1 Timoteo 5:5 - Tachi Ak'õre Pedea

⁵ P'ẽtã́ piarã ichi tuaba k'ɨrɨpa Tachi Ak'õret'u nɨparima. Ãst'á mãɨnepa teamasi Tachi Ak'õrea ɨt'aa chiidi baparima k'aripamẽrá.

1 Timoteo 5:5 Referans Kwoze

1 Timoteo 5:3

P'ẽtãarã chi k'aripadawẽa k'ede k'aripase.

Luca 2:37

Ichi p'ẽtã́ beeda ãyo 84 basima. Ewaricha ãst'á, teamasi pida Tachi Ak'õre te minachia bɨdea wãpachima Tachi Ak'õrea pia pedeai k'orea, Tachi Ak'õrene k'ɨ̃risiadayá nek'odak'apɨ́ ewaride ooi k'orea mãɨnepa Tachi Ak'õrea ɨt'aa chiidii k'orea.

1 Pedro 3:5

Ara mãɨ jĩra chõarãenapema wẽrarã Tachi Ak'õre pae beada mip'it'á p'anasima. Tachi Ak'õrepa ooi jarada ãchia sõnepa piarã ĩjãa p'anapachidama mãɨnepa ãchi k'ima pedea ũripachidama.

1 Timoteo 5:16

Cristode ĩjãa bɨ wẽrapa p'ẽtãarã ichi tiidapemarã k'aripai bɨma. Mãɨ p'ẽtãarã chi Cristode ĩjãapataɨrãpa k'aripadaiwẽa p'anɨma. Mãɨpari chi p'ẽtã́ piarã chichupuria berãt'u k'aripadai p'anɨma.

1 Corintio 7:32

Mɨa k'ɨ̃ria bɨma mãrapa nãɨ ĩjũa k'orea minachia k'ɨ̃risiapidaemaapa. Chi ɨmɨk'ĩra k'ima nea bɨpa pia k'ɨ̃risia baparima Tachi Chiparipa k'ɨ̃ria bɨ ooi k'orea. Tachi Chiparia arapaapii k'ɨ̃ria bɨma.

Luca 18:1

Jesupa nepɨrɨdepa jarateasima Tachi Ak'õrea sẽnawẽa ɨt'aa chiididai p'anɨ.

Ep'esio 6:18

Ewaricha ne ãarea k'orea Tachi Ak'õre Jaoredepa ɨt'aa chiidi p'anat'ɨ. Jõma ichi ẽpẽrarã k'orea tau pará, sẽnawẽa ɨt'aa chiidi p'anat'ɨ.

Luca 18:7

Tachi Ak'õrepa jɨrɨ atadaɨrãpa ãst'á mãɨnepa teamasi chichupuria idi p'anɨne ¿ichia jĩp'a oo bɨdepa k'aripaiwẽk'ãra? ¿Tãaraaik'ãra p'anooi k'orea?

1 Corintio 7:34

Mãɨya chi k'ima pará bɨpa k'ɨ̃risia ume uru baparima. Ara mãɨ jĩra chi wẽra k'ima uru bɨpa nãɨ ĩjũane ichi k'ima pia uru bai minachia k'ɨ̃risia baparima. Ichi k'ima arapaapii k'ɨ̃ria bɨma. Maamina chi wẽra k'ima nea bɨpa Tachi Chipari k'orea minachia k'ɨ̃risia baparima. Nãɨ k'ak'uade mãɨnepa jaorede Ichi pae pia ba k'ɨ̃ria bɨma.

Romano 1:12

Mɨa k'ɨ̃ria bɨma tachia abarik'a Cristode ĩjãa p'anɨnepa chi k'aripa p'ananaipɨ chaarea p'ananai k'orea.

Romano 1:5

Jesucristodepa Tachi Ak'õrepa mɨ bɨsima ichia peeda bamẽrá. Ichidepa mãɨya bɨsima jõma tuachadepemarãpa Jesucristode ĩjãanamẽrá, ichi pedea oodamẽrá mãɨnepa ichiá pia pedeadamẽrá.

Hecho 26:7

Piarã ãarea Israel doce warrarãnepa ununaanarãpa ĩjãa p'anɨma Tachi Ak'õrepa tachi chok'ae p'irabaripit'a. Mãɨpuru tachia ãst'á mãɨnepa teamasi Tachi Ak'õrea pia pedeapatama. Poro jũra jɨ̃parí jɨ̃ bɨ Agripa, mãɨ ĩjãa bɨ k'orea waapẽarã judiorãpa mɨ nepɨra pará bɨade a jara p'anɨma. »Tachi Ak'õrepa tachi chok'ae p'irabaripiit'a ĩjãa p'anɨpɨra ¿k'ãre k'orea ĩjãanawẽa p'anɨma ichia piu bada aba chok'ae p'irabaripisit'a? Mãɨya jarak'ari Agripá nepɨrɨsima:

Hecho 6:1

Mãɨ ewaride chi Jesude ĩjãapataɨrã minachia waripodosidama. Mãɨne chi judiorã griego pedeade pedeapataɨrãpa chi hebreo pedeade pedeapataɨrã k'orea k'ĩruu pedea p'aneesidama. Jarasidama ũpẽarãpa p'ẽtãarã ewaricha chik'o jedautade ãchi p'ẽtãarã k'aripadak'a pasit'a.

Hecho 9:39

Ara mãɨne Pedro ãchi ome wãsima. Chesidaɨde ichi chi te ɨt'aride aba k'ãipataɨmá ateewãsidama. Mãma p'ẽtãarã ãarea jẽa tuanasidama. Ãchia Pedroa chi Dorcapa p'aru k'osak'oa bada ak'ɨpisidama.

Hecho 9:41

Pedropa ichi juade jitak'ari bai nɨbeepisima. Maapae ũpẽarã mãɨnepa p'ẽtãarã t'ɨ̃k'oak'ari Dorca chok'ae p'irabarida ak'ɨpisima.

P'ilipense 4:6

Ne paritua k'orea minachia k'ɨ̃risiarãt'ɨ, mãɨpari Tachi Ak'õrea ɨt'aa chiidit'ɨ, ichiá chichupuria idit'ɨ, mãɨnepa nejõma k'orea pia bɨade at'ɨ.

1 Timoteo 2:1

Nãɨ pia jararuma: ẽpẽrarã ãarea k'orea tachia Tachi Ak'õrea chichupuria ididai p'anɨma, ichia k'aripamẽrá ɨt'aa chiididai p'anɨma mãɨnepa sõpia p'anɨane adai p'anɨma.

2 Timoteo 1:3

Ãst'á mãɨnepa teamasi mɨa Tachi Ak'õrea ɨt'aa chiidirude pɨ k'orea sõpia bɨade aparima. Tachi Ak'õrepa jara bɨt'a mɨa ooparima, mɨ chõarãenapemarãpa oodada jĩra. Mãɨ mɨ k'ɨ̃risiade mietá bɨwẽanepa ooparima.