1 Timoteo 2:10 - Tachi Ak'õre Pedea

¹⁰ Mãɨpari Tachi Ak'õre wap'ea be pẽra, wẽerãpa pia oo p'anɨnepa minachia k'ak'apia p'anɨ jĩra p'ananai p'anɨma.

1 Timoteo 2:10 Referans Kwoze

1 Pedro 2:12

Tachi Ak'õrene ĩjãanak'apɨɨrã t'ãena jĩp'a nipat'ɨ. Mãɨya ãchia mãra nemietá oopataade a p'anɨmina, mãrapa pia oo p'anɨt'a unu p'anɨma. Maapae Tachi Ak'õre cherude mãra k'orea ichiá pia pedeadaipɨ.

Apocalipsi 2:19

»Mãrapa oo p'anɨt'a mɨa k'awa bɨma. Mãra k'ɨ̃ria p'anɨt'a, mɨne ĩjãa p'anɨt'a, mɨ pae oo p'anɨt'a, mãɨnepa ãarea choa p'anɨt'a k'awa bɨma. Ichiaba k'awa bɨma mãrapa naena nepia oo p'anana k'aepẽra, piipará oo p'anɨt'a.

Hecho 9:36

Mãɨ ewaride Jesude ĩjãa bɨ wẽra Tabita apataɨ Jope p'uurude basima. Griego pedeade ichi t'ɨ̃ Dorca apachidama. Mãɨ ũpẽawẽrapa nepia be oo bapachima. Chi nenea k'ede minachia k'aripapachima.

2 Pedro 3:11

Nejõma jõi pẽra Tachi Ak'õrepa k'ɨ̃ria bɨ jĩra, mãra jĩp'a mãɨnepa nemietá newẽa nipadai p'anɨma.

Tito 3:8

Mãɨ pedea piarã arí bɨ pẽra, mãɨne ĩjãanai p'anɨma. Mɨa k'ɨ̃ria bɨma pɨa mãɨ minachia jaratea bai Tachi Ak'õrene ĩjãa berãpa nejõma pia oo wãnamẽrá. Mãɨ pedea minachia pia bɨma. Jõmãɨrã k'aripaparima.

Ep'esio 2:10

Tachi Ak'õrepa tachi Jesucristodepa chiwidi oosima nepia oo p'ananamẽrá. Mãɨ nepia ichia naena bɨsima tachia oodamẽrá.

Tito 2:14

Tachi k'orea Jesucristopa ara ichi itu peapisima ãarea nemietaadepema k'aripai k'orea. Tachi ara ichi pae pia bɨsima ichi p'uurude p'ananamẽrá mãɨnepa nejõma pia oo k'ɨ̃ria p'ananamẽrá.

Hecho 9:39

Ara mãɨne Pedro ãchi ome wãsima. Chesidaɨde ichi chi te ɨt'aride aba k'ãipataɨmá ateewãsidama. Mãma p'ẽtãarã ãarea jẽa tuanasidama. Ãchia Pedroa chi Dorcapa p'aru k'osak'oa bada ak'ɨpisidama.

1 Timoteo 2:9

Mɨa k'ɨ̃ria bɨma wẽerãpa p'aru ãchi ará jɨ̃namẽrá, wẽerãpa jĩp'a p'anɨrãpa ãchi ará jɨ̃pataɨ jĩra. Ãchi puda minachia pia irudaiwẽa p'anɨma. Nee wa ne achiterrea be minachia jɨ̃naiwẽa p'anɨma. K'ak'apia neepɨa bɨ sida jɨ̃naiwẽa p'anɨma.

1 Timoteo 2:11

Ũpẽarã ará jere nɨbeeutade wẽerãpa k'ĩup'ea ũrinai p'anɨma mãɨnepa chi ũpẽarã ak'ɨpataɨrã wap'ea p'ananai p'anɨma.