1 Timoteo 4:8 - Tachi Ak'õre Pedea

⁸ Piarã tachi k'ak'ua chaareapidayá oo p'ananaipɨra, ara tachi k'ak'ua puru k'aripadaipɨ. Maamina Tachi Ak'õrepa oo k'ɨ̃ria bɨ oodaipɨra, mãɨpa tachi ne ãareaɨne k'aripaipɨ. Idiapae mãɨnepa k'aadeapema ewaride k'aripaipɨ.

1 Timoteo 4:8 Referans Kwoze

Mateo 6:33

Mãɨpuru k'ɨ̃riat'ɨ Tachi Ak'õrepa machi ichi juade ua bai ichidirã ome. Jĩrak'aua p'anat'ɨ ichia oopi bɨ oodai k'orea. Mãɨya mãra ne newẽa p'anɨ ichia ãarea teaipɨ.

1 Timoteo 6:6

Piarã tachia ne minachia uru p'anɨma jĩp'a ninanepa. Maamina, aba ara tachia nãɨ ĩjũane uru p'anɨnepa arapá p'anɨpɨra, mãɨya baipɨ.

1 Juan 2:25

Mãɨya ará p'anɨpɨra, Cristopa tachiá piarãpẽa jarasima ewaricha Tachi Ak'õre ome chok'ae p'ananait'a.

Marco 10:30

ichia ameena k'aepẽra nãɨ ewaride cien ataipɨ: te, ũpẽarã, ũpẽawẽra, nae, warrarã mãɨnepa ĩjũa. Ẽpẽrarãpa ichi piawẽa oodai k'orea ẽp'ẽnaipɨ maamina chi k'aadepema ewaride Tachi Ak'õre ome ewaricha chok'ae baipɨ.

Hebreo 13:9

Maamina chi eda waapẽarãpa ne wawaria piawẽa jarateapatama. Ãchirã́ itu seapirãt'ɨ. Mãrapa ne wawaria k'o p'anɨnepa wa nek'odawẽa p'anɨnepa k'aripak'ama. Chi mãɨya oo p'anɨrã pia p'anɨwẽma. Mãɨpari Tachi Ak'õrepa ichi sõpiadepa k'aripa bɨma mãrapa pia sõnepa ĩjãanamẽrá.

Apocalipsi 3:21

Mɨa nemietá p'ueda pẽra mɨ Ak'õre ome ichi suak'a beeparí auk'ará bɨde suak'abari beesima. Ara mãɨ jĩra nemietá p'uedaadarã mɨ suak'a beeparí auk'ará bɨde mɨ ome suak'abari beepiipɨ.

Tito 3:8

Mãɨ pedea piarã arí bɨ pẽra, mãɨne ĩjãanai p'anɨma. Mɨa k'ɨ̃ria bɨma pɨa mãɨ minachia jaratea bai Tachi Ak'õrene ĩjãa berãpa nejõma pia oo wãnamẽrá. Mãɨ pedea minachia pia bɨma. Jõmãɨrã k'aripaparima.

Apocalipsi 3:12

Nemietá p'uedaadá mɨa Tachi Ak'õre te jĩru jĩra bɨipɨ. Mãɨya mãɨ tedepema ãyá ewariaba pida wãnaiwẽma. Ãchi tau bɨɨrɨde mɨ Ak'õre t'ɨ̃ bɨipɨ ichidirã k'awapiyá. Ichiaba ãchi tau bɨɨrɨde mɨ Ak'õre p'uuru t'ɨ̃ bɨipɨ mãmanepemarã k'awapiyá. Mãɨ Jerusalén P'uuru chiwidi apataɨ pajãnepa mɨ Ak'õre bɨmãɨpa cheipɨ. Mãɨnepa ãchi tau bɨɨrɨde mɨ t'ɨ̃ chiwidi bɨipɨ mõré k'awapiyá.

1 Corintio 8:8

Maamina chi tachia nek'opataɨ k'orea Tachi Ak'õrepa tachi pia ak'ɨk'ama. Mãɨpuru tachia k'o p'anɨnepa wa k'odawẽ p'anɨnepa Tachi Ak'õre k'ĩrari pia p'ananaiwẽma.

Romano 8:28

Mãɨ awara Tachi Ak'õrepa k'ɨ̃risia bada jĩra chi ichi k'ɨ̃ria berã t'ɨ̃sima. Tachia k'awa p'anɨma mãɨrã pae Tachi Ak'õrepa ne ãareaɨne pia ooparit'a.

1 Corintio 3:22

Mãrapa Apolo, Pedro mãɨnepa mɨ uru p'anɨma. Jõma nãɨ ĩjũane bɨ sida uru p'anɨma. Chi idiapaepema mãɨnepa chi nũpema sida uru p'anɨma. Tachi chok'ae p'ananaipɨra wa piudaipɨra Tachi Ak'õrenepa nejõma uru p'ananaipɨ pia p'ananai k'orea.

Mateo 19:29

Mɨ k'orea abaɨpa ichi te, ũpẽarã, ũpẽawẽrarã, ak'õre, nae, k'ima, warrarã, ĩjũa ameeipɨra, ichia ameena k'aepẽra cien atepe unuipɨ, ichiaba Tachi Ak'õre ome ewaricha chok'ae baipɨ.

Mateo 12:32

Abaɨ pida mɨ, chi Ẽpẽra Warra k'achia pedeaipɨra Tachi Ak'õrepa mãɨ k'ɨ̃risia atuaipɨ. Maamina abaɨ pida Tachi Ak'õre Jaore k'achia pedeaipɨra, Tachi Ak'õrepa mãɨ k'ɨ̃risia atuaiwẽma. Nãɨ ewaride mãɨyawẽpɨra mãɨ ewari parude mãɨ k'achia pedea bada k'orea k'ɨ̃risia atuawẽa baipɨ.

1 Timoteo 4:7

Chõarãenapema nepɨrɨpataɨ piawẽa be itu bɨse. Tachi Ak'õrepa k'ɨ̃ria bɨ jĩra oo nipase.

1 Timoteo 6:3

Abaɨ pida k'ĩra awara jaratea baipɨra, Tachi Chipari Jesucristopa jĩp'a jarateada piawẽa bɨade aipɨra, mãɨnepa tachi jĩp'a nipadai k'orea pida k'ĩra awara jaratea baipɨra,

1 Timoteo 6:5

Mãɨ ẽpẽrarã k'ɨ̃risia mietá p'anɨ mãɨnepa chi piarã pedea atua p'anɨ paritua k'ĩruu pedeapatama. Ãchia k'ɨ̃risiapatama Tachi Ak'õrene ĩjãa bɨdepa erreara ununait'a.

2 Timoteo 3:5

Tachi Ak'õrene ĩjãapataɨrã jĩra p'ananaipɨ maamina itu bɨdaiwẽma Tachi Ak'õrepa ichi jua chaareadepa ãchi jĩp'a bɨmẽrá. Makɨɨrã ome ará barãse.

Luca 5:38

Mãɨpuru uvaba chiwidi ãnimara e ooda chiwidide t'ɨɨdai p'anɨma. Mãɨya umea tãaraa choadaipɨ.