1 Timoteo 5:8 - Tachi Ak'õre Pedea

⁸ Abaɨpa ara ichi ẽpẽrarã mãɨnepa ichi tedepemarã sida k'aripak'á baipɨra, Tachi Ak'õre pedea itu bɨ bɨma. Cristode ĩjãanak'apɨɨrã k'aepẽra piawẽa oo bɨma.

1 Timoteo 5:8 Referans Kwoze

Gálata 6:10

Mãɨ k'orea tachia p'ue ooutacha, jõmãɨrã minachia k'aripadai p'anɨma. Chi Jesude ĩjãapataɨrãt'a mãɨya atepe k'aripadai p'anɨma.

2 Corintio 12:14

Mɨ mãramá wãi k'orea bɨma. Nãɨpa bari k'ak'o ũpea paipɨ. Maamina mɨa idiwẽma mãrapa k'aripadamẽrá. Mãrapa uru be jɨrɨ bɨwẽma, mãɨpari mãrat'u k'ɨ̃ria bɨma. Warra chak'erãpa ne yaadak'ama ãchi ak'õrea mãɨnepa naea ne teadai k'orea, mãɨpari chi ak'õrerãpa ne yaapatama ãchi warrarã́ teadai k'orea.

Tito 1:16

Ãchia jarapatama Tachi Ak'õre k'awa p'anɨt'a, maamina ãchia oo p'anɨnepa unupipatama ichi itu bɨ p'anɨt'a. Ãchi k'ɨɨrɨwẽa be mãɨnepa nepia oodai k'orea p'ananak'ama. Ãchia oopataɨ Tachi Ak'õrepa k'ɨ̃riak'ama.

Mateo 7:11

Mãra chi k'achia berãpa mãra warrarã́ nepia tea k'awa p'anɨpɨra, ¿mãra Ak'õre pajãne bɨpa chi idi p'anɨa nepia teaiwẽk'ãra?

2 Timoteo 3:5

Tachi Ak'õrene ĩjãapataɨrã jĩra p'ananaipɨ maamina itu bɨdaiwẽma Tachi Ak'õrepa ichi jua chaareadepa ãchi jĩp'a bɨmẽrá. Makɨɨrã ome ará barãse.

Apocalipsi 3:8

Nãɨya jara bɨma: »Mãrapa oo p'anɨt'a mɨa k'awa bɨma. ¡Ũrit'ɨ! Eda wãpataɨ mɨa mãra naa ewa nɨbɨsima. Mãɨ abaɨ pida p'ue serraiwẽma. Mãra ãpia chaareawẽa p'anɨmina mɨ pedea minachia ĩjãa p'anɨma. Mɨ itu bɨdawẽa p'anɨma.

Apocalipsi 2:13

»Mãrapa oo p'anɨt'a mɨa k'awa bɨma. Mãɨnepa k'awa bɨma ara mãra p'anapatamá tiore chi ichi suak'a beeparí auk'ará bɨde suak'abari bɨt'a. Maamina mãra mɨ paara wapida p'anɨma. Maamina chi tioredepemarãpa ũpẽa Antipa peasidaɨde mɨ k'orea piarã pedeada pẽra, mɨne ĩjãa p'anɨt'a itu bɨdaé pasima.

2 Pedro 2:1

Israel ĩjũanepemarã t'ãena Tachi Ak'õre pari pedeapataɨrã sea jarateapataɨrã pasima. Mãra t'ãena pida sea jarateapataɨrã pará p'ananaipɨ. Seadepa ãchia tachi o ãyá wãpiparii k'ɨ̃risiat'a, Tachi Ak'õre pedea jĩra jarateadaipɨ. Tachi Chipari Jesupa ãchi k'aripa bada waa k'aripawẽa beesiade adaipɨ. Mãɨ k'orea Tachi Ak'õrepa isapea ɨtɨaipɨ.

Juan 15:22

»Mɨa ãchiá jarateade chedawẽpara ãchia nemietá oodada k'orea nepɨrade p'aneenaiwẽ pasima. Maamina naapae mɨ pedea ũrinana pẽra p'ue jaradaiwẽma ãchia nemietá oodada k'orea “mãɨ atua p'anasiade” adait'a.

Juda 1:4

Mãɨya mɨa nãɨ bɨruma chi eda waapẽarã ũpẽarã jĩra berã chedak'ari mãra t'ãena eda p'anɨ pẽra. Mãɨ ẽpẽrarãpa seadepa jarateapatama Tachi Ak'õrepa ichi sõpiadepa tachi k'aripada pẽra tachi k'ak'uapa nemietá minachia oo k'ɨ̃ria bɨt'a p'ue oodai p'anɨt'a. Ãchia Tachi Chipari aba bɨ Jesucristot'a itu bɨpatama. Tãaraaenapemat'u eda bɨ basima Tachi Ak'õrepa ãchi ɨtɨait'a.

2 Corintio 6:15

¿Cristo sãmaasã́ tiore ome pia baima? ¿Cristode ĩjãa bɨ sãmaasã́ Cristode ĩjãak'apɨ́ ome pia nipaima?

Mateo 18:17

Wapida ãchia jarauta ichia ũri k'ɨ̃riawẽpɨra, Tachi Ak'õrene ĩjãapataɨrã́ ãarea ará t'ɨ̃k'ari, ãchiá mãɨ nepɨra jarase. Maamina Tachi Ak'õrene ĩjãapataɨrãpa jarauta ũri k'ɨ̃riawẽpɨra, ichi Tachi Ak'õre atua bɨ jĩra wa Romanepema pae erreara jɨrɨp'eparí jĩra itu bɨse.

1 Corintio 6:6

Maawẽapuru ũpẽa abaɨ chi ũpẽa ome k'ĩruu pedeadak'ari chi nãɨ ĩjũanepema nepɨra ak'ɨpataɨrãmá wãpatama. Piarã mãɨya oodaiwẽa p'anɨma, chi Tachi Ak'õrene ĩjãanak'apɨɨrã k'ĩrari k'ĩruu pedeapata pẽra.

2 Timoteo 2:12

Tachi minachia mĩa p'anɨ choadaipɨra, ichi ome chi minachia k'awa p'anɨrã jĩra p'ananaipɨ. Tachia Cristo atua p'anɨane adaipɨra, ichia pida tachi atua bɨade aipɨ.