1 Timoteo 2:5 - Tachi Ak'õre Pedea

⁵ Tachi Ak'õre abapuru bɨma. Mãɨnepa chi ẽpẽrarã nepɨra k'aripaparí, Tachi Ak'õre ẽpẽrarã ome, abapuru bɨma. Mãɨ ẽpẽra Jesucristopɨ.

1 Timoteo 2:5 Referans Kwoze

Gálata 3:20

Maamina Tachi Ak'õrepa Abrahaná k'aripayade aside aba pida mãɨ pedea jarade peé pasima, mãɨpari ara ichiapuru Abrahaná mãɨya jarasima.

1 Corintio 8:6

Maamina tachimá, Tachi Ak'õre abapuru bɨpɨ. Ichi tachi Pajãnepema Ak'õrepɨ. Ichiapuru nejõma oosima. Tachi ichi pae chok'ae p'anɨma. Mãɨnepa Tachi Chipari Jesucristo abapuru bɨma. Ichidepa Tachi Ak'õrepa nejõma oosima. Ichidepa tachi chok'ae p'anɨma.

Hebreo 9:15

Mãɨyara, Cristodepa Tachi Ak'õrepa pedea chiwidi ausima. Ẽpẽerã chi naenapema pedea audade p'anapachidaɨde nemietá oopachidama. Maamina Cristo piusima mãɨnepema k'aripai k'orea. Ichiaba, Cristodepa chi ichia t'ɨ̃naɨrãpa ichia ne ãarea pia jõk'apɨ́ teai jaradat'a p'ue jitadaipɨ.

Hebreo 7:25

Mãɨpuru ichidepa Tachi Ak'õremá cheutarã ãarea p'ue k'aripaipɨ ewaricha chok'ae p'ananamẽrá. Piuk'a pẽra ewaricha tachi k'orea Tachi Ak'õrea chichupuria idiparima.

Hebreo 12:24

Mãra Jesumá chesidama. Ichidepa Tachi Ak'õre ẽpẽerã ome pedea chiwidi auside mãra ichia oa jĩp'odamá chesidama. Jesú oa ãrina Abel oa ãrina k'aepẽra mãɨpa tachiá atepe k'awapi bɨma.

Juan 1:14

Chi Pedea apataɨ ẽpẽra k'ak'uade t'õk'ari tachi t'ãena bapachima. Ichi sõpiadepa tachi minachia k'aripasima. Ichia tachiá pia k'awapisima Tachi Ak'õre piarã sãmaasã́ bɨt'a. Mãɨne taipa ichi ãarea pia bɨt'a unusidama, Tachi Ak'õre Warrat'u mãɨya bɨ pẽra.

Romano 10:12

Tachi Ak'õre jõmãɨrã Chipari pẽra judiorã mãɨnepa judiorãwẽ sida abarik'a ooparima. Ichiá k'ĩra chupuria idiuta minachia k'aripaparima.

Juan 17:3

Ewaricha chok'ae bepa, ãchia k'awa p'anɨma pɨ piarã Tachi Ak'õre aba bɨt'a. Ichiaba k'awa p'anɨma chi pɨa peeda, Jesucristot'a.

Hebreo 8:6

Maamina Jesú tachi P'aare Minachia K'awa bɨpa pajãne oo baparit'a atepe pia bɨma p'aarerãpa nãɨ ĩjũane oopataɨ k'aepẽra. Ara mãɨ jĩra Tachi Ak'õrepa Jesudepa pedea auda atepe pia bɨma ẽpẽerã ome pedea auda k'aepẽra, Tachi Ak'õrepa ẽpẽrarã minachia k'aripayade ada pẽra.

Ep'esio 4:6

Tachi Ak'õre abapuru bɨma. Ichi jõmãɨrã Ak'õrepɨ, jõmãɨrã Chiparipɨ. Jõmãɨrã sõne bɨma mãɨnepa jõmãɨrãnepa ichia oo k'ɨ̃ria bɨt'a ooparima.

1 Corintio 8:4

Mãɨpuru chi juapa oodada sãdorã́ k'iuru teada k'odai k'orea mɨa jararuma. Tachia k'awa p'anɨma chi juapa oodada sãdo piarãwẽt'a. Mãɨnepa k'awa p'anɨma Tachi Ak'õre piarã abapuru bɨt'a.

Mateo 1:23

«Wẽra ɨmɨk'ĩra atua bɨ biak'oa beek'ari warra t'õipɨ. Ẽpẽrarãpa chi warra Emanuel adaipɨ». (Mãɨ t'ɨ̃ jara k'ɨ̃ria bɨma «Tachi Ak'õre tachi ome bɨ»).

Apocalipsi 1:13

Mãɨ siete ĩpira p'anɨ esa, mɨa chi Ẽpẽra Warra jĩra bɨt'a unusima. Anamari waa tachi jĩrumá jɨ̃ basima. Ichi p'echude nee ooda pará basima.

Mateo 1:1

Nãɨ k'art'a Jesucristo k'orea jara bɨpɨ. Jesucristo tachi chõarãenapemarã Abrahanepa mãɨnepa Davidepa nãɨya unusima.

Hecho 4:12

Abapuru Jesupa tachi p'ue k'aripaipɨ. T'ɨ̃ awara waa newẽma mãɨ t'ɨ̃neepuru nãɨ ĩjũane tachi ẽpẽerã k'aripamẽrá.

Romano 1:3

Mãɨ pedea pia ichi Warra k'orea jara bɨma. Ichi Warra Tachi Chipari Jesucristo nãɨ k'ak'uade Israeldepema poro jũra jɨ̃parí jɨ̃ bɨ Davidepa chedapɨ. Ichiaba ichi piu bada chok'ae p'irabaripiside Tachi Ak'õre Jaorepa unupisima Tachi Ak'õre Warra chaarea bɨt'a.

1 Timoteo 6:13

Ãarea chok'ae berã Tachi Ak'õrenepa chok'ae p'anɨma. Ara mãɨ Tachi Ak'õre k'ĩrari mɨa jararuma pɨa oo bamẽrá. Jesucristo k'ĩrari pida abarik'a jararuma ichia piarã pedea Poncio Pilato k'ĩrari jarada jĩra. Mɨa nãɨ jararuma: mɨa jaratea bɨ k'ĩra jĩp'a oo base waapẽarãpa pɨ k'orea k'achia pedeadaemaapa, aba Tachi Chipari Jesucristo cherudea.

1 Juan 2:1

Ũpẽarã, mãra mɨ warrarã jĩra p'anɨma. Mɨa mãɨ bɨruma mãrá nemietá oopidaemaapa. Maamina ẽpẽra abapa nemietá ooipɨra, aba uru p'anɨma Tachi Pajãnepema Ak'õrea tachi k'orea chichupuria idimẽrá. Mãɨ chichupuria idiparí Jesucristopɨ. Ne ãareaɨne jĩp'a ooparima.

Luca 14:22

Chi ichi pae pari mimiaparipa mãɨya ook'ari jarasima: “Pɨa jarada jĩra mɨa oosima, maamina ãk'au wapida pari nɨbɨade asima”.