1 Timoteo 1:17 - Tachi Ak'õre Pedea

¹⁷ Tachi Ak'õre chi ewaricha jõmãɨrã Chiparipɨ. Ichi chi tachia ununak'aɨ piuk'ama. Ichit'u Tachi Ak'õrepɨ. Ichiá tachia ewaricha pia pedeadai p'anɨma mãɨnepa wap'eadai p'anɨma. Mãɨya beese.

1 Timoteo 1:17 Referans Kwoze

Juda 1:25

Tachi Ak'õre abapuru bɨma. Ichi Tachi K'aripaparipɨ. Ichit'a chi atepe bɨma, mãɨnepa ne ãarea p'ue ooi bɨma. Naenaenapema mãɨya nima, idiapae pida mãɨya bɨma, mãɨnepa ewaricha mãɨya baipɨ. Tachi Chipari Jesucristodepa ichiaapuru pia pedeadai p'anɨma. Mãɨya beese.

Apocalipsi 19:1

Mãɨya nak'ari mɨa pajãne chok'ará nãɨya pedea p'anɨt'a ũrisima. «¡Tachi Ak'õrea pia pedeadai p'anɨma! Ichiapuru ẽpẽerã k'aripa bɨma. Ichit'a chi atepe bɨma mãɨnepa chi jua chaarea bɨma.

Apocalipsi 17:14

Mãɨne ãchi Oveja Chak'e ome k'ĩruunaipɨ. Maamina chi Oveja Chak'epa ãchi p'ueipɨ ichi jõmãɨrã poro jũra jɨ̃parí jɨ̃ p'anɨrã k'aepẽra chi Atepe Bɨ pẽra, mãɨnepa jõmãɨrã chiparirã k'aepẽra chi Atepe Bɨ pẽra. P'uerude chi ichide minachia ĩjãa p'anɨ ichi ome p'ananaipɨ. Ãchi t'ɨ̃k'ari maapae jɨrɨ atasima».

Colosense 1:15

Chi tachia ununak'aɨ Tachi Ak'õre, mãɨ Jesucristodepa unupatama. Ichit'a Tachi Ak'õre Warra ĩwini pẽra nejõma Tachi Ak'õrepa ooda Chiparipɨ.

Apocalipsi 19:16

Ichi anamari jɨ̃ bɨde ichi mak'ara ɨ̃rɨ nãɨ t'ɨ̃ bɨ uru bɨma: «Jõmãɨrã poro jũra jɨ̃parí jɨ̃ p'anɨrã k'aepẽra ichit'u chi Atepe Bɨpɨ» ichiaba «Jõmãɨrã chiparirã k'aepẽra ichit'u chi Atepe Bɨpɨ».

Romano 1:23

Tachi Ak'õre piuk'apɨ́ pia bɨt'a itu bɨsidama. Maapae ẽpẽra piupari jĩra sãdo oodak'ari mãɨa pia pedea p'aneesidama. Ichiaba sãdo wawaria ook'oasidama: ĩpanarã, ãnimara bɨɨrɨ k'ĩmari berã mãɨnepa ãnimara ĩjũane urrujupataɨrã, mãɨrã́ pia pedeadai k'orea.

Apocalipsi 19:6

Maapae chok'ará jĩk'ua pedea p'anɨ mɨa ũrisima. Mãɨ to pedea jĩra pũa nɨbɨ jĩra basima mãɨnepa pa pedea minachia baeru jĩra basima. Ãchia nãɨya jara tuanasidama: «¡Tachi Chipari pia bɨma! ¡Tachi Chipari chi Ne Ãarea P'ue Bɨpɨ! ¡Ichit'a jõmãɨrã Chiparipɨ!

1 Juan 4:12

Abaɨ pida Tachi Ak'õre taupa ununak'ama. Maamina tachi chi k'ɨ̃ria p'anɨpɨra, Tachi Ak'õre tachi ome bɨma mãɨnepa ichi k'ɨ̃rianepa tachia piarã jõmãɨrã k'ɨ̃ria p'anɨma.

Juan 1:18

Abaɨ pida Tachi Ak'õre ununak'ama. Maamina chi Warra aba bɨt'a Tachi Ak'õre pẽra mãɨnepa chi Ak'õre ome abarik'a bɨ pẽra, tachiá k'awapisima Tachi Ak'õre piarã sãmaasã́ bɨt'a.

Mateo 6:13

Tai nemietaade baepirãse mãɨnepa nemietaadepema k'aripase”. [Pɨa jõmãɨrã p'ue bɨpɨ, pɨ chi chaarea bɨpɨ ichiaba ewaricha chi minachia k'awa bɨpɨ.]

Apocalipsi 15:3

Mãɨ arpa chaautade Moisé chi Tachi Ak'õre pae pari mimiaparí k'arit'a mãɨnepa chi Oveja Chak'e k'arit'a k'arimaa p'anasima. Nãɨya k'arisidama: «Tai Chipari, chi Ne Ãarea P'ue Bɨ Tachi Ak'õre, pɨa oo bɨ waibɨa bɨma. Pɨa oo bɨ k'orea ẽpẽerãpa k'awa k'ɨ̃risiadawẽa p'anapatama. Jõmãɨrã Poro Jũra Jɨ̃parí Jɨ̃ bɨ, pɨa oo bɨt'a jĩp'a bɨma mãɨnepa pɨ pedea aba piarã bɨma.

Apocalipsi 7:12

Nãɨya jarasidama: «¡Mãɨya beese! Ewaricha Tachi Ak'õrea pia pedeadai p'anɨma ichi chi atepe bɨ pẽra, ichi chi k'ɨ̃risia atepe bɨẽra, ichia ne ãarea p'uepari pẽra, mãɨnepa minachia jua chaarea bɨ pẽra. Ichiá sõpia bɨade adai p'anɨma mãɨnepa minachia pia bɨade adai p'anɨma. ¡Mãɨya beese!»

2 Pedro 3:18

Jesucristo Tachi Chipari mãɨnepa Tachi K'aripaparí ewaricha pia k'awapariet'ɨ. Ichi sõpiadepa warit'ɨ. Idi mãɨnepa ewaricha ichiá pia pedeadai p'anɨma. Mãɨya beese.

1 Pedro 5:11

Pia bɨma ewaricha nejõma ichi juade uru bait'a. Mãɨya beese.

Hebreo 11:27

Moisepa Tachi Ak'õrene ĩjãa bada pẽra p'araón k'ĩruui bɨt'a wap'eawẽa Egitodepa wãsima. Chi Tachi Ak'õre tachia ununak'apɨɨt'a unu bɨ jĩra ichia ĩjãa bɨt'a itu bɨé pasima.

Romano 16:27

Ichi abapuru bɨma. Nejõma k'awa bɨma. Jesucristodepa tachia ewaricha ichiá pia pedeadai p'anɨma. Mãɨya beese.

Romano 11:36

Tachi Ak'õrepuru nejõma oosima. Nejõma ichidepa bɨma mãɨnepa ichi pae bɨma. Tachia ewaricha ichiá pia pedeadai p'anɨma. Mãɨya beese.

Romano 2:7

Chi eda waapẽarãpa pia oo p'anɨma Tachi Ak'õrepa ãchi pia unumẽrá, pia jaramẽrá mãɨnepa ewaricha ãchi ome chok'ae bamẽrá. Mãɨrã piarã chok'ae p'anapiipɨ.

Romano 1:20

Nãɨ ĩjũa oodaedapema chi ichia ooda ak'ɨ p'anɨnepa k'awa p'anɨma ichi chi ewaricha ne ãarea p'ue oo bɨt'a mãɨnepa ichi Tachi Ak'õret'u. Mãɨ ãarea ooda ak'ɨ p'anɨnepa, ẽpẽrarãpa chi Tachi Ak'õre ẽpẽerãpa ne p'ue oodak'apɨ́ mãɨ pia unupatama. Mãɨ k'orea chi nemietá oopataɨrãpa p'ue atua p'anɨane adaiwẽa p'anɨma.

Mateo 28:20

Ãchiá jarateat'ɨ mɨa mãrá jarada jõma ĩjãanak'ari oodamẽrá. Mãɨne mɨ mãra ome ewaricha baipɨ aba nãɨ ewari jõrunea.

Mateo 25:34

Maapae mɨ, chi Minachia k'awa bɨpa juaraari p'anɨrã́ nãɨya jaraipɨ: “Mãra, mɨ Ak'õrepa pia beepidaɨrã, chet'ɨ. Ichi p'uurude pia p'anat'ɨ. Nãɨ ĩjũa oosiedapema mãɨ p'uuru mãra pae oo basima.

Juan 5:44

¿Sãmaasã́ mɨne ĩjãanaima? Abapuru k'ɨ̃ria p'anɨma waapẽarãpa mãra pia ununait'a. Maamina Tachi Ak'õre aba bɨpa mãra pia unuit'a mãɨ jɨrɨdawẽma.

Romano 2:10

Maamina jõma pia oo berã Tachi Ak'õrepa pia unuipɨ, pia jaraipɨ mãɨnepa ne k'ɨ̃risiawẽa bapiipɨ. Naa judiorã mãɨnepa judiorãwẽ sida mãɨya ooipɨ.

Hebreo 2:7

Pɨa ichi chi Tachi Ak'õrepa ɨt'aripa peedaɨrã k'aepẽra k'aepe bɨsima. Ichi pia bɨsima mãɨnepa chi minachia k'awa bɨ bɨsima».