1 Tesalonicense 4:9 - Tachi Ak'õre Pedea

⁹ Mãɨ awara mãra sãmaasã́ ũpẽarã ome chi k'ɨ̃ria p'ananai p'anɨ k'orea, mɨa nãɨ k'art'ade ¿k'ãre bɨima? Ara Tachi Ak'õrepa mãrá mãɨ jarateasima.

1 Tesalonicense 4:9 Referans Kwoze

1 Juan 3:11

Chi mãrapa ĩjãasidaedapema ũri p'anɨ pedea nãɨpɨ: tachi chi k'ɨ̃ria p'ananai p'anɨma.

Romano 12:10

Piarã k'ɨ̃rianepa chi k'ɨ̃ria p'anat'ɨ. Chi waapẽarã ome pia p'anat'ɨ, ãchi machi k'aepẽra atepe p'anɨ jĩra mãɨnepa waapẽarã k'orea pia k'ɨ̃risiat'ɨ.

1 Juan 3:23

Mãɨ oopi bɨ pedea nãɨpɨ: ichi Warra Jesucristode ĩjãanait'a mãɨnepa chi k'ɨ̃ria p'ananait'a ichia tachiá jarada jĩra.

1 Juan 4:21

Jesucristopa chi tachi pae oopi bɨ pedea nãɨpɨ: Tachi Ak'õre k'ɨ̃ria bɨpa ichi ũpẽa k'ɨ̃ria bai bɨma.

Hebreo 13:1

Mãra ũpẽarã pẽra ara chi k'ɨ̃ria p'anat'ɨ.

1 Tesalonicense 5:1

Ũpẽarã, mɨa nãɨ k'art'ade bɨwẽma mãɨ ewari parudea cheit'a,

Hecho 4:32

Mãɨ ewaride chi Jesude ĩjãapataɨrã k'ɨ̃risia abarik'a mãɨnepa sõ abarik'a p'anapachidama. Abaɨ pida ara ichi neet'á ichidí jĩra k'ɨ̃risiak'a pasima, mãɨpari abaɨ ome ne jedapachima.

1 Juan 2:10

Chi ichi ũpẽa k'ɨ̃ria bɨt'a ɨnaane bɨma mãɨnepa nemietaade baepik'ama.

2 Pedro 1:7

Tachi Ak'õrepa k'ɨ̃ria bɨ jĩra p'anɨne ũpẽarã k'ɨ̃rianai k'orea jɨrɨt'ɨ; ũpẽarã k'ɨ̃ria p'anɨne jõmãɨrã k'ɨ̃rianai k'orea jɨrɨt'ɨ.

1 Pedro 4:8

Minachia chi k'ɨ̃ria p'anat'ɨ. Mãɨ ne ãareanepema k'aepẽra piipará bɨma. Chi waapẽarã k'ɨ̃ria uru bɨpa ãchia nemietá minachia oodada k'ɨ̃risia atuaparima.

1 Pedro 3:8

Mãɨ awara ũpẽarã, abarik'a k'ɨ̃risiadepa jõma mãra ará pia tuanat'ɨ. Waapẽarã k'aripai k'ɨ̃risiadepa p'anat'ɨ. Ũpẽarã pẽra chi k'ɨ̃riat'ɨ. Chi k'ĩra chupuriat'ɨ mãɨnepa waapẽarã k'aepẽra atepe bɨ jĩra k'ɨ̃risiarãt'ɨ.

Hebreo 10:16

«Tachi Chiparipa nãɨya jara bɨma: K'aadeapema ewaride mɨa nãɨ pedea chiwidi auipɨ israel ĩjũanepemarã ome: Mɨa Moisepa bɨda ãchi k'ɨ̃risiade mãɨnepa ãchi sõne bɨipɨ».

Juan 14:26

Maamina mɨ Ak'õrepa mɨ t'ɨ̃nepa ichi Jaore peeipɨ mãra K'aripaparí bamẽrá. Tachi Ak'õre Jaorepa ne ãarea mãrá jarateaipɨ. Ichia mãrá ãarea mɨa jarada k'ɨ̃risiapiipɨ.

Mateo 22:39

Mãɨnepa ara mãɨ ɨ̃aripema nãɨ jĩra bɨma. Nãɨya jara bɨma: “Abaɨ k'ɨ̃riase ara pɨchi k'ɨ̃ria bɨ jĩra”.

2 Corintio 9:1

Mãrapa ũpẽarã Jerusalenepema pae erreara jɨrɨp'e p'anɨ k'orea mɨa nãɨ k'art'ade waa bɨiwẽa bɨma,

P'ilipense 3:15

Jõma tachi Cristo minachia k'awa berãpa mãɨ jĩra k'ɨ̃risiadai p'anɨma. Mãrapa k'ĩra awara k'ɨ̃risia p'anɨpɨra, Tachi Ak'õrepa sãmaasã́ k'ɨ̃risiadai p'anɨt'a k'awapiipɨ.