2 Corintio 1:7 - Tachi Ak'õre Pedea

⁷ Taipa k'awa p'anɨma mãrapa Tachi Ak'õrene piarã minachia ĩjãa p'anɨ. K'awa p'anɨma mãra tai jĩra minachia mĩapatamina Tachi Ak'õrepa mãra tai jĩra sõpiapiparit'a.

2 Corintio 1:7 Referans Kwoze

Santiago 1:12

Abaɨpa nemietá ooi k'ɨ̃risiadepema choa bɨpɨra, Tachi Ak'õremá minachia pia bɨma. Jõma choak'ari Tachi Ak'õrepa poro jũra jɨ̃parí tearu jĩra, ichi ewaricha chok'ae bɨipɨ. Tachi Ak'õrepa jõma ichi k'ɨ̃ria berã́ piarãnepa mãɨya chok'ae bɨyade asima.

2 Timoteo 2:12

Tachi minachia mĩa p'anɨ choadaipɨra, ichi ome chi minachia k'awa p'anɨrã jĩra p'ananaipɨ. Tachia Cristo atua p'anɨane adaipɨra, ichia pida tachi atua bɨade aipɨ.

2 Corintio 12:20

Mɨa wap'ea bɨma mãramá wãk'ari mãra unuiwẽma mɨa k'ɨ̃ria bɨ jĩra. ¡Mãɨnepa mãrapa mɨ ununaiwẽma mãrapa k'ɨ̃ria p'anɨ jĩra, mãra ɨtɨai bɨdeepuru! Piarã mɨa wap'ea bɨma mãramá wãrune, unuipɨ mãra k'ĩruu pedea p'anɨt'a, waapẽarãpa ne uru be k'orea piawẽa p'anɨt'a, k'ĩruu p'anɨt'a, ara machi pia p'ananai k'orea jɨrɨ p'anɨt'a, waapẽarã k'orea k'achia pedea p'anɨt'a, waapẽarã k'orea sea jara p'anɨt'a, chi atepe bɨ jĩra k'ɨ̃risia p'anɨt'a mãɨnepa k'ĩruupik'a para p'anɨt'a.

2 Corintio 7:9

Maamina naapae mɨ arapá bɨma. Arapá bɨwẽma mãra sõp'uapida pẽra, mãɨpari arapá bɨma mãrapa nemietá oo p'anana sõp'uadepa itu bɨdak'ari mãicha Tachi Ak'õremá chesida pẽra. Piarã Tachi Ak'õrepa k'ɨ̃ria bɨ jĩra mãra sõp'ua p'anasidama. Mãɨya taipa ɨtɨadada k'orea mãra piawẽa p'aneenaé pasima.

1 Corintio 10:13

Edaɨde tachi sõnepuru k'ɨ̃risiapatama nemietá oodai k'orea, jõmãɨrãpa ãarea mãɨya k'ɨ̃risiapataɨ jĩra. Mãɨ p'ue choadaepɨra, Tachi Ak'õrepa tachiá mãɨya k'ɨ̃risiapiwẽma. Mãɨnepa tachia mãɨya k'ɨ̃risia p'aneeutade ichia k'aripaipɨ choadamẽrá, ichia jara bɨ jĩra ewaricha oopari pẽra.

Mateo 23:30

Mãɨne mãrapa jarapatama: “Tachi chõarãenapema ewaride p'ananapara, Tachi Ak'õre pari pedeapataɨrã k'aripa peadaiwẽ pasima”.

2 Timoteo 3:11

mãɨnepa mɨ ẽp'ẽ p'anɨt'a minachia mĩapidai k'orea. Antioquiade, Iconio p'uurude mãɨnepa Listrade mɨ piawẽa oodai k'orea ẽp'ẽnana pɨa minachia k'awa bɨma. Mɨ minachia mĩasima. Maamina Tachi Chiparipa jõma mãɨnepema k'aripasima.

Apocalipsi 1:9

Mɨ mãra ũpẽa Juanpɨ. Tachi Jesucristo ome p'anɨ pẽra mɨ mãra ome Tachi Ak'õre juadepemapɨ, mãra ome minachia mĩa bɨma, mãɨnepa mãra ome ãarea choa bɨma. Tachi Ak'õre pedea jaratea bɨ k'orea mãɨnepa chi Jesú pedea piarãane a bɨ k'orea mɨ chi p'usade ĩjũa ãpia p'ɨrra bɨ Patmodea ateepisidama.