1 Timoteo 4:13 - Tachi Ak'õre Pedea

¹³ Mɨ jãmá wãrumisa, jõmãɨrã k'ĩrari Tachi Ak'õre pedea jĩk'ua eda jarapariese, jarateapariese, mãɨnepa ũpẽarã k'aripapariese pia ĩjãanamẽrá.

1 Timoteo 4:13 Referans Kwoze

Hecho 6:4

Mãɨya taipa p'ue pia Tachi Ak'õrea ɨt'aa chiidi p'ananaipɨ mãɨnepa ichi pedea jara p'ananaipɨ.

Tito 2:15

Jõma mãɨ jaratea base. K'aripase ũpẽarãpa mãɨ pedea oodamẽrá. Piawẽa oo be ɨtɨase, Tachi Ak'õrepa pɨ bɨda pẽra mãɨya oomẽrá. Ũpẽarã́ pɨ k'ɨ̃rianawẽa uru p'anɨpirãse.

2 Timoteo 4:2

Tachi Ak'õre Pedea jaratea base. Ẽpẽrarãpa ũri k'ɨ̃ria p'anɨne mãɨnepa ũri k'ɨ̃riawẽa p'anɨne jarateai k'orea base. Piawẽa oo be jĩp'a oo k'awapise. Nemietá oo be ɨtɨase. Mãɨnepa ũpẽarã k'aripase pia ĩjãanamẽrá. Jõma choa bɨdepa, jĩrak'aua jaratea bɨdepa mãɨya oose.

1 Timoteo 4:16

Ara pɨchi k'orea mãɨnepa pɨa jaratea bɨ k'orea jĩrak'aua base. Jõma makɨɨ jĩp'a oo nipase. Mãɨya oo baipɨra pɨ k'aripaipɨ. Pɨa jaratea bɨ ũri p'anɨrã sida k'aripadaipɨ.

1 Timoteo 4:6

Timoteo, pɨa jõma mãɨ ũpẽarã́ jaratea baipɨra, Jesucristo pae pari mimiaparí pia baipɨ. Tachi Ak'õre chi piarã pedea tachia ĩjãa p'anɨ ĩjãapodoutadepa pɨ jaore chaarea wari baipɨ, pia nek'o bɨ jĩra.

Hecho 17:11

Berea p'uurudepema judiorã Tesalónica p'uurudepemarã jĩra p'ananaé pasima. Mãɨpari Jesú k'orea ũri k'ɨ̃ria p'anasidama. Ewaricha Tachi Ak'õre pedea minachia jĩrak'aua ak'ɨpachidama ãchia jara p'anɨt'a piarã k'awadai k'orea.

Juan 5:39

Mãrapa Tachi Ak'õre pedea pia unupatama, mãɨnepema Tachi Ak'õre ome ewaricha chok'ae p'ananait'a k'ɨ̃risia p'anɨ pẽra. ¡Mãɨ k'art'ade mɨ k'orea pedea bɨma!

1 Corintio 14:26

Mãɨ k'orea ũpẽarã, ¿sãmaasã́ arí oodaima? Mãra ará jere nɨbeeutade abaɨpa Tachi Ak'õre pedeadepema k'aripataɨ k'arii bɨma, abaɨpa Tachi Ak'õre pedea jarateai bɨma, abaɨpa Tachi Ak'õrepa unupida jarai bɨma, abaɨpa tachia ũrinak'apɨ́ pedeade pedeai bɨma, mãɨnepa abaɨpa mãɨ pedeada k'awa jarai bɨma. Maamina jõma mãɨ oodai p'anɨma ũpẽarãpa pia ĩjãanamẽrá.

1 Corintio 14:3

Maamina chi Tachi Ak'õre pari pedea bɨpa ẽpẽrarã́ pedea bɨma pia ĩjãanamẽrá, chaarea p'ananamẽrá, mãɨnepa sõpiadamẽrá.

1 Corintio 14:6

Mãɨ k'orea ũpẽarã, mɨ mãramá wãk'ari tachia ũrinak'apɨ́ pedeade pedeaipɨra, ¿mãra sãmaasã́ k'aripaima? K'aripaiwẽma. Maamina tachia ũripataɨ pedeade Tachi Ak'õrepa mɨá unupida jaraipɨra, wa Tachi Ak'õre k'ɨ̃risiadepa pedeaipɨra, wa Tachi Ak'õre pari pedeaipɨra, wa Tachi Ak'õre pedea jarateaipɨra mãɨpa ãarea p'ue k'aripaipɨ.

Romano 12:8

Chi tearua teasima ũpẽarã k'aripa p'anɨnepa pia ĩjãanamẽrá. Mãɨya teasipɨra, ũpẽarã k'aripadai p'anɨma pia ĩjãanamẽrá. Chi eda waapẽarã́ teasima ne tea p'anɨnepa waapẽarã k'aripadamẽrá. Mãɨya teasipɨra, sõpiadepa teadai p'anɨma. Chi eda waapẽarã́ teasima chi ĩjãapataɨrã ak'ɨpataɨrã p'ananamẽrá. Mãɨya teasipɨra, jĩp'a oo p'ananai p'anɨma. Mãɨnepa chi eda waapẽarã́ teasima waapẽarã k'ĩra chupuriadamẽrá. Mãɨya teasipɨra, arapaadepa k'ĩra chupuriadai p'anɨma.

2 Timoteo 3:15

Warra basiedapema Tachi Ak'õre Pedea k'awasima. Mãɨ Pedeapa pɨá k'awapi bɨma abaɨpa Cristode ĩjãasira Tachi Ak'õrepa mãɨ k'aripait'a.