1 Timoteo 2:6 - Tachi Ak'õre Pedea

⁶ Ara ichi itu peapisima jõma ẽpẽrarã k'aripa bai k'orea. Tachi Ak'õrepa bɨda ewaride mãɨ k'awapisima.

1 Timoteo 2:6 Referans Kwoze

Mateo 20:28

Mãɨ jĩra mɨ, chi Ẽpẽra Warra chewẽa bɨma ẽpẽerã chi mɨ pae pari mimiapataɨrã padamẽrá. Mãɨpari mɨ che bɨma ẽpẽerã pae pari mimiaparí bai k'orea. Mãɨya mɨ piuipɨ ẽpẽerã minachia k'aripai k'orea.

1 Pedro 3:18

Cristo jĩp'a bɨmina nemietá k'orea bari k'ak'o aba mĩasima. Mãɨpa tachi chi jĩp'a bewẽ Tachi Ak'õre ome pia bɨsima. Ichi nãɨ k'ak'ua piusima, maamina Tachi Ak'õre Jaoredepa chok'ae p'irabarisima.

Gálata 4:4

Maamina Tachi Ak'õrepa jarada ewari paside ichi Warra nãɨ ĩjũanea peesima. Mãɨ Warra wẽrapa t'õsima, ichiaba Moisepa bɨda ooi basima.

Apocalipsi 1:5

Mãɨnepa k'ɨ̃ria bɨma Jesucristo pida mãɨya oo bait'a. Ichia Tachi Ak'õre k'orea piarã jaraparima. Piu bada naa chok'ae p'irabarisima, ãarea nãɨ ĩjũanepema chi poro jũra jɨ̃parí jɨ̃ p'anɨrã k'aepẽra chi atepe bai k'orea. Mãɨpa tachi k'ɨ̃ria bɨma mãɨnepa ichi oadepa nemietaadepema k'aripasima.

1 Juan 4:10

Mãɨ k'ɨ̃ria bɨt'a nãɨya bɨma: k'ɨ̃rianepa Tachi Ak'õrepa ichi Warra peesima piumẽrá tachi nemietá k'ɨ̃risia atuai k'orea. Tachi Ak'õrepa mãɨya ooé pasima tachia ichi k'ɨ̃ria p'anana pẽra, mãɨpari mãɨya oosima ichia tachi k'ɨ̃riana pẽra.

Tito 2:14

Tachi k'orea Jesucristopa ara ichi itu peapisima ãarea nemietaadepema k'aripai k'orea. Tachi ara ichi pae pia bɨsima ichi p'uurude p'ananamẽrá mãɨnepa nejõma pia oo k'ɨ̃ria p'ananamẽrá.

1 Corintio 1:6

Jõma Tachi Ak'õrepa mãrá teadapa unupi bɨma chi Cristo k'orea pedea taipa jarateadada piarãpɨ.

1 Timoteo 6:15

Tachi Ak'õrepa bɨda ewaride ichi unupiipɨ. Abapuru Tachi Ak'õret'u chi piapɨ, mãɨnepa jõmãɨrã chi Chiparipɨ. Ichi jõmãɨrã poro jũra jɨ̃parí jɨ̃ p'anɨrã k'aepẽra ichit'u chi Atepe Bɨpɨ, ichiaba jõmãɨrã chiparirã k'aepẽra ichit'u chi Atepe Bɨpɨ.

Ep'esio 5:2

Jõmãɨrã k'ɨ̃riat'ɨ Cristopa tachi k'ɨ̃ria bɨ unupida jĩra. K'ɨ̃rianepa tachi k'orea ara ichi itu peapisima Tachi Ak'õrea ãnimara paatearu jĩra. Tachi Ak'õrepa mãɨ pia unusima.

1 Pedro 2:24

Cristopa tachi nemietá ichi ɨ̃rɨ k'urusude ateewãsima tachi nemietaadepema piudak'ari jĩp'a p'ananamẽrá. Ichi k'ak'ua p'uak'oa p'anasidaɨdepa mãra jɨpa p'aneesidama.

Tito 1:3

Maapae ichia bɨda ewaride mɨa jaratea bɨdepa ichi pedea Cristo k'orea pia k'awapisima. Mãɨ pedea Tachi Ak'õre chi K'aripaparipa mɨá jarateapisima.

2 Corintio 5:21

Cristopa nemietá ook'a pasima. Maamina tachi k'orea Tachi Ak'õrepa ichi nemietá ooparí jĩra unusima. Mãɨya Cristodepa Tachi Ak'õre jĩp'a bɨt'a waapẽarã́ p'ue unupipatama.

Romano 5:6

Ara tachit'u tachi nemietaadepema p'ue ãyá wãnawẽa p'anasidaɨde Tachi Ak'õrepa bɨda ewaride Cristo tachi chi k'achia berã k'orea piusima.

Juan 10:15

Ara mãɨ jĩra mɨ Ak'õrepa mɨ k'awa bɨma mãɨnepa mɨa mɨ Ak'õre k'awa bɨma. Mɨ mɨchi oveja k'orea piui bɨma.

Juan 6:51

Mɨ chi p'ana chok'ae bapiparí p'anapɨ, chi mãɨ p'ana ɨt'aripa chedapɨ. Parituapa mãɨ p'ana k'oipɨra ewaricha chok'ae baipɨ. Chi mɨa tea bɨ p'ana mɨ k'ak'uapɨ. Mɨa mɨ k'ak'ua teaipɨ, mãɨpa ẽpẽerã chok'ae p'ananamẽrá.

Marco 10:45

Mãɨpuru mɨ, chi Ẽpẽra Warra chewẽa bɨma ẽpẽerã chi mɨ pae pari mimiapataɨrã padamẽrá. Mãɨpari mɨ che bɨma ẽpẽerã pae pari mimiaparí bai k'orea. Mãɨya mɨ piuipɨ ẽpẽerã minachia k'aripai k'orea.

Apocalipsi 5:9

Chi chõarã veinticuatro p'anɨpa mãɨnepa chi ẽpẽra jĩra chok'ae berãpa nãɨ k'ari chiwidit'a k'arisidama: «Pɨ pia bɨma mãɨ k'art'a jitak'ari chi k'ara nɨbɨ oet'ait'a, pɨ peasida pẽra. Chi mãɨ oa pɨa ãrisidepa ẽpẽerã Tachi Ak'õre pae atasima. Ẽpẽerã awaraɨcha, pedeacha, p'uurucha mãɨnepa ĩjũacha mãɨrãnepema eda waapẽarã atasima.

Hebreo 9:12

Mãma Cristo «Tachi Ak'õre pae k'ɨda jẽesa chi atepe piipará bɨde» barimama eda wãsima. Mãmá wãside chivo mãɨnepa p'ak'a warra oa Tachi Ak'õre k'ĩrari jĩp'oi k'orea ateewãé pasima. Mãɨpari ara ichi oa ateewãsima. Bari k'ak'o aba mãɨya oodapa tachi k'aripasima ewaricha nepɨrawẽa p'ananamẽrá.

2 Timoteo 1:8

Mãɨpuru Tachi Chipari Jesucristo k'orea jarai k'orea p'erarãse. Mɨ Jesucristo k'orea eda serra bɨmina, mɨ k'orea p'erarãse. Mãɨpari chi Jesú k'orea pedea pia jaratearude Tachi Ak'õre jua chaareadepa pɨ sida mĩai k'orea choa base.

2 Tesalonicense 1:10

Ichi cherude, mãɨ ewaride ichidirãpa ichiá pia pedeadaipɨ. Ãchi ome pia ooda k'orea jõma ichide ĩjãapataɨrãpa ichi minachia pia ununaipɨ. Taipa ichi k'orea jarateasidaɨde mãra pida ĩjãasidama.

Ep'esio 1:17

Mɨa Tachi Chipari Jesucristo Ak'õrea, chi tachi Pajãnepema Ak'õre pia bɨa ɨt'aa chiidiparima ichi Jaoredepa mãrá pia k'ɨ̃risiapimẽrá mãɨnepa ichi k'orea k'awapimẽrá. Mãɨya mãrapa ichi minachia k'awadaipɨ.

Ep'esio 1:7

Ichi Warra oa ãrinanepa Tachi Ak'õrepa tachi nemietaadepema k'aripasima. Ichi minachia sõpia bɨdepa tachia nemietá oodada ãarea k'ɨ̃risia atuasima.

Ep'esio 3:5

Naena Tachi Ak'õrepa ẽpẽrarã́ mãɨ k'awapiwẽa basima, maamina naapae chi ichi pari pedeapataɨrã́ mãɨnepa chi Jesucristopa peedaɨrã́ ichi Jaoredepa mãɨ k'awapisima.

Marco 1:15

Nãɨya jarapachima: «Chi ewari ará pasima. Tãaraawẽa bɨde Tachi Ak'õrepa ichidirã ichi juade ua baipɨ. Mãrapa nemietá oopataɨ itu bɨdak'ari mãɨ pedea pia ĩjãat'ɨ».

Gálata 1:4

Chi mãɨ Jesucristopa ara ichi tachi nemietá k'orea itu peapisima nãɨ ewari mietaadepema k'aripai k'orea. Mãɨya oosima Tachi Pajãnepema Ak'õrepa k'ɨ̃riana pẽra.