpia bɨade adaé pasima. Mãɨpari k'ɨ̃risia newẽa berã jĩra p'aneesidama. Mãɨya piawẽa k'ɨ̃risiadak'ari p'ãrione p'aneesidama.

1 Corintio 3:19

Tachi Ak'õremá, chi nãɨ ĩjũanepema k'ɨ̃risiat'a piawẽa bɨma. Tachi Ak'õre pedeade nãɨya bɨ bɨma: «Tachi Ak'õrepa chi nãɨ ĩjũane ne k'awa berã ara ãchi k'ɨ̃risiadepa k'awapiparima ne k'awa p'anɨwẽt'a».

1 Corintio 1:19

Tachi Ak'õre pedeade nãɨya bɨ bɨma: «Chi ãarea k'ɨ̃risia k'awa berã k'ɨ̃risiat'a mɨa piawẽa bɨ unupiipɨ. Chi k'ɨ̃risia k'awa berãpa oo k'ɨ̃ria p'anɨt'a itu oopiiwẽma».

Hebreo 5:9

Ne ãareaɨne arí ooda pẽra, chi ichi pedea ũriutarã ãarea k'aripaipɨ ewaricha chok'ae p'ananamẽrá.

1 Pedro 1:22

Chi piarã pedea oo p'anɨ pẽra mãra nemietaawẽa p'aneesidama. Mãɨpuru ũpẽarã piarã k'ɨ̃ria p'anɨma. Sõnepa piarã minachia chi k'ɨ̃ria p'anat'ɨ.

2 Tesalonicense 2:8

Maapaepuru chi ẽpẽra k'achia bɨpa unupiipɨ. Maamina Tachi Chipari Jesú k'ĩrawãrea achiterrea cherude ara pedearupa mãɨ ẽpẽra peaipɨ.

Luca 1:51

Tachi Ak'õrepa ichi jua chaareadepa ne waibɨa ook'oasima. Ara ãchi tuaba chi minachia k'awa k'ɨ̃risia berã ichia ãyá jĩichoapisima.

2 Tesalonicense 2:4

Mãɨ ẽpẽra k'achia bɨpa Tachi Ak'õre k'ɨ̃riawẽa baipɨ. Ichiaba jõmãɨrãpa nãɨ ĩjũanepema tachi ak'õreane apataɨ k'ɨ̃riawẽa baipɨ. Ichia ãarea mãɨ k'aepẽra chi atepe minachia k'awa bɨade aipɨ. Mãɨpuru Tachi Ak'õre te minachia bɨde suak'abari beek'ari ichit'a Tachi Ak'õreane aipɨ.

2 Corintio 9:13

Mãrapa k'aripa p'anɨnepa unupi p'anɨma chi pedea pia Cristo k'orea piarã ĩjãa p'anɨt'a. Sõpiadepa chi ũpẽarã́ tea p'anɨma mãɨnepa jõmãɨrã k'aripa p'anɨma. Mãɨ k'orea Tachi Ak'õrea pia pedeadaipɨ.

Romano 1:5

Jesucristodepa Tachi Ak'õrepa mɨ bɨsima ichia peeda bamẽrá. Ichidepa mãɨya bɨsima jõma tuachadepemarãpa Jesucristode ĩjãanamẽrá, ichi pedea oodamẽrá mãɨnepa ichiá pia pedeadamẽrá.

1 Pedro 1:2

Tachi Pajãnepema Ak'õrepa mãra jɨrɨ atasima ichia naenaena k'ɨ̃risia bada jĩra. Tachi Ak'õre Jaorepa mãra ichi pae bɨsima Jesucristode ĩjãanamẽrá mãɨnepa ichi oadepa Tachi Ak'õre k'ĩrari nemietá newẽa p'ananamẽrá. Mɨa k'ɨ̃ria bɨma Tachi Ak'õrepa ichi sõpiadepa mãra k'aripa bait'a mãɨnepa ne k'ɨ̃risiawẽa bapiit'a.

2 Corintio 11:20

Mãra ãchi pae pari mimiapataɨrã jĩra p'aneepiutade, mãra ik'á barik'outade, itu ne ãarea oopiutade, mãra k'aepẽra atepe p'anɨane a k'ɨ̃risiautade, mãɨyawẽpɨra mãra k'ĩtarramá p'eutade mãrapa itu mãɨya oopipatama.

P'ilipense 4:7

Mãɨpa Tachi Ak'õrepa mãra sõ mãɨnepa mãra k'ɨ̃risiat'a ne k'ɨ̃risiawẽa p'anapiipɨ Jesucristo ome p'anɨ pẽra. Mãɨ ne k'ɨ̃risiawẽa bait'a ẽpẽrarãpa ãchi tuaba p'ue k'awadaiwẽma.