2 Corintio 1:11 - Tachi Ak'õre Pedea

¹¹ Mãra pida tai k'orea Tachi Ak'õrea ɨt'aa chiidi p'anɨnepa k'aripa p'anɨma. Chok'araɨrãpa mãɨya ɨt'aa chiidi p'anɨ pẽra chok'araɨrãpa Tachi Ak'õrea sõpia bɨade adaipɨ ichi sõpiadepa tai k'aripa bɨ k'orea.

2 Corintio 1:11 Referans Kwoze

P'ilipense 1:19

mɨa k'awa bɨ pẽra mɨ nãmapema awara wãit'a, mãrapa Tachi Ak'õrea ɨt'aa chiidi p'anɨ pẽra mãɨnepa Jesucristopa teada Jaorepa k'aripa bɨ pẽra.

2 Corintio 4:15

Tai mãɨ ãarea minachia mĩa p'anɨma mãra pia p'ananamẽrá. Mãɨne Tachi Ak'õrepa ichi sõpiadepa ẽpẽrarã chok'ará k'ariparuma. Mãɨya chok'araɨrãpa ichiá pia bɨade adaipɨ mãɨnepa ichi k'orea pia jaradaipɨ.

Hecho 12:5

Pedro jɨ̃a uru p'anɨmisa ũpẽarãpa Tachi Ak'õrea minachia ɨt'aa chiidi p'anasidama ichi k'aripamẽrá.

Colosense 4:3

Tai k'orea ɨt'aa chiidit'ɨ Tachi Ak'õrepa eda wãpataɨ ewaru jĩra chi Cristo k'orea naena k'awapiwẽa bada itu jarateapimẽrá. Mãɨ jaratea bɨ k'orea mɨ eda jɨ̃a nɨbɨ uru p'anɨma.

Hebreo 13:18

Tai k'orea Tachi Ak'õrea ɨt'aa chiidit'ɨ. Tai ne ãareaɨne jĩp'a nipadai k'ɨ̃ria p'anɨma mãɨnepa k'awa p'anɨma nemietá oodawẽa p'anɨt'a.

P'ilemón 1:22

Mãɨ awara mɨa k'ɨ̃risia bɨma mãrapa Tachi Ak'õrea ɨt'aa chiidi p'anɨnepa mɨ eda serra uru p'anɨnepa awara wãit'a. Mãɨya mɨ mãramá p'ue wãipɨ. Mãɨpuru mɨ pae te yaa uru base.

2 Tesalonicense 3:1

Mãɨ awara ũpẽarã, tai k'orea Tachi Ak'õrea ɨt'aa chiidit'ɨ Tachi Chipari pedea tuacha isapea wãmẽrá mãɨnepa ẽpẽrarãpa mãɨ k'orea pia jaradamẽrá mãra t'ãena mãɨyana jĩra.

1 Tesalonicense 5:25

Ũpẽarã, tai k'orea Tachi Ak'õrea ɨt'aa chiidit'ɨ.

2 Corintio 9:14

Tachi Ak'õrepa ichi sõpiadepa mãra minachia k'aripasima ãchi k'aripadamẽrá. Mãɨpuru ãchia mãra minachia k'ɨ̃ria p'anɨnepa Tachi Ak'õrea mãra k'orea ɨt'aa chiidi p'ananaipɨ.