1 Timoteo 3:1 - Tachi Ak'õre Pedea

¹ Nãɨ pedea piarã arí bɨ pẽra, mãɨne ĩjãanai p'anɨma: abaɨpa ĩjãapataɨrã ak'ɨparí pa k'ɨ̃ria bɨpɨra, nepia oo k'ɨ̃ria bɨma.

1 Timoteo 3:1 Referans Kwoze

Tito 1:7

Ĩjãapataɨrã ak'ɨparipa Tachi Ak'õrepa ooda oopari pẽra nepɨra pará bɨade adaiwẽa bai bɨma. Ichi waapẽarã k'aepẽra atepe bɨ jĩra baiwẽa bɨma, ne wariwẽa bɨ k'orea k'ĩruu baiwẽa bɨma, it'uapa piu nipaiwẽa bai bɨma, k'ĩruuyá baiwẽa bɨma mãɨnepa erreara awaa baiwẽa bɨma.

Hecho 20:28

»Tachi Ak'õrepa ichi Warra oadepa ẽpẽerã ichi pae atasima. Tachi Ak'õre Jaorepa mãra bɨsima ũpẽarã ak'ɨ p'ananamẽrá. Mãɨpuru ara mãra tuaba minachia jĩrak'aua p'anat'ɨ mãɨnepa Tachi Ak'õre warrarã ãarea ak'ɨ p'anat'ɨ.

1 Pedro 5:2

Tachi Ak'õrepa ũpẽarã mãra juade bɨda minachia ak'ɨt'ɨ. Mãɨya oorãt'ɨ waapẽarãpa mĩesa oopi p'anɨ pẽra. Mãɨpari ak'ɨ k'ɨ̃ria p'anɨ pẽra mãɨya oot'ɨ. Erreara awaa p'anɨnepa mãɨ oorãt'ɨ, mãɨpari sõnepa ak'ɨ k'ɨ̃ria p'anɨ pẽra mãɨya oot'ɨ.

1 Timoteo 1:15

Nãɨ pedea piarã arí bɨ pẽra jõmãɨrãpa ĩjãanai p'anɨma: Jesucristo nãɨ ĩjũanea chesima nemietá oopataɨrã k'aripai k'orea. Mãɨrãnepema, mɨt'u chi atepe k'achia pará basima.

1 Pedro 2:25

Mãra naena oveja atua nipada jĩra nipapachidama, maamina naapae Cristomá jĩitea chesidama. Ichia mãra ak'ɨ bɨma oveja ak'ɨparipa ichi oveja ak'ɨpari jĩra.

Hebreo 12:15

Jĩrak'aua p'anat'ɨ chi Tachi Ak'õrepa ichi sõpiadepa k'aripa bɨt'a mi ãpia pida itu bɨpidaemaapa. Mãɨnepa jĩrak'aua p'anat'ɨ mãra paara mi ãpia pida ẽpẽra pak'uru k'arra asia bɨ jĩra bɨt'a p'anapidaemaapa. Mãɨpa ũpẽarã́ piawẽa k'ɨ̃risiapik'ari mietá oopiparima.

2 Timoteo 2:11

Nãɨ pedea piarã arí bɨ pẽra, mãɨne ĩjãanai p'anɨma: Tachi Cristo ome piudaipɨra, ichi ome chok'ae p'ananaipɨ.

1 Timoteo 4:9

Mãɨ pedea piarãpɨ. Jõmãɨrãpa mãɨ ĩjãanai p'anɨma.

P'ilipense 1:1

Mɨ Pablopɨ. Timoteo mɨ ome bɨma. Tai Jesucristo pae pari mimiapataɨrãpɨ. Mɨa nãɨ k'art'a ũpẽarã P'ilipo p'uurudepemarã pae bɨruma: ũpẽarã ak'ɨpataɨrã, ũpẽarã k'aripapataɨrã mãɨnepa jõma ẽpẽrarã Tachi Ak'õrenepemarã Jesucristo ome berã pae.

Luca 15:10

Mɨa jararuma ara mãɨ jĩra nemietá ooparí aba Tachi Ak'õremá cherude Tachi Ak'õrepa ɨt'aripa peedarã ome minachia arapaapatama».

Tito 3:8

Mãɨ pedea piarã arí bɨ pẽra, mãɨne ĩjãanai p'anɨma. Mɨa k'ɨ̃ria bɨma pɨa mãɨ minachia jaratea bai Tachi Ak'õrene ĩjãa berãpa nejõma pia oo wãnamẽrá. Mãɨ pedea minachia pia bɨma. Jõmãɨrã k'aripaparima.

Ep'esio 4:12

Ichia mãɨya bɨsima ẽpẽrarã Tachi Ak'õrenepemarã k'aripadamẽrá, ãchia pida Tachi Ak'õre pae p'ue pia oodamẽrá. Mãɨya jõma Cristo ẽpẽrarã, ichi k'ak'ua apataɨ chaarea waripodoparima,

Hecho 1:20

Mãɨne Pedropa jarasima: «Juda mãɨyasima Salmo k'art'ade bɨ bɨ jĩra: “Ichi te nenea beeipɨ. Mãɨ aba pida mãma baiwẽma”. Ichiaba jara bɨma: “Ichia oo badat'a awaraɨpa oo beeipɨ”.

1 Pedro 4:15

Mãra minachia mĩanaimina, nãɨnepa mĩanai pia bɨwẽma: mĩa peada k'orea, nechɨada k'orea, nemietá ooda k'orea wa waapẽarã nepɨrade bada k'orea.

1 Tesalonicense 5:14

Ũpẽarã, taipa chichupuria idi p'anɨma chi mãra t'ãena k'oa p'anɨa ũraat'ɨ. Ãchi sõne k'ĩra piawẽa berã́ sõpiapit'ɨ mãɨnepa chi ẽpẽerã p'ue choadawẽa berã mãɨnepa chi ɨbɨwẽa berã k'aripat'ɨ. Jõmãɨrã ome choat'ɨ.

Romano 11:13

Mɨa judiorãwẽa nãɨ jararuma. Mɨ Tachi Ak'õrepa peeda bɨsima, mãrá jarateamẽrá. Mãɨ mɨa jõma jĩp'a oo k'ɨ̃ria bɨma.