1 Timoteo 1:10 - Tachi Ak'õre Pedea

¹⁰ chi k'ima awaraɨ ome k'ãipataɨrã k'orea, chi ara ãchi abarik'aɨrã ome k'ĩra p'era oopataɨ k'orea, chi ẽpẽrarã jitadak'ari netopataɨrã k'orea, chi seajarapataɨrã k'orea, chi nepɨra ak'ɨparí k'ĩrari seajarapataɨrã k'orea mãɨnepa chi piarã pedea jara bɨt'a oodak'aɨrã k'orea.

1 Timoteo 1:10 Referans Kwoze

2 Timoteo 4:3

Ewari parude ẽpẽrarãpa chi piarã pedea ũri k'ɨ̃rianawẽa p'ananaipɨ. Mãɨpari ãchia k'ɨ̃ria p'anɨnea wãnaipɨ. Mãɨpuru jarateapataɨrã chok'ará jɨrɨdaipɨ ãchia ũri k'ɨ̃ria p'anɨt'a jarateadamẽrá.

Romano 1:26

Mãɨpuru Tachi Ak'õrepa itu bɨsima k'ĩra p'era oodamẽrá. Wẽra ɨmɨk'ĩra ome k'ãii pada itu bɨdak'ari abarik'a wẽra ome k'ãi p'aneesidama.

Apocalipsi 21:27

Maamina ãarea chi Tachi Ak'õrepa pia unuk'apɨ́ chi p'uurude eda p'ue ateewãnaiwẽma. Chi nemietá oopataɨrã mãɨnepa chi seajarapataɨrã eda wãnaiwẽma. Abapuru chi ewaricha chok'ae p'ananai k'art'ade chi t'ɨ̃ bɨ berã mãɨrã p'ue eda wãnaipɨ. Mãɨ k'art'a chi Oveja Chak'epa uru bɨma.

1 Timoteo 6:3

Abaɨ pida k'ĩra awara jaratea baipɨra, Tachi Chipari Jesucristopa jĩp'a jarateada piawẽa bɨade aipɨra, mãɨnepa tachi jĩp'a nipadai k'orea pida k'ĩra awara jaratea baipɨra,

Juda 1:7

Ara mãɨ jĩra Tachi Ak'õrepa Sodomanepemarã, Gomorradepemarã, mãɨnepa ãchi k'ait'a be p'uurudepemarã sida ɨtɨasima. Mãɨ ẽpẽrarãpa k'ĩranejasia oopachidama. Nejõma nemietá tachi k'ak'uapa ooiwẽa bɨt'a oopachidama. Mãɨpuru Tachi Ak'õrepa ãchi t'ɨpɨ urua k'iik'ade ewaricha minachia mĩa uru bɨma. Mãɨpa k'awapi bɨma nemietá oopataɨrã ãarea mãɨya minachia mĩa p'ananait'a.

Tito 1:9

Chi piarã pedea ichiá jarateadada minachia ĩjãa bai bɨma. Mãɨya ichia piarã pedea jĩp'a jaratea bɨdepa ẽpẽrarã p'ue k'aripaipɨ pia ĩjãanamẽrá, mãɨnepa chi piarã pedea piawẽa bɨade apataɨrã́ p'ue k'awapiipɨ ãchia piawẽa k'ɨ̃risia p'anɨ.

Apocalipsi 21:8

Maamina chi mɨ ome wãnai k'orea wap'eapataɨrã, chi mɨne ĩjãanak'apɨɨrã, chi mɨa k'ɨ̃riak'at'a oopataɨrã, chi mĩa peapataɨrã, chi k'ĩranejasia oopataɨrã, chi ẽpẽra nɨɨpataɨrã, chi juapa oodada sãdode ĩjãapataɨrã mãɨnepa chi seajarapataɨrã azup're t'ɨpɨ urua nɨbɨde minachia mĩa p'ananaipɨ. Mãɨ chi bari k'ak'o ume piusiade apatama».

Hebreo 13:4

Ãareaɨrãpa ãchi k'ima ome pia p'ananai k'orea minachia k'ɨ̃risiat'ɨ. Tachi k'ak'uadepa nemietá oopataɨ mãɨnepa k'ima awaraɨ ome k'ãipataɨ Tachi Ak'õrepa ɨtɨai pẽra abapuru mãra k'ima ome k'ãinai p'anɨma.

Apocalipsi 22:15

Maamina chi nemietá oopataɨrã, chi ẽpẽra nɨɨpataɨrã, chi k'ĩranejasia oopataɨrã, chi mĩa peapataɨrã, chi juapa oodada sãdode ĩjãapataɨrã, mãɨnepa seajarapataɨrã ãarea awara tuaneenaipɨ.

2 Timoteo 1:13

Mɨa jĩp'a jaratea bada jĩra jaratea base. Jesucristode ĩjãa bɨdepa, waapẽarã k'ɨ̃rianepa nipase.

Juan 8:44

Mãra ak'õre tiorepɨ. Mãɨpuru ichia k'ɨ̃ria bɨt'a mãrapa oo k'ɨ̃ria p'anɨma. Ichi jua chiwidiedadepema mĩa peaparima. Piarãnepa bak'ama chi piarãt'a ichide newẽ pẽra. Sea jararude ichidiidepema jaraparima, seajarapari pẽra mãɨnepa sea ak'õre pẽra.

Tito 1:13

Mãɨpa jarada piarãpɨ. Mãɨ k'orea mãɨ ẽpẽrarã ɨtɨa base piarã pedea ĩjãanamẽrá, judiorãpa chõarãenapema nepɨrɨpataɨ itu bɨdamẽrá, mãɨnepa chi piarã pedea ĩjãanak'apɨɨrãpa jaratea p'anɨ ĩjãapidaemaapa.

Apocalipsi 18:13

Mãɨnepa pak'uru e p'iumá be, nejõma p'iumá be, ãp'o k'era, mirra k'era, ne k'era, uvaba, olivo taa, harina chi piipará be, trigo, p'ak'a, oveja, mũra mãɨnepa carreta netopachidama. Ẽpẽerã sida netopachidama, ãchi chipari pae pari mimiapataɨrã padamẽrá.

1 Timoteo 4:6

Timoteo, pɨa jõma mãɨ ũpẽarã́ jaratea baipɨra, Jesucristo pae pari mimiaparí pia baipɨ. Tachi Ak'õre chi piarã pedea tachia ĩjãa p'anɨ ĩjãapodoutadepa pɨ jaore chaarea wari baipɨ, pia nek'o bɨ jĩra.