1 Timoteo 3:3 - Tachi Ak'õre Pedea

³ It'uapa piu nipawẽa bai bɨma. K'ĩruuyá baiwẽa bɨma, mãɨpari awaraɨrã ome sõpia bai bɨma. Jõmãɨrã ome ne k'ɨ̃risiawẽa bai bɨma. Erreara awaa baiwẽa bɨma.

1 Timoteo 3:3 Referans Kwoze

Tito 1:7

Ĩjãapataɨrã ak'ɨparipa Tachi Ak'õrepa ooda oopari pẽra nepɨra pará bɨade adaiwẽa bai bɨma. Ichi waapẽarã k'aepẽra atepe bɨ jĩra baiwẽa bɨma, ne wariwẽa bɨ k'orea k'ĩruu baiwẽa bɨma, it'uapa piu nipaiwẽa bai bɨma, k'ĩruuyá baiwẽa bɨma mãɨnepa erreara awaa baiwẽa bɨma.

Tito 3:2

Ũpẽarã́ jarase: abaɨ k'orea piawẽa pedeadaiwẽa p'anɨma mãɨnepa k'ĩruu pedea p'ananaiwẽa p'anɨma, mãɨpari sõpia p'ananai p'anɨma, jõmãɨrã ome minachia bɨ jĩra p'ananaiwẽa p'anɨma.

Ep'esio 5:18

It'uapa piu niparãt'ɨ. Mãɨpa nemietá atepe oopiparima. Piu nipadai k'aepẽra Tachi Ak'õre Jaoredepa p'anat'ɨ.

1 Timoteo 3:8

Ara mãɨ jĩra ũpẽarã k'aripapataɨrã sida jĩp'a nipadai p'anɨma ẽpẽrarãpa wap'eadamẽrá. Ãchia sea jara p'ananaiwẽa p'anɨma, piu nipadaiwẽa p'anɨma mãɨnepa erreara awaa p'ananaiwẽa p'anɨma.

Santiago 4:1

¿Mãra k'ãre k'orea chõopatama mãɨnepa k'ĩruu pedeapatama? Mãrapa nemietá oo k'ɨ̃ria p'anɨt'a mãra k'ak'uade chõo p'anɨ jĩra p'anɨma mãɨya oodamẽrá.

1 Pedro 5:2

Tachi Ak'õrepa ũpẽarã mãra juade bɨda minachia ak'ɨt'ɨ. Mãɨya oorãt'ɨ waapẽarãpa mĩesa oopi p'anɨ pẽra. Mãɨpari ak'ɨ k'ɨ̃ria p'anɨ pẽra mãɨya oot'ɨ. Erreara awaa p'anɨnepa mãɨ oorãt'ɨ, mãɨpari sõnepa ak'ɨ k'ɨ̃ria p'anɨ pẽra mãɨya oot'ɨ.

Hebreo 13:5

Erreara k'ɨ̃ria p'anarãt'ɨ. Mãɨpari ara machia uru p'anɨnepa sõpia p'anat'ɨ Tachi Ak'õrepa nãɨya jarada pẽra: «Mɨa pɨ ameeiwẽma mãɨnepa pɨ tuaba bɨiwẽma».

Tito 2:3

Mãɨnepa chõtãarã́ jaratease Tachi Ak'õre k'ĩrari jĩp'a p'ananamẽrá, waapẽarã k'orea seadepa k'achia pedeadawẽa p'ananamẽrá mãɨnepa piu nipapidaemaapa. Mãɨpari nepia jarateadai p'anɨma.

Apocalipsi 1:9

Mɨ mãra ũpẽa Juanpɨ. Tachi Jesucristo ome p'anɨ pẽra mɨ mãra ome Tachi Ak'õre juadepemapɨ, mãra ome minachia mĩa bɨma, mãɨnepa mãra ome ãarea choa bɨma. Tachi Ak'õre pedea jaratea bɨ k'orea mãɨnepa chi Jesú pedea piarãane a bɨ k'orea mɨ chi p'usade ĩjũa ãpia p'ɨrra bɨ Patmodea ateepisidama.

Juda 1:11

¡Miachupuri p'anɨma chi nemietaade nipapataɨrã! Caínpa ooda jĩra oopatama. Erreara k'ɨ̃ria p'anɨnepa Balaampa ooda jĩra piawẽa oo nipapatama. Corepa Moisé itu bɨda jĩra ara mãɨya Tachi Ak'õre itu bɨ p'anɨ pẽra ãchi sida ɨtɨaipɨ.

2 Pedro 2:3

Erreara k'ɨ̃ria p'anɨ pẽra, mãra erreara atadai k'orea ara ãchi k'ɨ̃risiadepa sea jarateadaipɨ. Minachia tãaraaenapema Tachi Ak'õrepa ãchi nepɨra ak'ɨi k'orea bɨma, mãɨnepa tãaraawẽa bɨde ãchi piarã ɨtɨaipɨ.

Tito 1:11

Ãchia jarateaiwẽa bɨ jaratea p'anɨnepa techa ẽpẽrarã́ piawẽa k'ɨ̃risiapipatama. Aba errearadeepuru jarateapatama. Mãɨrã́ jarateapirãse.

1 Tesalonicense 5:14

Ũpẽarã, taipa chichupuria idi p'anɨma chi mãra t'ãena k'oa p'anɨa ũraat'ɨ. Ãchi sõne k'ĩra piawẽa berã́ sõpiapit'ɨ mãɨnepa chi ẽpẽerã p'ue choadawẽa berã mãɨnepa chi ɨbɨwẽa berã k'aripat'ɨ. Jõmãɨrã ome choat'ɨ.

Romano 16:18

Ãchia Tachi Chipari Jesucristopa k'ɨ̃ria bɨ oo p'anɨwẽma, mãɨpari ãchia k'ɨ̃ria p'anɨt'a oo p'anɨma. Ãchi pedea pia bɨdepa chi k'ɨ̃risiadawẽa berã seapatama.

Hecho 20:33

»Mɨa chĩara p'arat'a, nee wa chi neet'á ara mɨ pae k'ɨ̃riaé pasima.

Mateo 21:13

Ãchiá nãɨya jarasima: —Tachi Ak'õre pedeade nãɨya bɨ bɨma: “Mɨ te ɨt'aa chiidipataɨ teade adaipɨ”. Maamina mãrapa nechɨapataɨ te uria bɨ jĩra papisidama.

2 Timoteo 3:2

Ẽpẽrarãpa ne ãarea ara ãchi pae k'ɨ̃rianaipɨ, erreara awaa p'ananaipɨ, ãchi pia beade adaipɨ, chi atepe bɨ jĩra k'ɨ̃risiadaipɨ, chĩara k'orea k'achia pedeadaipɨ, ãchi ak'õre mãɨnepa nae pedea ĩjãanak'á p'ananaipɨ, ãchi k'ariparu ẽpẽrá sõpia bɨade adak'á p'ananaipɨ, mãɨnepa Tachi Ak'õre wap'eadak'á p'ananaipɨ.