1 Timoteo 1:18 - Tachi Ak'õre Pedea

^18-19 Mɨ warra Timoteo, mɨa Tachi Ak'õrepa naena jara peeda pɨ k'orea k'ɨ̃risiarude, pɨa ooi bɨt'a jara peeruma. Mãɨne Cristode ĩjãa bɨdepa mãɨnepa k'ɨ̃risia jĩp'a bɨdepa chi pedea piarã uru base waapẽarã t'ãena, papaká bɨ k'ĩruupari jĩra. Waapẽarãpa k'ɨ̃risia pia uru p'anana itu bɨdak'ari ãchia Cristode ĩjãa p'anɨ itu bɨsidama.

1 Timoteo 1:18 Referans Kwoze

1 Timoteo 4:14

Tachi Ak'õrepa pɨá oopi bɨ teada k'ɨ̃risia atuarãse. Ũpẽarã ak'ɨpataɨrãpa ãchi jua pɨ ɨ̃rɨ bɨsidaɨde Tachi Ak'õrenepa jarasidama ichia mãɨ tearut'a.

1 Timoteo 6:20

Timoteo, jõma Tachi Ak'õrepa jara peeda minachia ak'ɨse. Chi Tachi Ak'õremá piawẽa bɨ k'orea pedeapataɨ itu bɨse. Mãɨnepa jõma k'ɨ̃risia Tachi Ak'õre pedea ome k'ĩra awara be itu bɨse. Waapẽarãmá mãɨ k'ɨ̃risia pia bɨma. Maamina pia bɨwẽma.

P'ilipense 2:22

Maamina mãrapa k'awa p'anɨma Timoteopa pia ooparit'a. Warrapa ichi ak'õre k'aripapari jĩra ichia chi pedea pia Cristo k'orea k'aripa jaratea bɨma.

2 Timoteo 4:7

Mɨa Tachi Ak'õre pae ooi bada jõma oosima pia chõona jĩra. Mɨa Cristo itu bɨwẽa bɨma. Jõma jĩp'a oosima p'iraparí jĩra.

1 Timoteo 1:2

Timoteo, mɨa nãɨ k'art'a pɨ pae bɨruma. Mɨnepa Cristode ĩjãana pẽra pɨ piarã mɨ warra jĩra bɨma. Mɨa k'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristo pida ãchi sõpiadepa pɨ k'aripa p'ananamẽrá, k'ĩra chupuria p'ananamẽrá mãɨnepa ne k'ɨ̃risiawẽa bapi p'ananamẽrá.

2 Timoteo 1:2

Timoteo, nãɨ k'art'a pɨ pae bɨruma. Mɨa pɨ minachia k'ɨ̃ria bɨma mɨ warra jĩra. K'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristo pida pɨ k'ĩra chupuria p'anapiit'a, ãchi sõpiadepa k'aripa p'ananait'a mãɨnepa ne k'ɨ̃risiawẽa p'anapiit'a.

1 Timoteo 4:4

Nejõma Tachi Ak'õrepa ook'oada pia bɨma. Mãɨpuru Tachi Ak'õrea sõpia p'anɨane adaipɨra mi ãpia pida tachia p'ue k'odai p'anɨnepema abaɨ pida p'ue k'owẽa beeyade aiwẽa bɨma.

P'ilemón 1:10

Mɨa chichupuria idiruma pɨ pae pari mimiaparí Onésimo k'orea. Ichi mɨ warra jĩra bɨma. Mɨ nãma eda serra bɨde ichia mɨnepa Cristode ĩjãana pẽra mɨ warra jĩra beesima.

Tito 1:4

Tito, mɨa nãɨ k'art'a pɨ pae bɨruma. Tachia abarik'a Cristode ĩjãa p'anɨ pẽra pɨt'a piarã mɨ warra jĩra bɨma. Mɨa k'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristo pida ãchi sõpiadepa pɨ k'aripa p'ananait'a mãɨnepa ne k'ɨ̃risiawẽa p'anapiit'a.

Hecho 16:1

Mãɨne Pablo Derbe p'uurudea wãk'ari mãmãɨpa Listra p'uurudea wãsima. Mãma Jesude ĩjãa bɨ aba Timoteo apataɨ basima. Timoteo nae judio pasima; Jesude ĩjãa basima. Ichi ak'õre griego pasima.

1 Corintio 4:17

Mãɨpuru Timoteo mãramá peeruma. Tachi Chiparidepa ichi mɨ warra k'ɨ̃ria bɨ jĩra bɨma mãɨnepa jĩp'a nipaparima. Ichia mãrá k'ɨ̃risiapiipɨ mɨ Jesucristo ome sãmaasã́ nit'a. Mɨ mãɨya nipai bɨt'a ẽpẽrarã Jesucristoderã becha jarateaparima.

1 Corintio 9:7

¿Papaká bɨ ara ichi errearapa chõone wãparik'ãra? ¿Chi uva k'ãena uru bɨpa ichi uva jõiwẽk'ãra? ¿Chi oveja ak'ɨparipa oveja juba toiwẽk'ãra?

1 Timoteo 1:5

Mɨa mãɨya jara bɨma ũpẽarãpa k'ɨ̃risia piadepa, sõpiadepa, piarã Tachi Ak'õrene ĩjãa p'anɨnepa chi k'ɨ̃ria tuananamẽrá.