2 Corintio 10:4 - Tachi Ak'õre Pedea

⁴ Taipa chõonai k'orea uru p'anɨt'a nãɨ ĩjũanepemawẽma, mãɨpari Tachi Ak'õre jua chaareadepa taipa jõma nãɨ ĩjũanepema k'ɨ̃risiapataɨ p'uepatama.

2 Corintio 10:4 Referans Kwoze

1 Corintio 2:5

Mãɨya mãrapa nãɨ ĩjũanepema k'ɨ̃risiadepa Jesucristode ĩjãanaé pasima, mãɨpari Tachi Ak'õre jua chaareadepa ĩjãasidama.

1 Timoteo 1:18

Mɨ warra Timoteo, mɨa Tachi Ak'õrepa naena jara peeda pɨ k'orea k'ɨ̃risiarude, pɨa ooi bɨt'a jara peeruma. Mãɨne Cristode ĩjãa bɨdepa mãɨnepa k'ɨ̃risia jĩp'a bɨdepa chi pedea piarã uru base waapẽarã t'ãena, papaká bɨ k'ĩruupari jĩra. Waapẽarãpa k'ɨ̃risia pia uru p'anana itu bɨdak'ari ãchia Cristode ĩjãa p'anɨ itu bɨsidama.

Romano 13:12

Nãɨ ewari mietá bɨ jõpodoma teamasi nɨbada ewaripodo jĩra. Mãɨpuru tachia nemietá itu bɨdak'ari pia oodai p'anɨma. Mãɨya nemietaadepema jõma ãyá p'ananaipɨ, papaká bɨpa ãst'á ichi ne jɨ̃parí chaarea bɨt'a jɨ̃ bɨ jĩra.

1 Tesalonicense 5:8

Mãɨt'u tachi chi ãst'aapema pẽra ẽrea p'ananai p'anɨma. Cristode ĩjãa p'ananai p'anɨma, waapẽarã k'ɨ̃ria p'ananai p'anɨma, mãɨnepa Tachi Ak'õrepa ɨtɨai pada k'aripait'a nɨ p'ananai p'anɨma. Mãɨya ara tachi pia ak'ɨ p'ananai p'anɨma, papaká bɨpa ichi poro ɨ̃rɨ ne chaarea jɨ̃pari jĩra, mãɨnepa k'ak'uade ne chaarea bɨ jɨ̃pari jĩra.

2 Corintio 4:7

Cristo k'orea pedea pia bɨt'a taipa uru p'anɨmina, nãɨ k'ak'ua ɨbɨwẽa bɨma. Chok'o jĩra ãrii bɨma. Mãɨpuru jõmãɨrãpa k'awa p'anɨma tai jua chaareadepa mãɨ pedea jaratea p'anɨwẽt'a, mãɨpari Tachi Ak'õre jua chaarea waibɨa bɨdepa jaratea p'anɨt'a.

Romano 6:13

Mãra k'ak'uá itu nemietá oopirãt'ɨ. Mãɨpari ara mãra Tachi Ak'õrea teat'ɨ. Mãra nemietaade piu p'anana Tachi Ak'õre pae chok'ae p'aneesidama. Mãɨpuru mãra k'ak'ua Tachi Ak'õrea teat'ɨ jĩp'a oodai k'orea.

2 Corintio 3:5

Taipa p'ue jaradawẽma ara tai tuaba Tachi Ak'õrepa oo bɨt'a p'ue oodait'a. Mãɨpari k'awa p'anɨma Tachi Ak'õrenepa jõma p'ue oodait'a.

Hebreo 11:30

Tachi Ak'õrene ĩjãa p'anana pẽra israel ĩjũanepemarã Jericó p'uuru audu ewari bari k'ak'o siete jũra wãutade mãɨ p'uuru ik'idá mawaradepa jũk'a bada ãarea baewãsima.

2 Timoteo 2:3

Pɨ Jesucristodé papaká bɨ pia pẽra mɨ jĩra mĩai k'orea base.

Hecho 7:22

Egitodepema ne k'awa berãpa Moisea ãchi k'ɨ̃risia k'awa bet'a ãarea jarateasidama. Mãɨya ichi k'ɨ̃risia k'awa bɨdepa pedeapachima mãɨnepa ne waibɨa oopachima.

2 Corintio 13:10

Mãɨ k'orea mãramá wãi naena mɨa nãɨ k'art'a tea peeipɨ. Mãrapa mãɨne bɨda ĩjãasidara mãramá cherude mɨa ɨtɨaiwẽma. Piarã Tachi Chiparipa mɨ chaareapié pasima mãra piawẽa p'ananamẽrá, mãɨpari mɨ bɨsima mãrapa pia ĩjãanamẽrá.

1 Corintio 9:7

¿Papaká bɨ ara ichi errearapa chõone wãparik'ãra? ¿Chi uva k'ãena uru bɨpa ichi uva jõiwẽk'ãra? ¿Chi oveja ak'ɨparipa oveja juba toiwẽk'ãra?

2 Corintio 10:8

Pia jaraideepara, Tachi Ak'õrepa taiyá oopi bɨ k'orea mɨa atepe pedea bɨmina mãɨ k'orea k'ĩra p'era bɨwẽma. Tachi Chiparipa taiyá mãɨya oopi bɨma mãrapa pia ĩjãanamẽrá. Ichia tai bɨé pasima mãrapa ĩjãapataɨ itu bɨdamẽrá.