1 Tesalonicense 4:6 - Tachi Ak'õre Pedea

⁶ Mãɨneepuru tachi ũpẽarã nemietá oorãt'ɨ, mãɨnepa mãɨya searãt'ɨ. Jõma makɨɨ Tachi Chiparipa ɨtɨaipɨ taipa mãrá jaradada jĩra.

1 Tesalonicense 4:6 Referans Kwoze

Hebreo 13:4

Ãareaɨrãpa ãchi k'ima ome pia p'ananai k'orea minachia k'ɨ̃risiat'ɨ. Tachi k'ak'uadepa nemietá oopataɨ mãɨnepa k'ima awaraɨ ome k'ãipataɨ Tachi Ak'õrepa ɨtɨai pẽra abapuru mãra k'ima ome k'ãinai p'anɨma.

Romano 12:19

Ũpẽarã, abaɨ pida mãra piawẽa oosira abarik'a piawẽa oorãt'ɨ. Mãɨpari itu bɨt'ɨ Tachi Ak'õrepa ɨtɨamẽrá. Tachi Ak'õre pedeade nãɨya bɨ bɨma: «Mɨapuru mãɨrã ɨtɨaipɨ. Ãareaɨrã́ teaipɨ ara ãchia nemietá oodada jĩra», a jara bɨma Tachi Chiparipa.

Romano 1:18

Tachi Ak'õrepa pajãnepa k'awapi bɨma nemietá oo berã mãɨnepa jĩp'awẽa berã ichi k'ĩruupidepa ãarea ɨtɨait'a. Ãchia nemietá oo p'anɨnepa chi piarã pedea itu k'awapidak'ama.

Santiago 5:4

Mãra ne uu ĩjũa mimiapataɨrã́ erreara teadawẽa p'anɨma ãchia oodada pae. Mãɨpuru ãchia Tachi Ak'õrea ɨt'aa chiidi p'anɨma ɨtɨamẽrá. ¡Ũrit'ɨ! Ãchia ɨt'aa chiidi p'anɨt'a Tachi Chipari chi Ne Ãarea P'ue Bɨpa ũrisima.

Santiago 2:6

Maamina mãrapa chi mãɨ nenea k'ɨrɨt'a pia ak'ɨdak'ama. Mɨa idiruma: ¿K'aipa mãrá ne oopadade apatama? Chi mãɨya oopataɨrã ¿chi ɨbɨarãwẽk'ãra? ¿Chi mãɨrãpa mãra jitapidak'ari, chi nepɨra ak'ɨpataɨrãmá ateewãnaiwẽk'ãra?

Gálata 5:21

waapẽarãpa uru p'anɨ k'orea piawẽa k'ɨ̃risiapataɨ, mĩa peapataɨ, piu nipapataɨ, arapaapataɨ ewari oo p'anɨne minachia nemietá oopataɨ mãɨnepa nejõma nemietá mãɨ jĩra be sida. Mɨa mãrá naena jarada jĩra mãicha jararuma: mãɨ nemietá oo be Tachi Ak'õre juade p'ananaiwẽma, ichidirã paara.

Romano 13:4

Piarã mãra minachia k'awa berã Tachi Ak'õrepa ichi pae pari mimiapataɨrã jĩra bɨsima mãra k'aripadamẽrá. Maamina mãrapa nemietá oodaipɨra, ãchi wap'eat'ɨ piarã minachia ɨtɨadai p'anɨ pẽra. Ãchi Tachi Ak'õre pae pari mimiapataɨrã jĩra p'anɨma chi nemietá oo berã ɨtɨadai k'orea.

Luca 12:5

Mɨa mãrá jararuma k'ait'a piarã wap'eadai p'anɨma. Mãrapa wap'eadai p'anɨma nãɨ k'ak'ua peak'ari p'ue tachi jaore t'ɨpɨ tau uruadea peei bɨt'a. Mɨa piarã jararuma ichit'a wap'eadai pia bɨma.

Ep'esio 5:6

Abaɨ pida seadepa nemietá oodai p'anɨane aipɨra, itu seapirãt'ɨ. Nemietá oo p'anɨ k'orea Tachi Ak'õrepa chi ichi pedea ĩjãawẽa be ɨtɨaipɨ.

Ep'esio 4:17

Mãrapa piarã oodamẽrá, mɨa Tachi Chipari t'ɨ̃nepa nãɨ jararuma: waa Tachi Ak'õrene ĩjãanak'apɨɨrã jĩra niparãt'ɨ. Ãchi k'ɨ̃risia piawẽa p'anɨnepa nipapatama.

Marco 10:19

Pɨa k'awa bɨma Tachi Ak'õrepa oopi bɨ pedea. Nãɨya jara bɨma: ẽpẽra pearãse, wẽra awaraɨ ome k'ãirãse, nechɨarãse, sea jararãse chĩara k'orea, searãse, pɨ ak'õre pɨ nae ome wap'ea base.

Ep'esio 4:28

Chi nechɨaparí pada waa nechɨaiwẽa bɨma, mãɨpari ara ichi juapa mimiai bɨma ne uru bai k'orea. Mãɨya ichia uru baipɨ nenea k'ede k'aripai k'orea.

2 Corintio 7:11

Tachi Ak'õrepa k'ɨ̃ria bɨ jĩra mãra sõp'uasida pẽra mãɨ sõp'uapa mãrá jĩp'a k'ɨ̃risiapik'ari jĩp'a oopisima. Mãɨpuru mãrapa jĩp'a oo p'anɨ jõmãɨrã́ k'awapi k'ɨ̃ria p'anɨma. Chi mãɨ ũpẽapa nemietá ooda k'orea mãra k'ĩruusidama mãɨnepa Tachi Ak'õrepa ɨtɨai pada wap'easidama. Mãɨ k'orea chi nemietá ooda ẽpẽra ɨtɨadak'ari ãyá jeret'aasidama. Nejõmane mãrapa unupisidama mãɨ nemietá ooda k'orea nepɨradawẽa p'anɨt'a.

1 Tesalonicense 2:11

Mãɨ awara k'awa p'anɨma ak'õrepa ara ichi warrarã ome oopari jĩra taipa machicha mãɨya oo p'anasidama.

Hebreo 2:6

Mãɨpari Tachi Ak'õre pedeade nãɨya bɨ bɨma: «Tachi Ak'õre, ẽpẽra ¿k'ãrema pɨa mãɨ k'orea k'ɨ̃risiai k'orea? Ẽpẽra ¿k'ãrema, pɨa mãɨ ak'ɨi k'orea?