1 Timoteo 2:7 - Tachi Ak'õre Pedea

⁷ Mãɨ k'orea mɨ ichi pedea jaraparí bɨsima. Mɨ ichia peeda bɨsima piarã pedea ichide ĩjãanai p'anɨ k'orea judiorãwẽmá jarateade wãmẽrá. Mɨa piarã jara bɨma. Seawẽma.

1 Timoteo 2:7 Referans Kwoze

Hecho 9:15

Maamina Tachi Chiparipa jarasima: —Wãse. Mɨa ichi jɨrɨ atasima mɨ k'orea pedeamẽrá judiorãwẽmá, ãchi poro jũra jɨ̃parí jɨ̃pataɨrã́ mãɨnepa israel ĩjũanepemarã́.

2 Timoteo 1:11

Tachi Ak'õrepa mɨ bɨsima mãɨ pedea pia jaraparí bamẽrá, Jesucristopa peeda bamẽrá, mãɨnepa judiorãwẽmá jarateaparí bamẽrá.

Romano 9:1

Mɨ Cristode pẽra piarã pedea jararuma. Sea jarawẽma. Tachi Ak'õre Jaorepa mɨ sõne nãɨ pedea piarã ara k'awapi bɨma.

Romano 15:16

judiorãwẽ t'ãena Jesucristo pae pari mimiaparí bamẽrá. Mãɨpuru pedea pia Tachi Ak'õre k'orea ãchiá jaratea bɨma. Ĩjãasidara p'aare judiopa ãnimara paatearu jĩra mɨa ãchi Tachi Ak'õrea tearuma pia unumẽrá. Mãɨne Tachi Ak'õre Jaorepa ãchi Tachi Ak'õre pae pia bɨipɨ.

Gálata 2:9

Ũpẽarã chi atepe k'awa p'anɨrã Santiagopa, Pedropa mãɨnepa Juanpa k'awasidama Tachi Ak'õrepa ichi sõpiadepa piarã mɨ judiorãwẽmá peesit'a. Mãɨne ãchi mɨ ome mãɨnepa Bernabé ome arapá jua jitasidama k'awapidai k'orea abarik'a k'ɨ̃risia uru p'anɨt'a. Ãchia jarasidama taipa judiorãwẽmá jaratea p'ananait'a, mãɨnepa ãchia judiorãmá jaratea p'ananait'a.

Gálata 1:20

Tachi Ak'õre k'ĩrari mɨa mãrá jararuma: mɨa mɨ k'orea bɨrut'a seawẽma.

Gálata 1:16

ichi Warra mɨá k'awapisima judiorãwẽa ichi k'orea jaramẽrá. Mãɨne mɨa abaɨmá pida idié pasima sãmaasã́ ooi bɨ k'awai k'orea.

Romano 11:13

Mɨa judiorãwẽa nãɨ jararuma. Mɨ Tachi Ak'õrepa peeda bɨsima, mãrá jarateamẽrá. Mãɨ mɨa jõma jĩp'a oo k'ɨ̃ria bɨma.

2 Pedro 2:5

Mãɨnepa chõarãenapemarãpa Tachi Ak'õre itu bɨsidaɨde ichia k'ĩra chupuriaé pasima. Mãɨpari to minachia chepisima mãɨ ẽpẽrarã ãarea todepa piudamẽrá. Maamina Noepa tachi jĩp'a nipadai k'orea jarateapachima. Ichi, ichi ẽpẽrarã siete p'anɨ sida Tachi Ak'õrepa k'aripasima.

Gálata 3:9

Mãɨpuru chi Abrahanpa ĩjãana jĩra ĩjãa berã Tachi Ak'õrepa jõma k'aripaipɨ Abrahán k'aripada jĩra.

2 Corintio 11:31

Tachi Pajãnepema Chipari Jesú Ak'õrea ewaricha pia pedeadai p'anɨma. Ichia k'awa bɨma mɨa sea jarak'ama.

Romano 10:14

Maamina ẽpẽrarãpa wapida Tachi Chipari Jesucristode ĩjãanawẽa p'anɨne ¿sãmaasã́ ichiá k'ĩra chupuria ididaima? Ichi k'orea wapida ũrinawẽa p'anɨne ¿sãmaasã́ ĩjãanaima? Mãɨnepa abaɨ pida ãchiá jarateade wãwẽpɨra ¿sãmaasã́ ichi k'orea ũrinaima?

Hecho 26:20

Mɨa naena Damasco p'uurudepemarã́ jarasima ãchia nemietá oopataɨ itu bɨdak'ari Tachi Ak'õremá chedamẽrá. Mãɨya nak'ari Jerusalén p'uurude, ãarea Judea tuade mãɨnepa judiorãwẽmá pida abarik'a jarasima. Ãareaɨrã́ jarasima pia oo p'ananai p'anɨma, ãchia nemietá oodada piarã itu bɨdaadat'a unupidai k'orea.

Hecho 22:21

Maamina Tachi Chiparipa mɨá jarasima: “Wãse. Mɨa pɨ t'ɨmɨa judiorãwẽmá peeipɨ”».

Hecho 14:27

Chedak'ari ũpẽarã ome ará p'anasidama. Mãɨne nepɨrɨsidama ãarea Tachi Ak'õrepa ãchidepa ooda. Jarasidama Tachi Ak'õrepa eda wãpataɨ ewasit'a judiorãwẽ pida Jesude ĩjãanamẽrá.

Juan 7:35

Mãɨ k'orea judiorã chi arí berãpa ara ãchi tuaba jara tuanasidama: —¿Sãmá wãi pẽra tachia ichi waa ununaiwẽane a bɨma? ¿Griegodepemarã tuadea wãik'ãra judiorã jãma berã́ jarateai k'orea?

Gálata 2:16

Maamina tachia k'awa p'anɨma Tachi Ak'õrepa ẽpẽra aba pida bɨwẽma chi jĩp'a be paara, mãɨ Moisepa bɨda oo bɨ pẽra. Mãɨpari Jesucristopa mãɨ bɨda jĩra jõma ooda k'orea, Tachi Ak'õrepa tachi bɨparima chi jĩp'a be paara. Mãɨpuru tachia pida Jesucristode ĩjãasidama, mãɨnepa Jesucristode ĩjãa bɨ k'orea mãɨya chi jĩp'a be paara p'anapatama, Ichia mãɨ bɨda jĩra jõma ooda k'orea. Piarã Moisepa bɨda oo p'anɨnepa Tachi Ak'õrepa tachi bɨk'ama chi jĩp'a be paara.

Romano 1:9

Tachi Ak'õrepa k'ɨ̃ria bɨt'a ãarea mɨ sõnepa oo bɨma, chi pedea pia ichi Warra k'orea jaratea bɨ pẽra. Ichia k'awa bɨma mɨa ɨt'aa chiidirucha mãra k'orea ɨt'aa chiidiparit'a.

1 Corintio 9:1

¿Mɨchia oo k'ɨ̃ria bɨ ook'á bɨk'ãra? ¿Mɨ Jesucristopa peedawẽk'ãra? ¿Mɨa pida Tachi Chipari Jesú unusiwẽk'ãra? ¿Mãrapa mɨnepa Tachi Chiparide ĩjãasidawẽk'ãra?