1 Timoteo 4:3 - Tachi Ak'õre Pedea

³ Ãchia wẽra itu atapidak'ama mãɨnepa chi chik'o be sida itu k'opidak'ama. Maamina Tachi Ak'õrepa ãarea teasima ichide ĩjãapataɨrãpa, chi piarã pedea k'awa berãpa ichiá sõpia p'anɨane adak'ari k'odamẽrá.

1 Timoteo 4:3 Referans Kwoze

1 Timoteo 4:4

Nejõma Tachi Ak'õrepa ook'oada pia bɨma. Mãɨpuru Tachi Ak'õrea sõpia p'anɨane adaipɨra mi ãpia pida tachia p'ue k'odai p'anɨnepema abaɨ pida p'ue k'owẽa beeyade aiwẽa bɨma.

Hebreo 13:4

Ãareaɨrãpa ãchi k'ima ome pia p'ananai k'orea minachia k'ɨ̃risiat'ɨ. Tachi k'ak'uadepa nemietá oopataɨ mãɨnepa k'ima awaraɨ ome k'ãipataɨ Tachi Ak'õrepa ɨtɨai pẽra abapuru mãra k'ima ome k'ãinai p'anɨma.

Romano 14:6

Chi mimianak'apɨ́ ewari ak'ɨ bɨpa Tachi Chipari pae mãɨya oo bɨma. Chi nejõma k'oparipa mãɨya k'oparima Tachi Chipari wap'ea bɨ pẽra. Mãɨ k'orea nek'orude ichia Tachi Ak'õrea sõpia bɨade aparima. Mãɨnepa chi nejõma k'ok'apɨɨpa mãɨya k'ok'ama Tachi Chipari wap'ea bɨ pẽra. Mãɨ k'orea nek'orude ichia pida Tachi Ak'õrea sõpia bɨade aparima.

Colosense 2:16

Mãɨpuru mãrapa k'opataɨ k'orea mãɨnepa topataɨ k'orea ẽpẽrarãpa k'achia pedeadaipɨra, ãchi pedea ĩjãarãt'ɨ. Mãrapa arapaapataɨ ewari ak'ɨdak'a, jedek'o chiwidi ak'ɨdak'a mãɨnepa mimianak'apɨ́ ewari ak'ɨdak'a k'orea ãchia k'achia pedeadaipɨra, ĩjãarãt'ɨ.

1 Corintio 8:8

Maamina chi tachia nek'opataɨ k'orea Tachi Ak'õrepa tachi pia ak'ɨk'ama. Mãɨpuru tachia k'o p'anɨnepa wa k'odawẽ p'anɨnepa Tachi Ak'õre k'ĩrari pia p'ananaiwẽma.

Colosense 3:17

Mãra pedeautade mãɨnepa ne ooutade jõma oot'ɨ Tachi Chipari Jesupa k'ɨ̃ria bɨ jĩra. Ichidepa Tachi Pajãnepema Ak'õrea sõpia bɨade at'ɨ.

1 Corintio 7:28

Maamina k'ima ataipɨra nemietaawẽma. Wẽrapa k'ima ataipɨra nemietaawẽma. Maamina chi k'ima ataru nãɨ ĩjũane minachia mĩa baipɨ. Mãra mãɨya minachia mĩa p'ananait'a mɨa k'ɨ̃riawẽa bɨma.

Romano 14:3

Maamina chi nejõma k'oparipa chi nejõma k'ok'apɨ́ itu bɨiwẽa bɨma. Mãɨnepa nejõma k'ok'apɨɨpa chi nejõma k'oparí k'achia pedeaiwẽa bɨma, umea Tachi Ak'õrepa jɨrɨ atada pẽra.

Hebreo 13:9

Maamina chi eda waapẽarãpa ne wawaria piawẽa jarateapatama. Ãchirã́ itu seapirãt'ɨ. Mãrapa ne wawaria k'o p'anɨnepa wa nek'odawẽa p'anɨnepa k'aripak'ama. Chi mãɨya oo p'anɨrã pia p'anɨwẽma. Mãɨpari Tachi Ak'õrepa ichi sõpiadepa k'aripa bɨma mãrapa pia sõnepa ĩjãanamẽrá.

1 Timoteo 2:4

Ichia k'ɨ̃ria bɨma jõmãɨrãpa chi piarã pedea k'awadak'ari, k'achiadepema k'aripait'a.

1 Corintio 6:13

Mãɨnepa waapẽarãpa jarapatama: «Chik'o tachi bi pae bɨma, mãɨnepa tachi bi chik'o pae bɨma». (Mãɨya bɨmina Tachi Ak'õrepa mãɨ umea jõpiipɨ). Maamina tachi k'ak'ua bɨwẽma nemietá oo bamẽrá, mãɨpari Tachi Chipari pae bɨma. Mãɨnepa Tachi Chipari tachi k'ak'ua ak'ɨi k'orea bɨma.

Romano 14:17

Tachi Ak'õrepa ichi juade p'anɨrã́ jarak'ama k'ãre k'odai p'anɨt'a mãɨnepa k'ãre todai p'anɨt'a. Mãɨpari k'ɨ̃ria bɨma ãchia ichi Jaoredepa jĩp'a oo p'ananait'a, ne k'ɨ̃risiawẽa p'ananait'a mãɨnepa arapá p'ananait'a.

Mateo 15:36

Mãɨ p'ana siete bada mãɨnepa beta ichi juade atak'ari Tachi Ak'õrea sõpia bɨade asima. Mãɨyak'ari beta mãɨnepa p'ana t'oet'aak'ari ichi ome p'ɨrrɨapataɨrã́ teasima jedadamẽrá. Maapae jedasidama.

Mateo 14:19

Maapae ẽpẽrarã́ jarasima p'ũajãrane suak'abari p'aneenamẽrá. Mãɨ p'ana joesoma p'anɨ mãɨnepa beta ume p'anɨ ichi juade atak'ari pajãnea ak'ɨk'ari Tachi Ak'õrea sõpia bɨade asima. Maapae p'ana t'oet'aak'ari ichi ome p'ɨrrɨapataɨrã́ teasima jeda k'odamẽrá.

Hecho 27:35

Mãɨya jarak'ari Pablopa p'ana juade atak'ari ãareaɨrã k'ĩrari Tachi Ak'õrea sõpia bɨade asima. Maapae p'ana t'oet'aak'oak'ari k'osima.

Juan 6:23

Mãɨne waapẽarã p'ãp'orro Tiberia p'uurudepa chesidama chi Jesupa Tachi Chiparia sõpia bɨade ak'ari ẽpẽerã́ p'ana k'opidamá.

Luca 24:30

Nek'outade Jesupa p'ana atak'ari Tachi Ak'õrea pia jarasima. T'oet'aak'ari ãchiá teasima.

Mateo 15:11

Tachia chik'o k'odada k'orea tachi mietá p'aneenak'ama Tachi Ak'õre k'ĩrari. Mãɨpari tachi it'aedepa pedea bɨpa Tachi Ak'õre k'ĩrari mietá bɨparima.

1 Timoteo 5:14

Mãɨ k'orea mɨa k'ɨ̃ria bɨma p'ẽtã́ wapida warra be k'ima atadait'a, warra t'õnait'a, mãɨnepa ãchi te sida pia ak'ɨdait'a. Mãɨya tachi nek'ĩramaapa p'ue piawẽa pedeaiwẽma.