1 Tesalonicense 2:5 - Tachi Ak'õre Pedea

⁵ Mãrapa k'awa p'anɨma taipa seadepa mãra ẽpẽerã piade adaé pasima. Mãɨnepa erreara jɨrɨdayá seadepa jarateadaé pasima. Mãɨ Tachi Ak'õrepa k'awa bɨma.

1 Tesalonicense 2:5 Referans Kwoze

2 Corintio 12:17

Mɨa ũpẽarã peeside ¿ãchidepa mãra seasidak'ãra erreara jitai k'orea?

Romano 1:9

Tachi Ak'õrepa k'ɨ̃ria bɨt'a ãarea mɨ sõnepa oo bɨma, chi pedea pia ichi Warra k'orea jaratea bɨ pẽra. Ichia k'awa bɨma mɨa ɨt'aa chiidirucha mãra k'orea ɨt'aa chiidiparit'a.

Hecho 20:33

»Mɨa chĩara p'arat'a, nee wa chi neet'á ara mɨ pae k'ɨ̃riaé pasima.

Gálata 1:20

Tachi Ak'õre k'ĩrari mɨa mãrá jararuma: mɨa mɨ k'orea bɨrut'a seawẽma.

2 Pedro 2:3

Erreara k'ɨ̃ria p'anɨ pẽra, mãra erreara atadai k'orea ara ãchi k'ɨ̃risiadepa sea jarateadaipɨ. Minachia tãaraaenapema Tachi Ak'õrepa ãchi nepɨra ak'ɨi k'orea bɨma, mãɨnepa tãaraawẽa bɨde ãchi piarã ɨtɨaipɨ.

1 Pedro 5:2

Tachi Ak'õrepa ũpẽarã mãra juade bɨda minachia ak'ɨt'ɨ. Mãɨya oorãt'ɨ waapẽarãpa mĩesa oopi p'anɨ pẽra. Mãɨpari ak'ɨ k'ɨ̃ria p'anɨ pẽra mãɨya oot'ɨ. Erreara awaa p'anɨnepa mãɨ oorãt'ɨ, mãɨpari sõnepa ak'ɨ k'ɨ̃ria p'anɨ pẽra mãɨya oot'ɨ.

Tito 1:7

Ĩjãapataɨrã ak'ɨparipa Tachi Ak'õrepa ooda oopari pẽra nepɨra pará bɨade adaiwẽa bai bɨma. Ichi waapẽarã k'aepẽra atepe bɨ jĩra baiwẽa bɨma, ne wariwẽa bɨ k'orea k'ĩruu baiwẽa bɨma, it'uapa piu nipaiwẽa bai bɨma, k'ĩruuyá baiwẽa bɨma mãɨnepa erreara awaa baiwẽa bɨma.

1 Tesalonicense 2:10

Mãrapa k'awa p'anɨma, Tachi Ak'õre pida k'awa bɨma tai mãra chi Cristode ĩjãapataɨrã t'ãena pia, jĩp'a mãɨnepa nepɨra pará bɨade adawẽa nipasidama.

2 Corintio 7:2

Sõnepa tai k'ɨ̃riat'ɨ. Taipa abaɨ sida mietá oodawẽa p'anɨma, mi ãpia pida nemietá k'ɨ̃risiapidaemaa p'anɨma mãɨnepa seadawẽa p'anɨma.

2 Pedro 2:18

Ãchia pedea auk'ará jarateapatamina, mãɨpa tachi k'aripak'ama. Ãchia jarateapatama nãɨ k'ak'uapa nemietá oo k'ɨ̃ria bɨ oodai p'anɨ. Mãɨya chi tãaraawẽa nemietaadepema wãnana berã ãchia seapatama mãicha nemietá oodamẽrá.

1 Timoteo 3:8

Ara mãɨ jĩra ũpẽarã k'aripapataɨrã sida jĩp'a nipadai p'anɨma ẽpẽrarãpa wap'eadamẽrá. Ãchia sea jara p'ananaiwẽa p'anɨma, piu nipadaiwẽa p'anɨma mãɨnepa erreara awaa p'ananaiwẽa p'anɨma.

1 Timoteo 3:3

It'uapa piu nipawẽa bai bɨma. K'ĩruuyá baiwẽa bɨma, mãɨpari awaraɨrã ome sõpia bai bɨma. Jõmãɨrã ome ne k'ɨ̃risiawẽa bai bɨma. Erreara awaa baiwẽa bɨma.

2 Corintio 4:2

Nejõma k'achia ẽpẽrarãpa mẽra oopataɨ mãɨnepa p'era oopataɨ taipa itu bɨsidama. Waapẽarã seadak'ama. Tachi Ak'õre pedea k'ĩra ãyá jarateadak'ama, mãɨpari chi piarã pedea pia jarateapatama. Mãɨya Tachi Ak'õre k'ĩrari taipa jõmãɨrã́ k'awapipatama jĩp'a oo p'anɨ.

2 Corintio 2:17

Taipa erreara atadai k'orea Tachi Ak'õre pedea jaratea nipadawẽma chok'araɨrãpa oopata jĩra. Mãɨpari Cristo ome p'anɨ pẽra Tachi Ak'õrepa tai peesima. Mãɨne ichi k'ĩrari k'ɨ̃risia piadepa jarateapatama.

Romano 16:18

Ãchia Tachi Chipari Jesucristopa k'ɨ̃ria bɨ oo p'anɨwẽma, mãɨpari ãchia k'ɨ̃ria p'anɨt'a oo p'anɨma. Ãchi pedea pia bɨdepa chi k'ɨ̃risiadawẽa berã seapatama.

Romano 9:1

Mɨ Cristode pẽra piarã pedea jararuma. Sea jarawẽma. Tachi Ak'õre Jaorepa mɨ sõne nãɨ pedea piarã ara k'awapi bɨma.

Mateo 23:13

»¡Mãra p'ariseorã, Moisepa bɨda jarateapataɨrã, chi pia jĩra berã, chupuri p'anɨma Tachi Ak'õrepa ɨtɨai pẽra! Mãrapa ẽpẽrarã́ Pajãne Bɨpa ichidirã ichi juade ua bɨ k'orea itu k'awapidak'ama. Machia k'ɨ̃riawẽa p'anɨma ichia mãra p'e uru bait'a mãɨnepa waapẽarãpa mãɨya k'ɨ̃ria p'anɨrã mãrapa itu oopidak'ama.

Mateo 22:16

Mãɨ k'orea p'ariseorãpa ãchi ome p'ɨrrɨapataɨrã mãɨnepa Herode lawari p'anɨrã Jesumá peesidama. Mãɨrãpa Jesua jarasidama: —Jarateaparí, taipa k'awa p'anɨma pɨ ẽpẽra jĩp'a bɨt'a. Abaɨ pida pɨá awara k'ɨ̃risiapik'ama, pɨa ẽpẽrarã ãarea abarik'a unupariideepuru. Mãɨpari Tachi Ak'õre o k'orea piarã jarateaparima.

Juda 1:11

¡Miachupuri p'anɨma chi nemietaade nipapataɨrã! Caínpa ooda jĩra oopatama. Erreara k'ɨ̃ria p'anɨnepa Balaampa ooda jĩra piawẽa oo nipapatama. Corepa Moisé itu bɨda jĩra ara mãɨya Tachi Ak'õre itu bɨ p'anɨ pẽra ãchi sida ɨtɨaipɨ.