1 Timoteo 4:7 - Tachi Ak'õre Pedea

⁷ Chõarãenapema nepɨrɨpataɨ piawẽa be itu bɨse. Tachi Ak'õrepa k'ɨ̃ria bɨ jĩra oo nipase.

1 Timoteo 4:7 Referans Kwoze

1 Timoteo 1:4

Ãchiá jarase chõarãenapema nepɨra k'orea mãɨnepa tachi chõarãenapemarã minachia nɨbasi t'ɨ̃ne minachia k'ɨ̃risiapidaemaapa. Mãɨpa k'ĩruu pedea tuaneepiparima. Tachi k'aripak'ama Tachi Ak'õrepa oopi bɨ oodamẽrá. Abapuru ichi pedeade ĩjãa p'anɨnepa p'ue oodaipɨ.

2 Timoteo 2:16

Tachi Ak'õre k'ĩrari chi piawẽa berãpa k'achia pedeapataɨ itu bɨse. Chi mãɨya berã Tachi Ak'õrenepema t'ɨmɨa wãpatama.

Tito 2:12

Mãɨpa tachiá k'awapi bɨma nejõma k'achia mãɨnepa nãɨ ĩjũanepemarãpa k'ɨ̃riapataɨ itu bɨdai p'anɨt'a. Mãɨnepa k'awapi bɨma tachi nãɨ ĩjũane p'anɨne k'ɨ̃risia piadepa tachi k'ak'ua jĩp'a ak'ɨ uru nipadai p'anɨt'a Tachi Ak'õrepa k'ɨ̃ria bɨ jĩra.

Tito 3:9

Maamina paritua pedea piawẽa bɨ k'orea k'ĩruu pedearãse. Ichiaba Moisepa bɨda k'orea k'ĩruu pedearãse. Mãɨnepa tachi chõarãenapemarã t'ɨ̃ jarateapataɨ itu bɨse. Jõma mãɨ piawẽa bɨ mãɨnepa mi ãpia pida k'aripak'ama.

Hebreo 5:14

Maamina chi chik'oara chõarã paepuru bɨma. Ãchia Tachi Ak'õre pedea jĩrak'aua k'ɨ̃risia p'anɨnepa k'awa p'anɨma k'ãret'u chi pia bɨt'a mãɨnepa k'ãret'u piawẽa bɨt'a.

2 Timoteo 2:23

K'ĩruu pedearãse chi arí k'ɨ̃risiadak'á berã ome, k'awa bɨẽra mãɨpa tachi k'ĩruupiparit'a.

2 Timoteo 4:4

Chi pedea piarãpẽa ũrinai itu bɨdak'ari, maapae chõarãenapema nepɨrade p'aneenaipɨ.

1 Timoteo 6:11

Maamina pɨa Cristode ĩjãa bɨ pẽra jõma mãɨnepema ãyá wãse. Jĩp'a nipase. Tachi Ak'õre ode wãse. Sõnepa piarã Cristode ĩjãa base. Jõmãɨrã k'ɨ̃ria base. Jõma choase. Mãɨ atepe k'awa bɨmina, jõmãɨrã ome sõpia base.

Hecho 24:16

Mãɨpuru mɨa ne ãarea ooparima Tachi Ak'õre k'ĩrari mãɨnepa ẽpẽerã k'ĩrari jĩp'a nipai k'orea.

1 Timoteo 6:20

Timoteo, jõma Tachi Ak'õrepa jara peeda minachia ak'ɨse. Chi Tachi Ak'õremá piawẽa bɨ k'orea pedeapataɨ itu bɨse. Mãɨnepa jõma k'ɨ̃risia Tachi Ak'õre pedea ome k'ĩra awara be itu bɨse. Waapẽarãmá mãɨ k'ɨ̃risia pia bɨma. Maamina pia bɨwẽma.

2 Timoteo 3:12

Piarã jõma Jesucristode ĩjãapataɨrã, Tachi Ak'õre k'ĩrari pia nipadai k'ɨ̃riapataɨrã, ẽpẽrarãpa piawẽa oodai k'orea ẽp'ẽnaipɨ.

1 Timoteo 3:16

Piarã Tachi Ak'õrepa mãɨ pedea k'awapida minachia pia bɨma: Cristo nãɨ k'ak'uade chesima. Tachi Ak'õre Jaorepa k'awapisima ichi jĩp'a bɨt'a. Tachi Ak'õrepa ɨt'aripa peedaɨrãpa ichi unusidama. Ũpẽarãpa ichi k'orea tua awaraɨdepemarãmá jarateasidama. Chok'araɨrãpa nãɨ ĩjũane ichide ĩjãasidama. Tachi Ak'õrepa ichi pajã k'ĩrawãrea bɨde mãicha ateewãsima.

1 Timoteo 2:10

Mãɨpari Tachi Ak'õre wap'ea be pẽra, wẽerãpa pia oo p'anɨnepa minachia k'ak'apia p'anɨ jĩra p'ananai p'anɨma.

1 Timoteo 1:9

Nãɨt'a k'awadai p'anɨma: Tachi Ak'õrepa mãɨ Moisepa bɨda teaé pasit'a chi jĩp'a be k'orea, mãɨpari teasima chi Tachi Ak'õrepa jara bɨ jĩra oodak'aɨrã k'orea, chi k'ɨɨrɨwẽa be k'orea, chi Tachi Ak'õre nea be k'orea, chi nemietá oo be k'orea, chi Tachi Ak'õre wap'eadak'á be k'orea, chi nãɨ ĩjũanepemarã jĩra p'anapataɨrã, chi ãchi ak'õre peapataɨrã k'orea, chi nae peapataɨrã k'orea, chi mĩa peapataɨrã k'orea,

1 Timoteo 4:8

Piarã tachi k'ak'ua chaareapidayá oo p'ananaipɨra, ara tachi k'ak'ua puru k'aripadaipɨ. Maamina Tachi Ak'õrepa oo k'ɨ̃ria bɨ oodaipɨra, mãɨpa tachi ne ãareaɨne k'aripaipɨ. Idiapae mãɨnepa k'aadeapema ewaride k'aripaipɨ.

1 Timoteo 6:3

Abaɨ pida k'ĩra awara jaratea baipɨra, Tachi Chipari Jesucristopa jĩp'a jarateada piawẽa bɨade aipɨra, mãɨnepa tachi jĩp'a nipadai k'orea pida k'ĩra awara jaratea baipɨra,

1 Timoteo 6:5

Mãɨ ẽpẽrarã k'ɨ̃risia mietá p'anɨ mãɨnepa chi piarã pedea atua p'anɨ paritua k'ĩruu pedeapatama. Ãchia k'ɨ̃risiapatama Tachi Ak'õrene ĩjãa bɨdepa erreara ununait'a.

2 Timoteo 3:5

Tachi Ak'õrene ĩjãapataɨrã jĩra p'ananaipɨ maamina itu bɨdaiwẽma Tachi Ak'õrepa ichi jua chaareadepa ãchi jĩp'a bɨmẽrá. Makɨɨrã ome ará barãse.