1 Timoteo 3:16 - Tachi Ak'õre Pedea

¹⁶ Piarã Tachi Ak'õrepa mãɨ pedea k'awapida minachia pia bɨma: Cristo nãɨ k'ak'uade chesima. Tachi Ak'õre Jaorepa k'awapisima ichi jĩp'a bɨt'a. Tachi Ak'õrepa ɨt'aripa peedaɨrãpa ichi unusidama. Ũpẽarãpa ichi k'orea tua awaraɨdepemarãmá jarateasidama. Chok'araɨrãpa nãɨ ĩjũane ichide ĩjãasidama. Tachi Ak'õrepa ichi pajã k'ĩrawãrea bɨde mãicha ateewãsima.

1 Timoteo 3:16 Referans Kwoze

Juan 1:14

Chi Pedea apataɨ ẽpẽra k'ak'uade t'õk'ari tachi t'ãena bapachima. Ichi sõpiadepa tachi minachia k'aripasima. Ichia tachiá pia k'awapisima Tachi Ak'õre piarã sãmaasã́ bɨt'a. Mãɨne taipa ichi ãarea pia bɨt'a unusidama, Tachi Ak'õre Warrat'u mãɨya bɨ pẽra.

Hebreo 1:3

Ichi Warrapa Tachi Ak'õre k'ĩrawãrea achiterrea unupiparima. Ichiapuru Tachi Ak'õre sãmaasã́ bɨt'a k'awapiparima. Ichi pedea jua chaarea bɨdepa ne ãarea ooda ichi juade ara mãɨya uru bɨma. Ichia tachi nemietá oodada sɨɨk'ari Tachi Ak'õre chi auk'ará bɨ juaraari pajãne suak'abari beesima.

Marco 16:19

Mãɨya jarak'ari Tachi Ak'õrepa Tachi Chipari Jesú ɨt'aa pajãnea ateewãsima. Mãma ichi juaraari suak'abari beesima.

Romano 16:25

Mɨa pedea pia Jesú k'orea jaratea baparima. Ara mãɨ pedeadepa Tachi Ak'õrepa mãra p'ue k'aripaipɨ chaarea p'ananamẽrá. Mãɨ pedea Tachi Ak'õrepa naena k'awapiwẽa basima maamina idiapae k'awapisima. Chi ichi pari pedeapataɨrãpa mãɨ k'art'ade bɨsidama. Tachi Ak'õre piuk'apa mãɨya bɨpisima tuachapemarãpa ũrinak'ari Jesucristode ĩjãanamẽrá. Tachi Ak'õrea pia pedeadai p'anɨma.

Luca 24:4

Mãɨpuru ãchia k'awa k'ɨ̃risiadaé pasima. Mãɨya bɨde ãchi k'ait'a ẽpẽra ume unupisidama. Neet'á achiterrea jɨ̃ p'anasidama.

Colosense 1:23

Mãɨpuru Cristo minachia ĩjãa p'anɨnepa ɨbɨa choa p'ananai p'anɨma. Chi pedea pia Cristo k'orea mãrapa ũrinana itu bɨdaiwẽa p'anɨma, mãɨpari Tachi Ak'õrepa ne teai jarada nɨ p'ananai p'anɨma. Mãɨ pedea pia jõma nãɨ ĩjũane jaratea p'anɨma. Ara mãɨ pedea mɨa pida jaratea bɨma.

1 Juan 1:2

Mãɨ chok'ae bapiparí Tachi Ak'õrepa nãɨ ĩjũane unupisima. Taipa ichi unusida pẽra ichi k'orea piarã pedea p'anɨma. Taipa mãrá jara p'anɨma mãɨ chi ewaricha chok'ae bapiparit'a. Jua chiwidieda ichi Tachi Pajãnepema Ak'õre ome pajãne bapachima. Ichi pajãne bada Tachi Ak'õrepa taiyá nãɨ ĩjũane unupisima.

1 Pedro 3:22

Mãɨ Jesucristo chok'ae p'irabarik'ari, pajãnea wãk'ari Tachi Ak'õre juaraari bɨma. Jõma Tachi Ak'õrepa ɨt'aripa peedarã, jõma jaore mietaarã chi atepe k'awa p'anɨrã, chi jua chaarea berã sida ichi juade uru bɨma.

1 Pedro 1:12

Maamina Tachi Ak'õrepa k'awapida ãchia pedeadada ãchi paewẽ pasima, mãɨpari mãra paepuru pasima. Ãchia pedeadada naapae chi pedea pia Cristo k'orea jarateapataɨrãpa tachiá pia k'awapi p'anɨma, Tachi Ak'õre Jaore pajãnepa peedadepa. Makɨɨ Tachi Ak'õrepa ɨt'aripa peedarã pida k'awa k'ɨ̃ria p'anɨma.

Colosense 2:2

Mɨa k'ɨ̃ria bɨma jõmãɨrã sõpiapiit'a, k'ɨ̃ria p'anɨnepa ará pia p'ananai, mãɨnepa piarã k'ɨ̃risia k'awa uru p'anɨnepa pia p'ananai. Mãɨya Tachi Ak'õrepa naena k'awapiwẽa bada k'awadaipɨ. Mãɨ Cristopɨ.

Colosense 1:27

Mãɨ pedea pia bɨt'a k'awapiwẽa bada ichidirã́ k'awapisima. Mãɨ pedea pia chi judiorãwẽ pae pida bɨma. Ichia k'awapiwẽa bada nãɨ: Cristo mãra sõne bɨma. Ichidepa k'awa p'anɨma ichi pia bɨdepema jitadaipɨ.

Colosense 1:6

ũrisidaɨde mãramá Tachi Ak'õrepa ichi sõpiadepa mãra piarã k'aripait'a ãarea k'awasidama. Ara mãɨya mãɨ ewaridepa jõma tuacha ẽpẽerãpa minachia ĩjãamaa p'anɨma, nejõ bɨɨrɨ minachia chaupari jĩra.

Luca 22:43

[Mãɨya bɨde Tachi Ak'õrepa ɨt'aripa peedapa k'ak'ua ɨbɨapiyá chesima.

Mateo 3:16

Jesú porochoak'ari toedaɨpa tuá wãrune mãɨya bɨde pajã ewa wãsima. Mãɨne Jesupa Tachi Ak'õre Jaore p'aloma jĩra ichi ɨ̃rɨ cheru unusima.

1 Juan 3:5

Maamina mãrapa k'awa p'anɨma Jesucristo nãɨ ĩjũanea chesit'a tachi nemietá ãyá bɨi k'orea. Ichi mi ãpia pida nemietá newẽma.

Hebreo 12:2

Jesude pia k'ɨ̃risiadai p'anɨma. Ichia k'aripasima tachia naa ĩjãanamẽrá mãɨnepa k'aripaparima ewaricha ĩjãa p'ananamẽrá. K'ɨ̃risiat'ɨ sãmaasã́ ichi k'urusude minachia mĩasit'a. Mãɨ k'orea p'erai badamina p'eraé pasima. Ichia k'awasima mãɨya nak'ari minachia arapá bait'a. Idiapae Tachi Ak'õre suak'a beeparí pia bɨ juaraari suak'abari bɨma.

1 Timoteo 3:9

Tachia ĩjãa p'anɨ pedea Tachi Ak'õrepa k'awapida, k'ɨ̃risia piadepa minachia ak'ɨdai p'ananai p'anɨma.

Juan 20:12

Mãɨne Tachi Ak'õrepa ɨt'aripa peedaɨrã neet'á t'ot'oa jɨ̃ p'anɨ ume eda unusima. Jesú k'ak'ua badamá suak'abari p'anasima, aba chi poro nok'oari, chi abaɨ ichi jĩru badamá.

Mateo 1:23

«Wẽra ɨmɨk'ĩra atua bɨ biak'oa beek'ari warra t'õipɨ. Ẽpẽrarãpa chi warra Emanuel adaipɨ». (Mãɨ t'ɨ̃ jara k'ɨ̃ria bɨma «Tachi Ak'õre tachi ome bɨ»).

Apocalipsi 7:9

Mãɨya nak'ari mãicha k'ãmok'araa jĩra mɨa ẽpẽerã minachia nɨbɨt'a unusima. Abaɨ pida ãchi p'ue joisiadaé pasima. Ĩjũachapema, p'uuruchapema, ẽpẽerã awaraɨrãchapema mãɨnepa pedeachapema mãma tuanasidama. Ãarea neet'á t'ot'oa jɨ̃ beasima, mãɨnepa ãchi sõpia p'anɨnepa ãchi juade meme k'irú uru p'anasima. Ãchi bai nɨp'anasima chi suak'a beeparí auk'ará bɨ naa mãɨnepa chi Oveja Chak'e k'ede naa.

1 Pedro 1:20

Nãɨ ĩjũa ooi naena Tachi Ak'õrepa Cristo jɨrɨ atak'ari nãɨ k'aadeapema ewaride peesima mãra pia p'ananamẽrá.

Hebreo 7:7

Ãareaɨrãpa k'awa p'anɨma chi atepe k'awa bɨpa chi ãpia k'awawẽa bɨ pia pedeaparima mãɨ Tachi Ak'õrepa k'aripamẽrá.

Ep'esio 6:19

Mãɨnepa mɨ k'orea Tachi Ak'õrea ɨt'aa chiidi p'anat'ɨ. Ichiá ɨt'aa chiidit'ɨ, mɨá k'awapimẽrá sãmaasã́ Cristo k'orea pedeai bɨt'a. Mãɨya mɨa ne wap'eawẽa ẽpẽrarã́ k'awapiipɨ chi pedea pia Cristo k'orea, Tachi Ak'õrepa naena k'awapiwẽa badat'a.

Ep'esio 1:9

Ichia oo k'ɨ̃ria bɨt'a, naena k'awapiwẽa basima. Maamina tachiá k'awapisima ichi sõpiadepa k'ɨ̃riana pẽra. Ichia Cristodepa naenaena ooi k'ɨ̃risia bada

Gálata 4:4

Maamina Tachi Ak'õrepa jarada ewari paside ichi Warra nãɨ ĩjũanea peesima. Mãɨ Warra wẽrapa t'õsima, ichiaba Moisepa bɨda ooi basima.

1 Corintio 15:47

Chi naapema ẽpẽra Adán apataɨ yooro ooda pẽra, nãɨ ĩjũanepema pasima. Chi k'aadeapema ẽpẽra Jesucristo apataɨ pajãnepemapɨ.

1 Corintio 2:7

Taipa chi Tachi Ak'õre k'ɨ̃risia naena k'awapiwẽa bada jaratea p'anɨma. Nãɨ ĩjũa ooi naena Tachi Ak'õrepa mãɨ k'ɨ̃risiadepa ne ooi bɨsima tachi ichi ome ará pia p'ananamẽrá.

Romano 10:18

Maamina mɨa idiruma: ¿Judiorãpa mãɨ pedea ũrinaé pasik'ãra? Piarã ũrisidama. Tachi Ak'õre pedeade nãɨya bɨ bɨma: «Ichi k'orea jõma nãɨ ĩjũane jarasidama. Mãɨ pedea t'ɨmɨa jarade wãsidama».

Hecho 20:28

»Tachi Ak'õrepa ichi Warra oadepa ẽpẽerã ichi pae atasima. Tachi Ak'õre Jaorepa mãra bɨsima ũpẽarã ak'ɨ p'ananamẽrá. Mãɨpuru ara mãra tuaba minachia jĩrak'aua p'anat'ɨ mãɨnepa Tachi Ak'õre warrarã ãarea ak'ɨ p'anat'ɨ.

Gálata 2:8

Piarã Tachi Ak'õrepa Pedro ichia peeda bɨsima, judiorãmá jarateamẽrá. Ara mãɨ Tachi Ak'õrepa mɨ ichi peeda bɨsima judiorãwẽmá jarateamẽrá.

Romano 9:5

Ãchi chõarãenapemarã chi minachia k'awapataɨrã pasima. Ãchidepa Cristo ẽpẽra k'ak'uade chesima. Ichit'a jõmãɨrã Ak'õrepɨ. Ichiaapuru tachia ewaricha pia pedeadai p'anɨma. Mãɨya beese.

Hecho 10:34

Mãɨne Pedropa jarasima: —Naapae mɨa k'awa bɨma chi Tachi Ak'õrepa abaɨ chi waapẽarã k'aepẽra atepe k'ɨ̃riak'at'a.

Romano 8:3

Moisepa bɨdapa tachi nemietaadepema p'ue pari ãjã́ bɨé pasima. Nãɨ k'ak'uapa oo k'ɨ̃ria bɨdepa nipapataɨrãpa mãɨ Moisepa bɨda oodai k'aepẽra nemietá oopatama. Maamina Tachi Ak'õrepa ichi Warra peesima tachi chi nemietá oopataɨrã jĩra bamẽrá. Mãɨne tachi nemietá pari piusima. Mãɨya Tachi Ak'õrepa nemietá tachi k'ak'uadepa oodada ɨtɨasima.

Hecho 14:27

Chedak'ari ũpẽarã ome ará p'anasidama. Mãɨne nepɨrɨsidama ãarea Tachi Ak'õrepa ãchidepa ooda. Jarasidama Tachi Ak'õrepa eda wãpataɨ ewasit'a judiorãwẽ pida Jesude ĩjãanamẽrá.

Juan 16:28

Mɨ Ak'õremãɨpa nãɨ ĩjũanea chesima. Maamina mɨa nãɨ ĩjũa ameeipɨ mɨ Ak'õremá mãicha wãi k'orea.

Juan 13:3

Jesupa k'awa basima ichi Ak'õrepa ne ãarea ichi juade bɨsit'a, mãɨnepa k'awa basima ichi Tachi Ak'õremãɨpa chek'ari mãicha ichimá wãit'a.

Luca 24:51

Mãɨya pia pedea bɨde Tachi Ak'õrepa ichi pajãnea ɨt'aa ateewãsima.

Apocalipsi 17:7

Mãɨne Tachi Ak'õrepa ɨt'aripa peedapa mɨá nãɨya idisima: «¿K'ãre k'orea k'awa k'ɨ̃risiawẽa bɨma? Mãɨ wẽra k'orea tachia ũrii p'anɨt'a mãɨnepa chi ãnimara mietá bɨ chi mãɨ ɨ̃rɨ suak'abari bɨ k'orea mɨa k'awapiipɨ. Ichiaba chi ãnimara poro siete uru bɨ mãɨnepa k'achu diez uru bɨ k'orea k'awapiipɨ.

Apocalipsi 17:5

Ichi tau bɨɨrɨde t'ɨ̃ aba tachia ũrinak'apɨ́ bɨ uru basima. Nãɨya bɨ basima: «Mɨ Babilonia chi p'uuru minachia bɨpɨ. Mɨ wẽrarã k'achiarã naepɨ, mãɨnepa chi ãarea nãɨ ĩjũane Tachi Ak'õrepa k'ɨ̃riak'apɨ́ naepɨ».

Hebreo 8:1

Chi k'ɨ̃risia taipa minachia jara p'anɨt'a nãɨpɨ: tachi P'aare minachia k'awa bɨ pajãne Tachi Ak'õre suak'a beeparí auk'ará bɨde juaraari suak'abari bɨma,

2 Tesalonicense 2:7

Idiapae tiorepa, ichia ne k'achia mẽra badadepa, nãɨ ĩjũane ne oomaa bɨma. Maamina chi itu bɨwẽa bɨpa mãɨ ẽpẽra k'achia bɨt'a itu papiwẽa bɨma. Mãɨya baipɨ aba Tachi Ak'õrepa chi itu bɨwẽa bɨ ãyá ateewãrunea.

2 Tesalonicense 1:10

Ichi cherude, mãɨ ewaride ichidirãpa ichiá pia pedeadaipɨ. Ãchi ome pia ooda k'orea jõma ichide ĩjãapataɨrãpa ichi minachia pia ununaipɨ. Taipa ichi k'orea jarateasidaɨde mãra pida ĩjãasidama.

Hecho 1:19

Ãarea Jerusalenepemarãpa mãɨ k'awasidaɨde chi ĩjũa t'ɨ̃ bɨsidama Acéldama. Mãɨ t'ɨ̃ ãchi pedeade jara k'ɨ̃ria bɨma «Oa Ĩjũa»).

Juan 17:5

Mãɨpuru Ak'õre, mɨ pɨ k'ĩrari chi choma bɨse pɨ ome nãɨ ĩjũa ooi naena chi choma bada jĩra.

Juan 15:26

»Tachi Ak'õre Jaore, chi mãra K'aripaparí cheipɨ. Ichia piarã pedea jaraparima. Mɨa ichi mɨ Ak'õremãɨpa peerude ichia mɨ k'orea mãrá pedeaipɨ.

Juan 6:62

Mãɨyaipɨra mãrapa mɨ, chi Ẽpẽra Warra ichi naena badamá ɨt'aa wãrut'a ununaipɨra ¿sãmaasã́ k'ɨ̃risiadaima?

Luca 2:32

Ichi ɨnaa jĩra baipɨ judiorãwẽpa pɨ k'orea k'awadamẽrá. Ichi k'orea, pɨ p'uuru Israel k'orea pia jaradaipɨ».

Marco 16:5

Ara mãɨne chi uriade eda wãnak'ari k'ũtã́ aba ãchi juaraari suak'abari bɨt'a unusidama. Ichi anamari jɨ̃ bɨ t'orroa basima. Mãɨ k'orea chi wẽrarã p'erasidama.

Marco 1:13

Mãma ewari k'ak'o cuarenta tiorepa ichiá mĩesa jarasima nemietá oomẽrá. Mãma ãnimara mietá t'ãena basima mãɨnepa Tachi Ak'õrepa ɨt'aripa peedaɨrãpa ichi k'aripa p'anasima.

Mateo 28:2

Mãɨne iurumia minachia oresima. Tachi Chiparipa ɨt'aripa peeda chek'ari uria jõat'ɨ k'obɨ mawara ãyá bɨk'ari mãɨ ɨ̃rɨ suak'abari beesima.

Mateo 13:11

Jesupa p'anoosima: —Chi Pajãne Bɨpa ichidirã ichi juade ua bɨ k'orea ãareaɨrã́ k'awapiwẽa bɨmina, mãrá k'awapi bɨma.

Mateo 4:11

Ara mãɨne tiore Jesuk'á bada ãyá wãsima. Mãɨne Tachi Ak'õrepa ɨt'aripa peedaɨrã Jesumá chedak'ari ichiá nek'opisidama.

1 Pedro 3:18

Cristo jĩp'a bɨmina nemietá k'orea bari k'ak'o aba mĩasima. Mãɨpa tachi chi jĩp'a bewẽ Tachi Ak'õre ome pia bɨsima. Ichi nãɨ k'ak'ua piusima, maamina Tachi Ak'õre Jaoredepa chok'ae p'irabarisima.

Romano 10:12

Tachi Ak'õre jõmãɨrã Chipari pẽra judiorã mãɨnepa judiorãwẽ sida abarik'a ooparima. Ichiá k'ĩra chupuria idiuta minachia k'aripaparima.

Romano 3:4

Mãɨyawẽma. Tachi Ak'õrepa ooi jarada piarã jõma ooipɨ. Ẽpẽrarã seajarapatamina Tachi Ak'õrepa ooparima ichia jara bɨ jĩra. Ichi Pedeade nãɨya bɨ bɨma: «Jõmãɨrãpa k'awadaipɨ pɨa jara bɨ jĩp'a bɨt'a; abaɨ pida pɨ k'orea k'achia pedearude pɨa k'awapiipɨ pɨ jĩp'a bɨt'a».

2 Corintio 1:19

Silvanopa, Timoteopa, mɨa pida mãrá Tachi Ak'õre Warra Jesucristo k'orea jaratea p'anasidama. Jesucristopa ooyade ada mãicha oowẽane ak'ama. Ichia ooyade ada jõma ooparima.

1 Pedro 1:21

Cristodepa mãrapa Tachi Ak'õrene ĩjãa p'anɨma. Tachi Ak'õrepa ichi piu bada chok'ae p'irabaripik'ari atepe bɨsima. Mãɨpuru mãrapa Tachi Ak'õrene piarã ĩjãa p'anɨma mãɨnepa nɨ p'anɨma Ichia jarada ãarea oomẽrá.

1 Juan 3:8

Chi nemietá oo bɨt'u tioredepɨ, tiore jua chiwidieda nemietá oopari pẽra. Tachi Ak'õre Warra nãɨ ĩjũanea chesima tiorepa oo bɨt'a p'uei k'orea.

Luca 20:44

Tachi Ak'õrepa Tachi K'aripaparí teai jarada Davipa mãɨ mɨ Chipariade a jara bɨpɨra, ¿sãmaasã́ mãɨ Daví warra paima?