1 Timoteo 4:16 - Tachi Ak'õre Pedea

¹⁶ Ara pɨchi k'orea mãɨnepa pɨa jaratea bɨ k'orea jĩrak'aua base. Jõma makɨɨ jĩp'a oo nipase. Mãɨya oo baipɨra pɨ k'aripaipɨ. Pɨa jaratea bɨ ũri p'anɨrã sida k'aripadaipɨ.

1 Timoteo 4:16 Referans Kwoze

Tito 1:9

Chi piarã pedea ichiá jarateadada minachia ĩjãa bai bɨma. Mãɨya ichia piarã pedea jĩp'a jaratea bɨdepa ẽpẽrarã p'ue k'aripaipɨ pia ĩjãanamẽrá, mãɨnepa chi piarã pedea piawẽa bɨade apataɨrã́ p'ue k'awapiipɨ ãchia piawẽa k'ɨ̃risia p'anɨ.

Tito 2:7

Jõma pia oo bɨdepa jõmãɨrã́ unupi base sãmaasã́ nipadai p'anɨ. K'ɨ̃risia piadepa jĩp'a jaratea base.

2 Timoteo 4:2

Tachi Ak'õre Pedea jaratea base. Ẽpẽrarãpa ũri k'ɨ̃ria p'anɨne mãɨnepa ũri k'ɨ̃riawẽa p'anɨne jarateai k'orea base. Piawẽa oo be jĩp'a oo k'awapise. Nemietá oo be ɨtɨase. Mãɨnepa ũpẽarã k'aripase pia ĩjãanamẽrá. Jõma choa bɨdepa, jĩrak'aua jaratea bɨdepa mãɨya oose.

Ep'esio 4:14

Mãɨyara waa warra chak'e jĩra p'ananaiwẽma. Warra chak'epa paritua pedeauta ĩjãaparima. Mãɨ awara ẽpẽrarã sea k'awa berãpa jaratea p'anɨnepa seade ĩjãapipatama nãupa japa ãyá ateeru jĩra. Maamina tachi mãɨ japa jĩra p'ananaiwẽma.

Hebreo 13:9

Maamina chi eda waapẽarãpa ne wawaria piawẽa jarateapatama. Ãchirã́ itu seapirãt'ɨ. Mãrapa ne wawaria k'o p'anɨnepa wa nek'odawẽa p'anɨnepa k'aripak'ama. Chi mãɨya oo p'anɨrã pia p'anɨwẽma. Mãɨpari Tachi Ak'õrepa ichi sõpiadepa k'aripa bɨma mãrapa pia sõnepa ĩjãanamẽrá.

Hebreo 12:15

Jĩrak'aua p'anat'ɨ chi Tachi Ak'õrepa ichi sõpiadepa k'aripa bɨt'a mi ãpia pida itu bɨpidaemaapa. Mãɨnepa jĩrak'aua p'anat'ɨ mãra paara mi ãpia pida ẽpẽra pak'uru k'arra asia bɨ jĩra bɨt'a p'anapidaemaapa. Mãɨpa ũpẽarã́ piawẽa k'ɨ̃risiapik'ari mietá oopiparima.

2 Timoteo 3:14

Maamina pɨá jarateadada k'awada chi piarãt'a k'ɨ̃risia bɨ pẽra mãɨne nipase. Pɨa k'awa bɨma pɨá jarateadaadapa jĩp'a jarateasidaɨt'a.

Luca 21:34

»Jĩrak'aua p'anat'ɨ Tachi Ak'õre itu bɨdaemaapa. It'ua to p'anarãt'ɨ, ne k'ɨ̃risiawẽa p'anat'ɨ mãɨnepa tachi k'ak'uapa oo k'ɨ̃ria bɨ oorãt'ɨ. Jĩrak'aua p'ananaepɨra, ãnimara k'idap'ede baepari jĩra, mãɨ jĩra mãra atua p'anɨne mɨ mãicha cheipɨ. Mãɨ ewari cherude nãɨ ĩjũanepemarã ãarea sõ pará p'ananaipɨ.

1 Timoteo 4:6

Timoteo, pɨa jõma mãɨ ũpẽarã́ jaratea baipɨra, Jesucristo pae pari mimiaparí pia baipɨ. Tachi Ak'õre chi piarã pedea tachia ĩjãa p'anɨ ĩjãapodoutadepa pɨ jaore chaarea wari baipɨ, pia nek'o bɨ jĩra.

1 Timoteo 1:3

Mɨa pɨá chichupuria idida jĩra Macedonia tuadea wãside, aba mãicha jararuma: Ep'esode beese, chi ne awara jarateapataɨrã́ waa jarateapidaemaapa.

Romano 16:17

Ũpẽarã, mɨa mãrá chichupuria idiruma jĩrak'aua p'ananamẽrá. Chi eda waapẽarãpa ũpẽarã́ ne awara awará k'ɨ̃risiapipatama. Chi mãrapa piarã pedea k'awadada ãchia k'ĩra awara jarateapatama. Mãɨ ẽpẽrarã ome ará p'anarãt'ɨ.

2 Timoteo 2:10

Mãɨ k'orea mɨa jõma choa bɨma Tachi Ak'õrepa jɨrɨ atada ẽpẽrarã k'aripai k'orea. Mãɨya Tachi Ak'õrepa ãchi sida Jesucristodepa k'aripaipɨ, ewaricha ichi pia bɨdepema uru p'ananamẽrá.

1 Corintio 9:27

Mãɨpari mɨ k'ak'ua chaarea oopi bɨ jĩra mãɨnepa mɨ k'ak'uapa ooemaa bɨt'a mɨa oopi bɨ jĩra, mãɨya jõma oopi bɨma Tachi Ak'õrepa teai jarada jitai k'orea. Mãɨya ooepɨra, mɨa ẽpẽrarã́ jaratea badamina Tachi Ak'õrepa teai jarada p'ue jitaiwẽma.

Hecho 6:4

Mãɨya taipa p'ue pia Tachi Ak'õrea ɨt'aa chiidi p'ananaipɨ mãɨnepa ichi pedea jara p'ananaipɨ.

Marco 13:9

»Jĩrak'aua p'anat'ɨ. Mãra chi ak'ɨpataɨrãmá ateewãnak'ari maapae judiorã ará pedeapataɨ tede soapa p'edaipɨ. Mɨne ĩjãa p'anɨ k'orea ãchia mãra chi poro chaarearã k'ĩrari mãɨnepa chi poro jũra jɨ̃parí jɨ̃ p'anɨrã k'ĩrari ateewãnaipɨ. Mãɨne mãrapa mɨ k'orea ãchi k'ĩrari pedeadaipɨ.

Tito 2:15

Jõma mãɨ jaratea base. K'aripase ũpẽarãpa mãɨ pedea oodamẽrá. Piawẽa oo be ɨtɨase, Tachi Ak'õrepa pɨ bɨda pẽra mãɨya oomẽrá. Ũpẽarã́ pɨ k'ɨ̃rianawẽa uru p'anɨpirãse.

Colosense 4:17

Ũpẽa Ark'ipoa jarat'ɨ: «Tachi Chiparipa oopi bɨ ãarea oo base».

1 Corintio 9:22

Chi ũpẽarã chi piarãpẽa pedea ãpia k'awa k'ede t'ãena bɨde ãchi jĩra baparima mɨnepa Jesucristo k'orea pia k'awadamẽrá. Mɨ wãrucha ẽpẽrarã t'ãena bɨde ãchi jĩra baparima mɨnepa waapẽarãpa Cristode ĩjãanak'ari mɨa ãchi nemietaadepema k'aripamẽrá.

Romano 11:14

Mɨa judiorãwẽa jaratea bɨdepa k'ɨ̃ria bɨma mɨ ẽpẽrarã judiorã pida mãɨ pedea ũri k'ɨ̃rianait'a, jiwá p'anɨ jĩra. Mãɨya Tachi Ak'õrepa eda ãchidiidepema k'aripaipɨ.

Romano 2:7

Chi eda waapẽarãpa pia oo p'anɨma Tachi Ak'õrepa ãchi pia unumẽrá, pia jaramẽrá mãɨnepa ewaricha ãchi ome chok'ae bamẽrá. Mãɨrã piarã chok'ae p'anapiipɨ.

Hecho 26:22

Maamina Tachi Ak'õrepa mãɨ ewaridepa mɨ k'aripa bɨ pẽra mɨa chi minachia k'awa p'anɨa mãɨnepa chi minachia k'awawẽa p'anɨa wapida Jesú k'orea pedea bɨma. Tachi Ak'õre pari pedeapataɨrãpa mãɨnepa Moisepa k'ãre baeit'a jarasidama. Mãɨt'a mɨa jara bɨma.

P'ilemón 1:19

Ara mɨ juapa nãɨya bɨruma: ichi tee pará bada mɨa teaipɨ. ¡K'ɨ̃risiase, mɨnepa Cristode ĩjãana pẽra pɨa mɨá tee pará bɨt'a!

1 Tesalonicense 2:16

Taipa jarateadai p'anɨne judiorãwẽmá Tachi Ak'õrepa k'aripamẽrá, ãchia itu jarateapidaemaa p'anasidama. Mãɨya nemietá atepe oo p'anɨ pẽra Tachi Ak'õrepa ichi k'ĩruu bɨdepa ãchi minachia ɨtɨaipɨ.

1 Corintio 1:21

Tachi Ak'õrepa ichi k'ɨ̃risiadepa oodadepa, ara ichi k'awapi bɨma. Maamina nãɨ ĩjũanepemarãpa ara ãchi k'ɨ̃risiadepa ichi k'awadak'ama. Ara mãɨ taipa jarateapataɨ k'ɨ̃risia newẽa bɨ jĩra bɨmina, Tachi Ak'õremá pia basima, mãɨnepa jõma chi ichide ĩjãauta k'aripait'a.

1 Timoteo 4:15

Jõma mãɨ k'ĩra jĩp'a oo base jõmãɨrãpa k'awadamẽrá pɨa ewaricha pia oopodorut'a.