1 Timoteo 2:15 - Tachi Ak'õre Pedea

¹⁵ Maamina warra t'õ p'anɨnepa wẽrarã k'aripaipɨ Cristode ĩjãa p'ananaipɨra, piarã waapẽarã k'ɨ̃ria uru p'ananaipɨra mãɨnepa Tachi Ak'õre pae pia p'ananaipɨra. Jõma mãɨ jĩp'a p'ananai p'anɨma.

1 Timoteo 2:15 Referans Kwoze

Tito 2:12

Mãɨpa tachiá k'awapi bɨma nejõma k'achia mãɨnepa nãɨ ĩjũanepemarãpa k'ɨ̃riapataɨ itu bɨdai p'anɨt'a. Mãɨnepa k'awapi bɨma tachi nãɨ ĩjũane p'anɨne k'ɨ̃risia piadepa tachi k'ak'ua jĩp'a ak'ɨ uru nipadai p'anɨt'a Tachi Ak'õrepa k'ɨ̃ria bɨ jĩra.

1 Pedro 4:7

Tãaraawẽane nejõma jõipɨ. Mãɨpuru jĩp'a k'ɨ̃risia p'anat'ɨ mãɨnepa jĩrak'aua p'anat'ɨ. Mãɨya Tachi Ak'õrea p'ue ɨt'aa chiididaipɨ.

1 Timoteo 1:5

Mɨa mãɨya jara bɨma ũpẽarãpa k'ɨ̃risia piadepa, sõpiadepa, piarã Tachi Ak'õrene ĩjãa p'anɨnepa chi k'ɨ̃ria tuananamẽrá.

1 Timoteo 2:9

Mɨa k'ɨ̃ria bɨma wẽerãpa p'aru ãchi ará jɨ̃namẽrá, wẽerãpa jĩp'a p'anɨrãpa ãchi ará jɨ̃pataɨ jĩra. Ãchi puda minachia pia irudaiwẽa p'anɨma. Nee wa ne achiterrea be minachia jɨ̃naiwẽa p'anɨma. K'ak'apia neepɨa bɨ sida jɨ̃naiwẽa p'anɨma.

Luca 2:7

K'ãipataɨ te pari newẽ pẽra ichi warra ĩwini t'õna p'arupa pɨrak'ari ãnimara nek'opataɨde eda bɨsima.

1 Timoteo 1:14

Tachi Chipari Jesucristopa ichi sõpiadepa mɨ minachia k'aripasima ichide ĩjãamẽrá mãɨnepa ichi k'ɨ̃ria uru bamẽrá.

1 Corintio 12:23

Mãɨnepa chi tachimá tachi k'ak'uade ne ãpia piawẽa k'ede pia ak'ɨ uru p'anaparima pia ununamẽrá. Mãɨnepa tachi k'ak'uadepema chi tachia unupidaiwẽa k'ede neet'á jɨ̃autapa jĩrak'aua mẽrapatama.