1 Tesalonicense 3:10 - Tachi Ak'õre Pedea

¹⁰ Ãst'á mãɨnepa teamasi taipa Tachi Ak'õrea ɨt'aa chiidipatama mãra ak'ɨde wãnai k'orea. Mãɨya mãrapa Cristo k'orea waidi atua p'anɨ, taipa p'ue jarateadaipɨ jõma atepe ĩjãanamẽrá.

1 Tesalonicense 3:10 Referans Kwoze

2 Corintio 13:9

Mãrapa minachia ĩjãa p'anɨpɨra tai ɨbɨwẽa p'anɨmina arapá p'anɨma. Mãɨ awara taipa Tachi Ak'õrea ɨt'aa chiidi p'anɨma mãrapa jĩp'a oo p'ananamẽrá.

1 Tesalonicense 3:11

Taipa Tachi Ak'õrea mãɨnepa Tachi Chipari Jesua ɨt'aa chiidi p'anɨma tai mãramá mãicha wãpidamẽrá.

2 Corintio 1:24

Taipa jara p'anɨ jĩra oopidaiwẽma, mãrapa Cristode minachia ĩjãa p'anɨ pẽra. Abapuru mãra k'aripa k'ɨ̃ria p'anɨma arapá p'ananamẽrá.

2 Timoteo 1:3

Ãst'á mãɨnepa teamasi mɨa Tachi Ak'õrea ɨt'aa chiidirude pɨ k'orea sõpia bɨade aparima. Tachi Ak'õrepa jara bɨt'a mɨa ooparima, mɨ chõarãenapemarãpa oodada jĩra. Mãɨ mɨ k'ɨ̃risiade mietá bɨwẽanepa ooparima.

2 Tesalonicense 1:11

Mãɨ k'orea taipa ewaricha Tachi Ak'õrea ɨt'aa chiidipatama ichia mãra pia unumẽrá. Ichia mãra mãɨ k'orea t'ɨ̃sima. Taipa ɨt'aa chiidi p'anɨma Tachi Ak'õrepa ichi jua chaareadepa mãra ãareane k'aripamẽrá. Mãɨya ichide ĩjãa p'anɨnepa chi nepia oo k'ɨ̃ria p'anɨt'a jõma oodaipɨ.

P'ilipense 1:25

Mãɨpuru k'awa bɨma mãra k'aripai k'orea mɨ mãicha chok'ae bait'a mãɨnepa mãicha mãra ome ará bait'a. Mãɨya mãrapa Cristode pia ĩjãa p'anɨnepa arapá p'ananaipɨ.

2 Corintio 1:15

Mãra mɨ k'orea piarã arapaadai k'ɨ̃risia bɨ pẽra, naa mɨa k'ɨ̃risia basima bari k'ak'o ume mãra ak'ɨde wãit'a minachia k'aripai k'orea.

Hecho 26:7

Piarã ãarea Israel doce warrarãnepa ununaanarãpa ĩjãa p'anɨma Tachi Ak'õrepa tachi chok'ae p'irabaripit'a. Mãɨpuru tachia ãst'á mãɨnepa teamasi Tachi Ak'õrea pia pedeapatama. Poro jũra jɨ̃parí jɨ̃ bɨ Agripa, mãɨ ĩjãa bɨ k'orea waapẽarã judiorãpa mɨ nepɨra pará bɨade a jara p'anɨma. »Tachi Ak'õrepa tachi chok'ae p'irabaripiit'a ĩjãa p'anɨpɨra ¿k'ãre k'orea ĩjãanawẽa p'anɨma ichia piu bada aba chok'ae p'irabaripisit'a? Mãɨya jarak'ari Agripá nepɨrɨsima:

P'ilemón 1:22

Mãɨ awara mɨa k'ɨ̃risia bɨma mãrapa Tachi Ak'õrea ɨt'aa chiidi p'anɨnepa mɨ eda serra uru p'anɨnepa awara wãit'a. Mãɨya mɨ mãramá p'ue wãipɨ. Mãɨpuru mɨ pae te yaa uru base.

Colosense 4:12

Chi mãra p'uurudepema Epap'rapa pia bapade a jara peeruma mãrá. Ichi Jesucristo pae pari mimiaparipɨ. Ichia ewaricha Tachi Ak'õrea ɨt'aa chiidi baparima mãra ne ãareaɨne choa p'ananamẽrá, minachia ĩjãa p'ananamẽrá mãɨnepa jõma Tachi Ak'õrepa oopi k'ɨ̃ria bɨ k'awadak'ari oodamẽrá.

Colosense 1:28

Jõma k'ɨ̃risia k'awaadepa taipa Cristo k'orea jõmãɨrã́ jaratea p'anɨma jĩp'a nipadamẽrá. Mãɨya taipa ẽpẽrarã ãarea Cristo k'orea ne ãareaɨne jĩp'a p'anɨt'a Tachi Ak'õrea unupidaipɨ.

Luca 2:37

Ichi p'ẽtã́ beeda ãyo 84 basima. Ewaricha ãst'á, teamasi pida Tachi Ak'õre te minachia bɨdea wãpachima Tachi Ak'õrea pia pedeai k'orea, Tachi Ak'õrene k'ɨ̃risiadayá nek'odak'apɨ́ ewaride ooi k'orea mãɨnepa Tachi Ak'õrea ɨt'aa chiidii k'orea.

Apocalipsi 4:8

Chi mãɨrã ãchi k'ak'awá ĩk'arra sei uru beasima. Ãchi k'ak'ua ãarea tau pará beasima. Chi ĩk'arra ek'ari pida tau ãarea beasima. Ãst'á mãɨnepa teamasi pida sẽnawẽa pedeadepa nãɨya jarapachidama: «Minachia pia bɨma, minachia pia bɨma, minachia pia bɨma Tachi Chipari, chi Ne Ãarea P'ue Bɨ Tachi Ak'õre». Ichipɨ, ichi naena basima mãɨnepa ichi chei bɨpɨ.

2 Corintio 13:11

Ũpẽarã, k'aadea mɨa nãɨya bɨruma: arapá p'anat'ɨ, mãicha jĩp'a oo p'anayá jɨrɨt'ɨ, mɨa jara bɨt'a oo p'anat'ɨ, abarik'a k'ɨ̃risia uru p'anat'ɨ mãɨnepa ne k'ɨ̃risiawẽa p'anat'ɨ. Mãɨya chi Tachi Ak'õre tachiá k'ɨ̃riapiparí mãɨnepa ne k'ɨ̃risiawẽa bapiparí mãra ome baipɨ.

Apocalipsi 7:15

Mãɨpuru Tachi Ak'õre suak'a beeparí auk'ará bɨ k'ĩrari p'anɨma. Ãst'á mãɨnepa teamasi pida Tachi Ak'õre tede ichi pae ne oopatama. Mãɨ suak'a beeparí auk'ará bɨde suak'abari bɨ ãchi ome baipɨ.